ہوناور میں کرایے کے گھر سے پولیس کے ہاتھ لگی کمٹہ کے سمندر میں غرقاب ہونے والی خاتون !

Source: S.O. News Service | By I.G. Bhatkali | Published on 29th November 2023, 8:55 PM | ساحلی خبریں | ان خبروں کو پڑھنا مت بھولئے |

کمٹہ 29 / نومبر (ایس او نیوز) تین چار دن قبل اپنے دو بچوں کو کمٹہ کے پک اپ بس اسٹینڈ پر چھوڑ کر ہیڈ بندر کے پاس سمندر میں چھلانگ لگانے کا ناٹک رچنے والی نویدیتا بھنڈاری نامی خاتون ہوناور کے ایک کرائے کے گھر میں پولیس کے ہاتھ لگی ہے۔

اس سے قبل یہ خبرعام ہوئی تھی کہ نویدیتا ناگ راج بھنڈاری نامی خاتون نے اپنے دو بچوں کو پک اپ بس اسٹینڈ پر چھوڑنے کے بعد ہیڈ بندر کے پاس اپنی اسکوٹی پارک کی تھی ۔ پھر اپنا موبائل فون، منگل سوتر اور انگوٹھی اسکوٹی میں ہی رکھنے کے بعد سمندر میں چھلانگ لگائی تھی جس کے بعد وہ پانی میں لاپتہ ہوگئی ۔ لائف گارڈ اور پولیس کی جانب سے ڈھونڈنے تلاشی مہم کے باوجود اس کی لاش بازیافت نہیں ہوئی تھی ۔

پولیس نے نویدیتا کے تعلق سے مزید چھان بین کی تو شک ہوا کہ شائد اس کے تعلقات کسی اور شخص کے ساتھ ہیں اور اس نے اپنی خود کشی کا ڈرامہ رچا ہے ۔ اس سمت میں تفتیش کرتے ہوئے پولیس ہوناور میں ایک کرایے کے مکان تک پہنچ گئی جہاں نویدیتا زندہ موجود تھی ۔ 

معلوم ہوا ہے کہ ایک آٹو رکشہ ڈرائیور راج لوکیش نائک کے ساتھ  نویدیتا ناگ راج بھنڈاری کے ناجائز تعلقات تھے اس لئے اس نے آٹو ڈرائیور کے ساتھ فرار ہونے کا منصوبہ بنایا اور اس منصوبے کے تحت اس نے بچوں کو بس اسٹینڈ پر کھڑا کرنے کے بعد موبائل، منگل سوتر اور انگوٹھی سمیت اپنی اسکوٹی سمندر کنارے چھوڑ دی  اور سمندر میں  اپنا دو پٹہ پھینک دیا ۔ سمندر کے کنارے کھڑی اسکوٹی اور پانی میں تیرتے ہوئے دو پٹے کو دیکھ کر لوگوں نے یقین کر لیا کہ نویدیتا نے خود کشی کی ہے اور سمندر کی موجوں میں اس کی لاش لا پتہ ہوگئی ہے ۔ جبکہ نویدیتا اصل منصوبے کے مطابق ہیڈ بندر پر پہلے سے موجود لوکیش کے نائک کے آٹو میں بیٹھ کر اس کے ساتھ ہوناور چلی گئی تھی  جہاں ایک کرایے کے مکان میں اس کے رہنے کا انتظام کیا گیا تھا ۔ 

کمٹہ پولیس تھانے میں درج معاملے کی تحقیقات کے دوران پی ایس آئی نوین کی ٹیم  بالآخر نویدیتا کو زندہ بازیافت کرنے میں کامیاب ہوگئی۔

ایک نظر اس پر بھی

کاروار کے سمندر میں لگا ہوا 'رڈار' بھی چوروں کے ہاتھ سے بچ نہ سکا !

