بی جے پی ناکامیوں کو چھپانے کیلئے ’400 پار‘ کا نعرہ لگا رہی ہے، چندر پور میں کانگریس کی انتخابی ریلی سے کنہیاکمار کا پر جوش خطاب

Source: S.O. News Service | Published on 16th April 2024, 11:09 AM | ملکی خبریں |

ودربھ، 16/اپریل (ایس او نیوز/ایجنسی) کانگریس کے نوجوان لیڈر کنہیا کمار نے کہا ہے کہ بی جے پی اپنے کئے گئے وعدوں کو پورا نہ نہیں کر سکی۔ اس ناکامی کو چھپانے کی غرض سے  وہ ’’ اب کی بار 400 پار‘ کا نعرہ بلند کر رہی ہے۔‘‘  کنہیا کمار ودربھ کے ضلع چندر پور میں ایک انتخابی ریلی سے خطاب کر رہے تھے۔ اس موقع پر انہوں نے اپنی عادت کے مطابق  جم کر وزیراعظم نریندر مودی کو نشانہ بنایا۔ 

کنہیا کمار نے کہا’’ ملک کے عوام   سے کئے گئے وعدوں میں سے وزیر اعظم  مودی نے   اپنے دس سال کی میعاد میں ایک وعدہ بھی پورا نہیں کیا۔ مہنگائی، بے روزگاری، کسانوں کی خودکشی، کسانوں کی آمدنی دوگنی، بیرون ملک سے کالا دھن واپس لانا، معیشت یہ سب جیسے تھے ویسے ہی ہیں۔ ان سب دعوؤں پر کوئی سوال نہ کرے کوئی یہ نہ پوچھے کہ ان تمام وعدوں کا کیا ہوا، اس لئے مودی اب کی بار ۴۰۰؍  پار کا نیا نعرہ لے کر لایا گیا ہے۔ اور اس جملے کو ’’مودی کی گارنٹی‘‘ کا نام دیا گیا ہے۔ وہ چندر پور شہر کے  نیو انگلش  ہائی اسکول کے میدان میں کانگریس امیدوار پرتبھا دھانورکر کی انتخابی مہم کیلئے منعقدہ جلسہ عام سے خطاب کررہے تھے۔  انہوں نے کہا کہ میں لڑنے کی ہمت حاصل کرنے کیلئے  باقاعدگی سے مہاراشٹر آتا ہوں، کیونکہ یہ جنگجوؤں کی سرزمین ہے۔ اسلئے مہاوکاس اگھاڑی کی امیدوار پرتبھا دھانورکر آنسو بہا کر نہیں بلکہ اپوزیشن سے لڑ کر جیتیں گی۔

کنہیا کمار نے وزیراعظم مودی کو نشانہ بناتے ہوئے کہا کہ صرف وہی شخص جس نے اپنی شریک حیات  کو دھوکا دیا ہو وہی اس طرح جھوٹ بول سکتا ہے اور عوام کو دھوکا دے سکتا ہے۔ انہوں نے کہا ’’ وہ (مودی) کہتے ہیں کہ ایک اکیلا سب پر بھاری لیکن  انہوں نے مہاراشٹر میںادھو ٹھاکرے کی شیو سینا کو توڑا اور ایکناتھ شندے کو اپنے ساتھ لے لیا۔ شرد پوار کی این سی پی ٹوٹ گئی اور بدعنوانی کے الزام میں پھنسے اجیت پوار کو ساتھ لے لیا ۔ الیکشن ہارنے والے کانگریس لیڈر اشوک چوان، ملند دیورا کو ساتھ لیا گیا۔ اور اب راج ٹھاکرے کو مہایوتی میں شامل کیا گیا ہے۔ کنہیا کمار نے کہا کہ بی جے پی صرف الیکشن ہارنے کے ڈر سے ان سب کو اپنے ساتھ شامل کررہی ہے۔ اگر ایسا ہوا بھی تو چندر پور کے ووٹرس کے  جس طرح ۲۰۱۹ء کے الیکشن میں مودی کے بہکاوے میں نہیں آئے ۲۰۱۴ء میں بھی نہیں آئیں گے۔ مودی کو اپنا آنے والا کل اچھی طرح معلوم ہے، اس لیے وہ انتخابات سے پہلے ہی اب کی بار ۴۰۰؍ پار کا نعرہ لگا رہے ہیں۔

