یلاپور کانگریس میں شیورام کی واپسی سے قبل پڑ گئی پھوٹ 

Source: S.O. News Service | Published on 30th March 2024, 1:02 PM | ساحلی خبریں | ریاستی خبریں |

یلاپور ،30 / مارچ (ایس او نیوز) یلاپور کے رکن اسمبلی شیوا رام ہیبار بی جے پی سے نکل کر دوبارہ کانگریس میں واپس لوٹنے اور اسے یلاپور کانگریس کے لئے بہت بڑے فائدے سے تعبیر کرنے کی باتیں جہاں زور پکڑتی جا رہی ہیں وہا٘ں خود یلاپور کانگریس یونٹ اب دو دھڑوں میں بٹ گئی ہے اور اس کے اندرونی اختلافات کھل کر میڈیا کے سامنے آ گئے ہیں ۔
    
معلوم ہوا ہے کہ دو دن قبل ایک طرف بلاک کانگریس کے دفتر میں انتخابی تیاریوں سے متعلق جائزاتی میٹنگ منعقد کی گئی تھی اسی وقت بلاک کانگریس کے سابق صدر ڈی این گاونکر کے گھر پر کانگریسی کارکنان اور لیڈروں کی دوسری میٹنگ چل رہی تھی ۔  
    
 گزشتہ اسمبلی الیکشن کے موقع پر وی ایس پاٹل نے بی جے پی کو چھوڑ کر کانگریس کی ٹکٹ پر انتخاب لڑا تھا اور بہت کم ووٹوں سے انہیں شکست کا منھ دیکھنا پڑا تھا ۔ سمجھا جاتا ہے کہ وی ایس پاٹل کا گروپ اس کے لئے کانگریس کے بعض لیڈروں کو ذمہ دار مانتا ہے ۔ اس لئے وی ایس پاٹل نے اپنے قریبی شناسا این کے بھٹ کو بلاک کانگریس کا صدر منتخب کروانے میں کامیابی حاصل کی ۔ اس سے یلاپور کانگریس  بلاک میں اختلافات پیدا ہوگئے کہ مقامی پارٹی لیڈروں سے مشورہ کیے بغیر وی ایس پاٹل نے اچانک بلاک صدر بدلنے  اور کے این بھٹ کو بلاک صدر بنانے کا فیصلہ  اپنے طور پر کیا ۔ 
    
کانگریسی کارکنان کا الزام یہ بھی ہے کہ وی ایس پاٹل اور کے این بھٹ تعمیراتی کام کے ٹھیکے بی جے پی کارکنان کو دے رہے ہیں ۔ انہیں وجوہات کی بنا پر یلاپور بلاک کانگریس میں سخت اختلافات پیدا ہوگئے ہیں اور گروپ بندی بہت ہی زیادہ بڑھ گئی ہے ۔ سابق بلاک صدر گاونکر کا گروپ چاہتا ہے کہ وی ایس پاٹل اور کے این بھٹ کو دور رکھا جائے اور از سر نو بلاک صدر مقرر کرتے ہوئے یہ ذمہ داری انیل نائک کو دی جائے ۔ 
    
ظاہر بات ہے کہ یلاپور کانگریس میں پھوٹ کی یہ صورت حال پارلیمانی امیدوار انجلی نمبالکر کے لئے انتہائی نقصان دہ ہو سکتی ہے ۔ 

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔

بی جے پی نے کانگریس ایم ایل اے کو 50 کروڑ روپے کی پیشکش کی؛ سدارامیا کا الزام

کرناٹک کے وزیر اعلی سدارامیا نے ہفتہ کو بھارتیہ جنتا پارٹی (بی جے پی) پر الزام لگایا کہ وہ کانگریس کے اراکین اسمبلی کو وفاداری تبدیل کرنے کے لیے 50 کروڑ روپے کی پیشکش کرکے 'آپریشن لوٹس' کے ذریعے انکی حکومت کو غیر مستحکم کرنے کی کوششوں میں ملوث ہے۔

لوک سبھا انتخاب 2024: کرناٹک میں کانگریس کو حاصل کرنے کے لیے بہت کچھ ہے

کیا بی جے پی اس مرتبہ اپنی 2019 لوک سبھا انتخاب والی کارکردگی دہرا سکتی ہے؟ لگتا تو نہیں ہے۔ اس کی دو بڑی وجوہات ہیں۔ اول، ریاست میں کانگریس کی حکومت ہے، اور دوئم بی جے پی اندرونی لڑائی سے نبرد آزما ہے۔ اس کے مقابلے میں کانگریس زیادہ متحد اور پرعزم نظر آ رہی ہے اور اسے بھروسہ ہے ...

تعلیمی میدان میں سرفہرست دکشن کنڑا اور اُڈپی ضلع کی کامیابی کا راز کیا ہے؟

ریاست میں جب پی یوسی اور ایس ایس ایل سی کے نتائج کا اعلان کیاجاتا ہے تو ساحلی اضلاع جیسےدکشن کنڑا  اور اُ ڈ پی ضلع سر فہرست ہوتے ہیں۔ کیا وجہ ہے کہ ساحلی ضلع جسے دانشوروں کا ضلع کہا جاتا ہے نے ریاست میں بہترین تعلیمی کارکردگی حاصل کی ہے۔

این ڈی اے کو نہیں ملے گی جیت، انڈیا بلاک کو واضح اکثریت حاصل ہوگی: وزیر اعلیٰ سدارمیا

کرناٹک کے وزیر اعلیٰ سدارمیا نے ہفتہ کے روز اپنے بیان میں کہا کہ لوک سبھا انتخاب میں این ڈی اے کو اکثریت نہیں ملنے والی اور بی جے پی کا ’ابکی بار 400 پار‘ نعرہ صرف سیاسی اسٹریٹجی ہے۔ میسور میں صحافیوں سے بات کرتے ہوئے سدارمیا نے یہ اظہار خیال کیا۔ ساتھ ہی انھوں نے کہا کہ ...