مہاراشٹر میں ایک اور ہِٹ اینڈ رَن کا معاملہ، ناسک میں خاتون کو ٹکر مار کر ڈرائیوار فرار، خاتون کی موت

Source: S.O. News Service | Published on 10th July 2024, 5:10 PM | ملکی خبریں |

ممبئی، 10/جولائی (ایس او نیوز /ایجنسی) مہاراشٹر میں ہِٹ اینڈ رَن کا ایک اور معاملہ سامنے آیا ہے۔ اس بار یہ معاملہ ناسک میں پیش آیا ہے، جس میں ایک تیزرفتار کار نےایک خاتون کو ٹکر ماردی۔ ناسک کے گنگاپور روڈ پر پیش آئے اس واقعے میں خاتون کی موت ہو گئی۔ مرنے والی خاتون کا نام ویشالی شندے (36) ہے جو ہنومان نگر کی رہنے والی تھیں۔ یہ واقعہ سی سی ٹی وی میں قید ہوا ہے، جس کی بنیاد پر گنگا پور پولیس نے نامعلوم شخص کے خلاف مقدمہ درج کیا ہے۔

واضح رہے کہ مہاراشٹر میں ہِٹ اینڈ رَن کا معاملہ نہایت تواتر سے پیش آ رہا ہے۔ ابھی تین روز قبل اتوار (7 جولائی) کو ممبئی کے ورلی علاقے میں ہِٹ اینڈ رَن کا معاملہ سامنے آیا تھا۔ اٹریہ مال کے قریب صبح کے وقت ایک بی ایم ڈبلیو کار نے اسکوٹر سے جا رہے ماہی گیر جوڑے پردیپ ناخوا اور کاویری ناخوا کو ٹکر مار دی تھی۔ اس ٹکر میں کاویری ناخواہ کار کے بونٹ پر تقریباً 100 میٹر تک گھسٹتی رہی۔ دونوں میاں بیوی کو شدید زخمی حالت میں اسپتال میں داخل کیا گیا، جہاں کاویری کی موت ہوگئی۔ ٹکر مارنے کے بعد کار چلانے والا مہر شاہ فرار ہو گیا تھا جسے دو دن کی مشقت کے بعد پولیس نے ویرار سے گرفتار کیا۔

ایسا ہی ایک اور معاملہ پیر (8 جولائی) کو پونے میں پیش آیا تھا جس میں ایک کار سوار رات میں گشت کر رہے ہے دو پولیس اہلکاروں کو ٹکر مار کر فرار ہوگیا۔ اس حادثے میں میں ایک پولیس اہلکار کی موت ہوگئی جبکہ دوسرا شدید زخمی ہو گیا۔ یہ حادثہ پرانے پونے ممبئی ہائی وے پر ہیرس برج کے نیچے صبح 2 بجے پیش آیا تھا۔ یہ پولیس اہلکار کھڈکی پولیس اسٹیشن میں بیٹ مارشل کے طور پر کام کرتے تھے اور رات کی گشت کے لیے اپنی موٹر سائیکل پر سوار ہو رہے تھے کہ ایک تیز رفتار کار نے ٹکر مار دی۔ اس دوران کانسٹیبل سمادھان کولی کی موت ہو گئی، جبکہ دوسرا پولیس اہلکار شندے بری طرح زخمی ہو گیا۔ پولیس نے ٹکر مارنے والے ڈرائیور کی اور کار کی تلاش کر رہی ہے۔

گزشتہ ماہ 23 جون کو پونے ناسک ہائی وے پر این سی پی اجیت پوار گروپ کے ایم ایل اے دلیپ موہتے پاٹل کے بھتیجے کی کار نے دو موٹر سائیکل سواروں کو زور دار ٹکّر ماردی تھی۔ اس ٹکّر میں ایک موٹر سائیکل سوار نوجوان کی موت ہو گئی۔ اس کے علاوہ پونے کے ہی مشہور پورش کار ہِٹ ایڈن رَن کا معاملہ تو سبھی کے ذہن میں ہو گا جس میں ایک شراب کے نشے میں دھت ایک نابالغ امیر زادے نے دو لوگوں کو کچل کر مارڈالا تھا۔

