جمعیۃعلماء کیرالا کے صدر مولانا عبد الشکور کی قیادت میں مہاراشٹر، تامل ناڈو، آندھرا پردیش اورکرناٹک کی ریاستی جمعیتوں کی ریلیف اور باز آباد کاری کی منصوبہ بندی

Source: S.O. News Service | By Shahid Mukhtesar | Published on 6th September 2018, 11:52 AM | ملکی خبریں |

ممبئی 6؍ ستمبر (ایس او نیوز؍پریس ریلیز)  جمعیۃعلماء مہاراشٹر کے ریاستی وفد کی اطلاع کے مطابق کیرالا کے دو مقامات آلوا اور کایاکلم سیلاب سے زیادہ متاثر ہوئے ہیں ،اور حکومت کیرالا اب تک وہاں کے نقصانات کا سروے نہیں کرا سکی ہے،گو کہ حکومت کا یہ کہنا ہے کہ 10ستمبر تک اس کا سروے مکمل ہوجائے گا ۔

لیکن جمعیۃعلماء مہاراشٹر کے ریاستی وفد کا کہنا ہے کہ بظاہر اس کا امکان نظر نہیں آتا ہے کیوں کہ ابھی بھی بہت سے مقامات زیر آب ہیں اور وہاں کی آبادیاں جزیرہ نما بنی ہوئی ہیں ،جہاں پرپینے کا پانی اور کھانے کی اشیاء پہونچانے کی اشد ضرورت ہے ،جو بذریعہ کشتی ہی ممکن ہے۔

جمعیۃعلماء مہاراشٹر کے ریاستی وفد کے رکن مفتی محمد یوسف قاسمی(خازن جمعیۃعلماء مہاراشٹر)کی اطلاع کے مطابق مولا ناعبد الشکور صاحب صدر جمعیۃعلماء کیرالا کی نگرانی اور رہنمائی میں ریلیف بہم پہونچانے اور باز آباد کاری کا کام عمل میں لایا جائے گا۔

مفتی محمد یوسف قاسمی کا یہ بھی کہنا ہے کہ بہت سے مقامات پر مکانات کا نقصان کم ہوا ہے لیکن گھریلو سامان بالکل ضائع ہوگئے ہیں اور جا بجا ضائع شدہ سامانوں کے ڈھیر نظر آتے ہیں ۔واضح رہے کہ صوبہ مہاراشٹر سے ناگپور کے رضاکاروں کا ایک وفد پہونچ گیا ہے۔جس کو متاثرہ مقامات میں ریلیف کی تقسیم کے لئے مامور کیا جائے گا۔

اس وفد میں ریاست مہاراشٹر سے مولانا حافظ مسعود احمد حسامی (نائب صدر جمعیۃعلماء مہاراشٹر)مولانا حلیم اللہ قاسمی (جنرل سکریٹری جمعیۃعلماء مہاراشٹر)مفتی محمد یوسف قاسمی (خازن جمعیۃعلماء مہاراشٹر) کے علاوہ کرناٹک سے مفتی عبد الرحیم ،آندھرا پردیش سے مفتی محمد معصوم ثاقب،تاملناڈو سے حافظ محمد شریف اور میسور سے حافظ ارشد بھی اپنے رفقاء کے ساتھ شریک کاررہے۔

ایک نظر اس پر بھی

ریاستیں کشمیری شہریوں کو تحفظ فراہم کرائیں،مرکز نے مشاورت جاری کی

پلوامہ دہشت گردانہ حملے کے پیش نظر ملک کے مختلف حصوں میں جموں کشمیر سے متعلق لوگوں پر حملے کی خبروں کے درمیان مرکزنے جمعہ کی رات تمام ریاستوں کو جموں کشمیر سے متعلق لوگوں کی حفاظت کو یقینی بنانے کی ہدایت دی۔

پی چدمبرم کا طنز، مودی کے رہتے بی جے پی کو کسی کی صلاح کی کیا ضرورت

لیفٹیننٹ جنرل (ریٹائرڈ) ڈی ایس ہڈا کو کانگریس کی جانب سے قومی سلامتی پرمشاورت تیار کرنے کی ذمہ داری دئے جانے کو لے کر وزیر خزانہ ارون جیٹلی کے حملے پر جوابی حملہ کرتے ہوئے کانگریس کے سینئر لیڈر پی چدمبرم نے ہفتہ کو طنز کیا

رابرٹ واڈرا نے عدالت میں عرضی داخل کر معاملے سے منسلک دستاویزات کی کاپیاں مانگی

منی لانڈرنگ کے معاملات میں انفورسمنٹ ڈائریکٹوریٹ (ای ڈی) کی جانچ کا سامنا کر رہے رابرٹ واڈرا نے ہفتہ کو دہلی کی ایک عدالت میں عرضی داخل کر جانچ ایجنسی سے کیس سے منسلک دستاویزات کی کاپیاں مانگی۔

ہماری حکومت بنی تو نیم فوجی دستوں کے جوانوں کو ملے گا شہید کا درجہ: راہل گاندھی

کانگریس صدر راہل گاندھی نے سنیچر کو کہا کہ آئندہ لوک سبھا انتخابات کے بعد ان کی پارٹی کی حکومت بننے پرملک کے لیے جان نچھاور کرنے والے نیم فوجی دستوں کے جوانوں کو بھی ’شہید‘ کا درجہ دینے کا بندوبست کیا جائے گا۔