زمین پر سے قیمتی مشینیں چرانے والوں نے اب سمندر میں اپنے ہاتھ کی صفائی دکھانا شروع کیا ہے جس کی تازہ ترین مثال ماحولیاتی تبدیلیوں کے سگنل فراہم کرنے کے لئے کاروار کے علاقے میں بحیرہ عرب میں لگائے گئے 'رڈار' کی چوری ہے ۔

کمٹہ کے سمندر میں چینی جہاز کا معاملہ - کوسٹ گارڈ نے کہا : ہندوستانی حدود کی خلاف ورزی نہیں ہوئی

دو دن قبل کمٹہ کے قریب ہندوستانی سمندری سرحد میں چینی جہاز کی موجودگی اور اس سے ساحلی سیکیوریٹی کو درپیش خطرے کے تعلق سے جو خبریں عام ہوئی تھیں اس پر کوسٹ گارڈ نے بتایا ہے کہ یہ ایک جھوٹی خبر تھی اور چینی جہاز ہندوستانی سرحد میں داخل نہیں ہوا تھا ۔

ہوناور کاسرکوڈ میں ماہی گیروں پر زیادتیوں کے خلاف حقوق انسانی کمیشن سے کی گئی شکایت

ہوناور کے کاسرکوڈ ٹونکا میں مجوزہ تجارتی بندرگاہ کی تعمیر کے خلاف احتجاج کرنے والے مقامی ماہی گیروں  پر پولیس کی طرف سے لاٹھی، خواتین سمیت کئی لوگوں کی گرفتاریاں ، جھوٹے مقدمات کی شکل میں جو زیادتیاں ہوئی تھیں، اس کے تعلق سے حقوق انسانی کمیشن سے شکایت کی گئی ہے ۔

بھٹکل میں 'ریت مافیا' کا دربار - تعلقہ انتظامیہ خاموش - عوام بے بس اور لاچار

بھٹکل میں تعلقہ انتظامیہ کی خاموشی کی وجہ سے تعلقہ کے گورٹے، بیلکے، جالی، مُنڈلی نستار، بئیلور جیسے علاقوں میں ساحل سے ریت جیسی سمندری دولت لوٹنے کا کام 'ریت مافیا' کی طرف سے بلا روک ٹوک جاری ہے اور مقامی عوام پریشانی اور بے بسی و لاچاری سے یہ سب دیکھنے پر مجبور ہوگئے ہیں ۔

احتجاج کررہےکسانوں نے اپنی مارچ دو دن کے لئے کی ملتوی

کسان پنجاب اور ہریانہ کی سرحدوں پر  ڈٹے ہوئے ہیں ۔ مشتعل کسانوں نے بدھ یعنی 21 فروری 2024 کو اپنی’دہلی چلو ‘ مارچ کو دوبارہ شروع کیا، لیکن وہ اس میں کامیاب نہیں ہو سکے۔ اس دوران کھنوری سرحد پر جھڑپ میں ایک نوجوان مظاہرہ کرنے والے  کی موت ہو گئی اور تقریباً 12 پولیس اہلکار زخمی ہو ...

کمٹہ میں سفر کے دوران گلے سے ہار اُڑانے والی دو برقعہ پوش خواتین گرفتار

  ہوناور سے بس میں سفر کے دوران گلے سے سونے کا منگل سوتر اڑانے والی دو برقعہ پوش خواتین کو کمٹہ میں گرفتار کیا گیا ہے  جن کی شناخت تملناڈو کی رہنے والی سندھیا سنجئے  (40 سال) اور راساتی مروگے (24 سال) کے طور پر کی گئی ہے ۔

مہاراشٹر: بلڈھانہ میں مذہبی تقریب کے دوران ’پرساد‘ کھا کر بیمار پڑے 200 افراد

مہاراشٹر کے بلڈھانہ میں ’پرساد‘ کھانے سے تقریباً 200 افراد بیمار پڑ گئے ہیں۔ بڑی تعداد میں لوگوں کی طبیعت ناساز ہونے سے علاقہ میں بھی افرا تفری کا ماحول دیکھنے کو مل رہا ہے۔ بتایا جاتا ہے کہ بلڈھانہ میں ایک مذہبی تقریب کے دوران سینکڑوں لوگوں نے پرساد کھایا تھا، جن میں سے کم و ...

بھٹکل:آج 21فروری سے آئی سی ایس ای ،دسویں جماعت کے امتحانات کا آغاز: تعلقہ میں کل 144طلبا و طالبات امتحان میں ہوں گے شریک

کونسل فور دی انڈین اسکول سرٹیفکٹ ایگزامنیشن کے زیراہتمام آئی سی ایس ای کےدسویں جماعت کےسالانہ ا متحانات ملک بھر میں  21فروری سے 28مارچ تک منعقد ہونگے۔ امسال بھٹکل تعلقہ میں کل 144طلبا و طالبات آئی سی ایس ای ، دسویں کے امتحانات میں شریک ہونگے۔