لوک سبھا انتخابات میں کانگریس کے اسٹار پرچارک ہوں گے نوجوت سنگھ سدھو

Source: S.O. News Service | By Shahid Mukhtesar | Published on 15th March 2019, 12:03 AM | ملکی خبریں |

چندی گڑھ، 14 مارچ(ایس او نیوز؍آئی این ایس انڈیا)کانگریس کی ایک سینئر رہنما نے کہا کہ پنجاب کے وزیر نوجوت سنگھ سدھو لوک سبھا انتخابی مہم میں کانگریس کے اسٹار پرچارک ہوں گے۔سدھو اپنی حاضرجوابی اور بیباک کے لیے مشہور ہیں۔پنجاب کے سیاحت اور تہذیب امور کے 55 سالہ وزیر ہندوستان اور پاکستان کے درمیان کرتارپور کوریڈور کے لئے اپنی کوششوں کو لے کر سرخیوں میں آئے تھے اور وہ کانگریس کے لیے اسٹار پرچارک‘ رہے ہیں۔کانگریس کی پنجاب معاملوں کی انچارج آشاکماری نے کہاکہ سدھو ملک بھر میں کانگریس کے لئے اسٹارپرچارک میں شمار رہے ہیں۔لوگوں کے ساتھ جڑنے کا ان کے پاس مختلف اسٹائل ہے اور ان کی تشہیر بہت اہمیت رکھتی ہے۔ کرکٹر سے لیڈر بنے سدھو نے راجستھان، مدھیہ پردیش، تلنگانہ اور چھتیس گڑھ میں اسمبلی انتخابات کے لیے 17 دن انتخابی تشہیر کی تھی جس کی وجہ سے ان کے گلے میں پریشانی ہوئی تھی اور ڈاکٹروں نے انہیں مکمل طور پر آرام کرنے کا مشورہ دیا تھا۔سدھو پلوامہ دہشت گردانہ حملے کے بعد حال میں اپنے بیانات سے بحث میںآ گئے تھے اور اس کی وجہ سے انہیں ایک مشہور ٹیلی ویژن مزاحیہ پروگرام سے ہٹا دیا گیا تھا۔کماری نے کہا کہ انتخابی مہم کے دوران کانگریس انتخابی وعدوں کو پورا کرنے میں ناکام رہی بی جے پی حکومت کو نشانہ بنائے گی۔ کانگریس لیڈر نے کہاکہ یہ قومی الیکشن ہے اور بی جے پی 2014 میں بڑے بڑے وعدے کر کے اقتدار میں آئی تھی لیکن اس نے ان میں سے ایک بھی وعدہ پورا نہیں کیا۔لوگ یہ جاننا چاہتے ہیں کہ انہیں کیا وعدہ کیا گیا تھا اور کیا کچھ ملا۔
 

ایک نظر اس پر بھی

وی وی پیٹ مشین کے تعلق سے عدالت اعلیٰ نے الیکشن کمیشن سے مانگا جواب 

سپریم کورٹ نے آج الیکشن کمیشن کوہدایت دی کہ 28مارچ تک سیمپلس کی تعدا د میں اضافہ کرے بارے میں جواب داخل کیاجائے اور فی اسمبلی حلقہ وی وی پی اے ٹی مشینوں کی تعداد میں اضافہ کے امکانات پر اظہار خیال کیاجائے ۔ چیف جسٹس رنجن گوگوئی اور جسٹس دیپک مشرا پر مشتمل سپریم کورٹد کی بنچ نے ...

الیکشن جیتنے پر کانگریس کا اعلان ، غریب خاندان کو ملے گا سالانہ 72 ہزار روپئے 

ایک زبردست انتخابی تیقن دیتے ہوئے صدر کانگریس راہول گاندھی نے آج اعلان کیاکہ غریب ترین زمرہ سے تعلق رکھنے والوں کو فی کس 72,000روپئے سالانہ اقل ترین أجرت دی جائے گی بشرطیکہ ان کی پارٹی برسراقتدار آجائے ۔ نئی دہلی میں منعقد ہ ایک پریس کانفرنس میں یہ اعلان کرتے ہوئے کہاکہ 5کروڑ ...