ایک نظر اس پر بھی

کووڈ میں شرح اموات ظاہر کرنے والی رپورٹس غیر مصدقہ اور گمراہ کن

صحت اور خاندانی بہبود کی مرکزی وزارت نے کہا ہے کہ سائنس جریدے سائنس ایڈوانسز میں شائع مطالعہ سے کووڈ کی مدت کے دوران 2020 میں سب سے زیادہ اموات کو ظاہر کرنے والی رپورٹ غیر مصدقہ اور ناقابل قبول اندازوں پر مبنی ہیں۔

علاقائی سیاسی پارٹیوں کمائی اور خرچ کی رپورٹ جاری

ایسوسی ایشن فار ڈیموکریٹک ریفارمز نے اپنی حالیہ جاری کردہ رپورٹ میں ملک کی 57 علاقائی جماعتوں میں سے 39 علاقائی جماعتوں کی آمدنی اور اخراجات کی رپورٹ جاری کی ہے۔ رپورٹ میں بتایا گیا ہے کہ سال 2022-23 کی آمدنی اور اخراجات کے لحاظ سے کون سی پارٹی اوپر اور نیچے ہے۔ کس نے کتنا عطیہ وصول ...

جیتن سہنی قتل کے سلسلے میں مزید 3 ملزمان گرفتار، ایس ایس پی کے مطابق جائے وقوعہ سے اہم دستاویزات برآمد

  وکاسشیل انسان پارٹی (وی آئی پی) کے سربراہ مکیش سہنی کے والد کے قتل کیس میں پولیس نے مزید 3 ملزمان کو گرفتار کیا ہے۔ یہ گرفتاری کلیدی ملزم کاظم انصاری کی نشان دہی پر کی گئی ہے۔ دربھنگہ کے سینئر سپرنٹنڈنٹ آف پولیس جگوناتھ ریڈی نے یہ اطلاع دی۔

آئی اے ایس پوجا کھیڈکر تنازعہ کے درمیان یو پی ایس سی کے چیئرمین منوج سونی عہدے سے مستعفی

  یونین پبلک سروس کمیشن (یو پی ایس سی) کے چیئرمین منوج سونی نے اپنے عہدے سے استعفیٰ دے دیا ہے۔ دلچسپ بات یہ ہے کہ انہوں نے اپنی مدت ملازمت پوری ہونے سے قبل ہی اپنا استعفی صدر کو ارسال کر دیا ہے۔

کیجریوال جان بوجھ کر کم کیلوری والا کھانا لے رہے ہیں، ایل جی کا الزام، عآپ کا شدید ردعمل

عام آدمی پارٹی کے رکن پارلیمنٹ سنجے سنگھ نے دہلی کے وزیر اعلی اروند کیجریوال کی صحت سے متعلق لیفٹیننٹ گورنر ونے سکسینہ کے چیف سکریٹری کو لکھے گئے خط پر ردعمل ظاہر کیا ہے۔ ایل جی کو نشانہ بناتے ہوئے سنجے سنگھ نے کہا کہ ایل جی یہ کیا مذاق کر رہے ہیں؟ کیا کوئی آدمی رات کو شوگر کم ...

نیٹ پر سپریم کورٹ کے حکم کے بعد این ٹی اے نے آن لائن اپ لوڈ کئے مرکز اور شہر وار نتائج

نیٹ پر سپریم کورٹ کے حکم کے بعد این ٹی اے نے نیٹ یو جی طلباء کے مرکز اور شہر وار نتائج کو آن لائن اپ لوڈ کر دیا ہے۔ نتائج اپلوڈ کرنے کے لئے ہفتہ کی دوپہر 12 بجے تک کا وقت دیا گیا تھا۔ تاہم، سی جے آئی ڈی وائی چندرچوڑ، جسٹس جے بی پاردیوالا اور جسٹس منوج مشرا کی بنچ نے واضح کیا تھا کہ ان ...