ಕುಂದಾಪುರ: ಕಳಚಿತು ಯಕ್ಷಗಾನದ ಇನ್ನೊಂದು ಕೊಂಡಿ.ವೇಷದಲ್ಲಿಯೆ ರಂಗದಲ್ಲಿ ಕುಸಿದು ಹೃದಯಾಘಾತದಿಂದ ಮರಣ ಹೊಂದಿದ್ದಾರೆ.
ಬೈಂದೂರುಲ್ಲಿ ನಡೆಯುತ್ತಿದ್ದ ಯಕ್ಷಗಾನದಲ್ಲಿ ಈ ಘಟನೆ ನಡೆದಿದೆ. ರಂಗದಲ್ಲೇ ಕುಸಿದು ಕಲಾ ಮಾತೆಯ ಮಡಿಲು ಸೇರಿದ ಅಭಿನವ ಸಾಲ್ವ ಚಂದ್ರಹಾಸ ಹುಡುಗೋಡು.ಚಂದ್ರಹಾಸರವರ ಅಪಾರ ಅಭಿಮಾನಿಗಳು ಅವರನ್ನು ‌ಅಗಲಿದ್ದಾರೆ.
ಖ್ಯಾತ ಯಕ್ಷಗಾನ ಕಲಾವಿದ ಹುಡಗೋಡು ಚಂದ್ರಹಾಸ ವೇದಿಕೆಯಲ್ಲೇ ಕುಸಿದು ಮೃತಪಟ್ಟ ಘಟನೆ ಬೈಂದೂರಿನ ಜೋಗಿಬೆಟ್ಟು ಗ್ರಾಮದಲ್ಲಿ ರವಿವಾರ ರಾತ್ರಿ ನಡೆದಿದೆ.ಉತ್ತರ ಕನ್ನಡ ಮೂಲದ ಬಡಗುತಿಟ್ಟು ಯಕ್ಷಗಾನದ ಹೆಸರಾಂತ ಕಲಾವಿದರಾಗಿದ್ದ ಹುಡಗೋಡು ಚಂದ್ರಹಾಸ ಅವರಿಗೆ 52 ವರ್ಷ ವಯಸ್ಸಾಗಿತ್ತು.
ಜೋಗಿಬೆಟ್ಟುವಿನಲ್ಲಿ ಜಲವಳ್ಳಿ ಮೇಳದ ವತಿಯಿಂದ ಕಳೆದ ರಾತ್ರಿ ನಡೆದ ಭೀಷ್ಮ ವಿಜಯ ಪ್ರಸಂಗದಲ್ಲಿ ಸಾಲ್ವನ ಪಾತ್ರ ನಿರ್ವಹಿಸಿದ್ದರು. ಸಂಭಾಷಣೆ ಮುಗಿಸಿ ಕುಣಿತ ಆರಂಭಿಸುತ್ತಿದ್ದಂತೆ ಹೃದಯಾಘಾತಕ್ಕೊಳಗಾದ ಚಂದ್ರಹಾಸ ಅವರು ಕುಸಿದು ಬಿದ್ದರು. ಕೂಡಲೇ ಅವರನ್ನು ಮೇಲೆತ್ತಿ ಉಪಚರಿಸಿದರೂ ಅಷ್ಟರಲ್ಲೇ ಅವರು ಕೊನೆಯುಸಿರೆಳೆದಿದ್ದರು.