سشماسوراج نے کی ماریشس کے وزیر اعظم کے ساتھ بات چیت
نئی دہلی ،27؍مئی(ایس او نیوز؍آئی این ایس انڈیا) وزیر خارجہ سشماسوراج نے آج ماریشس کے وزیر اعظم پروند جگن ناتھ سے ملاقات کی اور تجارت اور سرمایہ کاری سمیت مختلف شعبوں میں دو طرفہ تعاون مضبوط کرنے کے طریقوں پر تبادلہ خیال کیا۔ملاقات کے دوران سوراج نے کہا کہ مختلف شعبوں میں دو طرفہ تعلقات کو توسیع دینے کی کافی گنجائش ہے۔وزارت خارجہ کے ترجمان گوپال باگلے نے ماریشس کے وزیر اعظم کے ساتھ سشماسوراج کی تصویر ٹویٹ کرتے ہوئے پوسٹ کیا کہ اپنے پرانے دوست کے ساتھ ملاقات، وزیر خارجہ سشماسوراج نے ماریشس کے وزیر اعظم پروند کمار جگن ناتھ سے ملاقات کی۔ اس سے پہلے آج صبح جگن ناتھ کا صدارتی محل میں شاندار استقبال کیا گیا۔ماریشس کے وزیر اعظم اپنے تین روزہ دورے کے تحت کل یہاں پہنچے تھے۔ اس سفر کے دوران وہ وزیر اعظم نریندر مودی اور صدر پرنب مکھرجی سے ملاقات کریں گے۔جگن ناتھ نے راجناتھ سنگھ، ریلوے کے وزیر سریش پربھو اور پیٹرولیم اور قدرتی گیس وزیر دھرمیندر پردھان سے ملاقات کی۔آج وہ وزیر اعظم مودی کے ساتھ اعلی سطحی مذاکرات کریں گے۔ اس کے علاوہ وہ دفاع اور وزیر خزانہ ار جیٹلی سے بھی ملاقات کریں گے۔اس سال شروع میں ماریشس کے وزیر اعظم کے طور پر عہدہ سنبھالنے کے بعد یہ ان کا پہلا بیرون ملک دورہ ہے۔