نئی دہلی،7؍جنوری(ایس او نیوز؍آئی این ایس انڈیا) منافع کا عہدہ حاصل کرنے کی بنیاد پر کانگریس پارٹی نے عام آدمی پارٹی (آپ)کے راجیہ سبھا امیدوار این ڈی گپتاکی امیدواری کورد کرنے کامطالبہ کیا ہے، جب کہ آپ نے کہا ہے کہ اس کے امیدواروں نے نامزد کاغذات نامزد کرنے سے قبل ہی عہدے سے استعفی دے دیا تھا۔ دہلی ریاستی کانگریس صدر اجے ماکن نے ایک ٹویٹ میں ہفتہ کو کہا کہ کانگریس نے آپ کے راجیہ سبھا امیدوار این ڈی گپتا کی امیدواری پر اعتراض کیا ہے۔ 16 جنوری کو ہونے والی انتخابات کے لئے دہلی سے راجیہ سبھامیں تعینات الیکشن آفیسر کو بھی ایک خط بھیجا ہے۔

گپتا کو بی جے پی، وزیر اعظم نریندر مودی اور گووڈس اینڈ سروس ٹیکس (جی ایس ٹی) کا حامی بتاتے ہوئے ماکن نے کہا کہ انہیں 30 مارچ، 2015 کو حکومت کی ملکیت 1.75 لاکھ کروڑ روپے کے قومی پنشن اسکیم ٹرسٹ کا ٹرسٹیز مقرر کیا گیا تھا اور وہ اب بھی منافع کے اس عہدے پر ہیں،یہ امیدوارکے لیے مانع ہے۔ عام آدمی پارٹی کے تین امیدواروں نے جمعرات کو راجیہ سبھا انتخابات کے لئے اپنا اندراج داخل کیا، جن میں پارٹی لیڈر سنجے سنگھ، تاجر سشیل گپتا اور چارٹرڈ اکاؤنٹنٹ این ڈی گپتا شامل ہیں۔ ماکن نے الیکشن افسر کو لکھے اپنے خط میں کہا کہ آئین کے آرٹیکل 102 کے تحت عوامی نمائندگی قانون 1951 کی دفعہ 36 کے مطابق فائدہ کا عہدہ حاصل کرنے کے لئے نارائن داس گپتا کی امیدواری منسوخ ہونی چاہئے۔ آپ لیڈر راگھو چڈھا نے ماکن کے اعتراضات کی تردید کی اور کہا کہ گپتا نے این پی ایس کے ٹرسٹیز عہدے سے 29 دسمبر، 2017 کو ہی استعفی دے دیا تھا۔