ರಿಯಾದ್, ಸೆ ೨: ಈ ವರ್ಷದ ಈದ್ ಅಲ್ ಅಧಾ ಹಬ್ಬದ ಮೊದಲ ದಿನ ಸೆ. 12ರಂದು ಬರಲಿದೆ ಎಂದು ಸೌದಿ ಅರೇಬಿಯಾದ ಸಚಿವಾಲಯ ಅಧಿಕೃತವಾಗಿ ಘೋಷಿಸಿದೆ. ಆ ಪ್ರಕಾರ ಹಬ್ಬದ ಮುನ್ನಾದಿನ ಅಂದರೆ ಅರಫಾತ್ ನ ದಿನ ಸೆ. 11 ರಂದು ಬರಲಿದೆ.
ಮುಸ್ಲಿಮರು ಜೀವಮಾನದಲ್ಲಿ ಕನಿಷ್ಟ ಒಂದು ಬಾರಿಯಾದರೂ ಆಚರಿಸಬೇಕಾದ ಹಜ್ ಕರ್ಮವನ್ನು ನಿರ್ವಹಿಸಲು ಮಕ್ಕಾ ನಗರದಲ್ಲಿ ಲಕ್ಷಾಂತರ ಜನರು ಆಗಮಿಸಿ ಅರಫಾತ್ ದಿನದಂದು ನಗರದ ಪಶ್ಚಿಮ ಭಾಗದಲ್ಲಿರುವ ಅರಫಾತ್ ನ ಮೈದಾನ ಮತ್ತು ಅರಫಾತ್ ಬೆಟ್ಟಕ್ಕೆ ಧಾವಿಸುತ್ತಾರೆ.
ಅರಫಾತ್ ದಿನದಿಂದ ಪ್ರಾರಂಭಿಸಿ ಹಜ್ ಕರ್ಮಗಳು ಒಟ್ಟು ಐದು ದಿನಗಳ ಕಾಲ ನಡೆಯುತ್ತವೆ.