پی این بی بد عنوانی معاملہ نیرو اور میہول کی پریشانی میں مسلسل اضافہ
نئی دہلی،10؍ ستمبر (ایس او نیوز؍آئی این ایس انڈیا)انفورسمنٹ ڈائریکٹوریٹ( ای ڈی) نے انٹر پول سے اپنی ناراضگی کا اظہار کرتے ہوئے کہا ہے کہ وہ پنجاب نیشنل بینک گھوٹالے کے ملزم میہول چوکسی کی معلومات لیک کرنا بند کرے۔
دوسری طرف امریکہ واقع دیوالیہ حل کورٹ کی جانب سے مقرر اگزامینر نے کہا ہے کہ نیرو مودی نے پنجاب نیشنل بینک( پی این بی) بد عنوانی کی رقم کو امریکہ کے ایک فرم کے نام ٹرانسفر کر دیا۔ دونوں واقعات بد عنوانی کے ملزم نیرو مودی اور میہول چوکسی کی پریشانی میں اضافہ کرنے والا ہے۔قابل ذکر ہے کہ ای ڈی نے انٹر پول پر الزام لگاتے ہوئے کہا ہے کہ ہو میہول چوکسی کو ایجنسی کی جانب سے دی گئی اطلاع لیک کر رہا ہے ۔
قابل ذکر ہے کہ نیرو مودی اور میہول چوکسی کے خلاف ریڈ کارنر نوٹس جاری کرنے کا ای ڈی کی جانب سے کی گئی اپیل ابھی تک معلق ہے ۔ چونکی اس اپیل کے اسلسلے میں کسی بھی ملک کی ایجنسی کو معاملے سے متعلق تمام معلومات انٹر پول کو دینا ہوتا ہے ۔ اس لئے ای ڈی نے تمام اطلاع انٹر پول کو دی ہے ۔
ای ڈی نے کہا ہے کہ انٹر پول نے نوٹس جاری کرنے کے لئے وہی معلومات مانگی جن پر اعتراج چوکسی نے کیا ہے ۔ ایجنسی نے کاہ ہے کہ اس کا سیدھا مطلب ہے کہ انٹر پول اس کی جانب سے دی گئی معلومات لیک کر رہا ہے ۔ ادھر پی این بی بد عنوانی کے ملزم نیرو مودی کے معاملے میں امریکہ واقع دیوالیہ سے متعلق کورٹ کی جانب سے مقرر اگزامینر جان جے کارنی نے بتایا ہے کہ بد عنوانی میں جاری کی گئی فرضی ایل او یو کی بنیاد پر نکالی گئی رقم کو ٹوئن فلڈس انویسٹمنٹ کو ٹرانسفر کیا گیا ۔ بعد میں اس رقم کو نیرو مودی کی ملکیت والی کمپنی بیلی بینکس ایند بیڈل کو منتقل کر دیا گیا ۔ قابل ذکر ہے کہ ان تمام واقعات سے پی این بی بد عنوانی کے دونوں ملزمین کی پریشانی میں اضافہ ہوتا جا رہا ہے ۔