نوجوان لیڈر نے کہاکہ ’’ مودی یہ بھی بتائیں کہ پیٹرول، گیس، بے روزگاری، مہنگائی اور کتنی پار ہوگی۔ اب کی بار ۴۰۰؍ پار کو منظم طریقے سے اور پروپیگنڈے کے ذریعے لوگوں کے ذہنوں میں بٹھایا جا رہا ہے۔ ‘‘کنہیا کمار نے یہ بھی کہا کہ ووٹرس کو اس سے ہوشیار رہنا چاہئے۔ سیاست عوام کے مسائل پر کی جائے نہ کہ جذبات پر۔ لیکن مودی اور بی جے پی جذبات بھڑکا کر سیاست کر رہے ہیں۔ انڈیا اور مہا وکاس اگھاڑی میں کئی پارٹیاں ہیں۔ اسلئے اختلافات بھلا کر مہاراشٹر کی عزت کیلئے متحد ہو جائیں۔ مودی جی جملے بازی سے نہیں جیتیں گے۔ کنہیا کمار نے  کہا کہ ملک کے ۱۴۰؍ کروڑ عوام مودی کو سبق سکھائیں گی۔ اس موقع پر انتخابی امیدوار پرتبھا دھانورکر نے ملک کے آئین اور جمہوریت کو بچانے کیلئے انہیں ہی ووٹ دینے کی اپیل کی۔

ایک نظر اس پر بھی

مہاراشٹر غداروں کو کبھی معاف نہیں کرتا، ادھوٹھاکرے کا ایکناتھ شندے گروپ پر سخت حملہ

ملک میں لوک سبھا انتخابات کے چار مرحلوں میں ووٹنگ ہوچکی ہے۔ پانچویں مرحلے کے تحت 20 مئی کو ووٹ ڈالے جائیں گے۔ تمام سیاسی پارٹیاں انتخابی مہم میں مصروف ہیں۔ اس دوران شیوسینا (یو بی ٹی) کے صدر ادھو ٹھاکرے نے شیوسینا توڑنے والوں کے ساتھ بی جے پی پر جم کر نشانہ سادھا ہے۔ انہوں نے کہا ...

ہیمنت سورین کو فی الحال سپریم کورٹ سے نہیں ملی راحت، عبوری ضمانت کی درخواست پر سماعت ملتوی

جھارکھنڈ کے سابق وزیر اعلیٰ ہیمنت سورین کو جمعہ کو سپریم کورٹ سے راحت نہیں مل سکی۔ سورین نے ای ڈی کی کارروائی اور گرفتاری کے خلاف درخواست دائر کی ہے۔ انہوں نے انتخابی تشہیر کے لئے عبوری ضمانت کے لئے بھی درخواست دائر کی ہے لیکن جسٹس سنجیو کھنہ اور جسٹس دیپانکر دتہ کی بنچ نے کہا ...

امیٹھی میں ’سلینڈر‘ والے لوگ اب ’سرینڈر‘ کر رہے ہیں؛ اسمرتی ایرانی پر اکھلیش یادو کی سخت تنقید

سماجوادی پارٹی کے لیڈر اکھلیش یادو نے امیٹھی لوک سبھا حلقہ سے کانگریس امیدوار کشوری لال شرما کے حق میں انتخابی مہم چلائی۔ اس دوران انہوں نے بھارتیہ جنتا پارٹی کی امیدوار اور مرکزی وزیر اسمرتی ایرانی پر سخت تنقید کی۔ انہوں نے کہا کہ امیٹھی میں ’سلینڈر‘ والے لوگ اب ’سرینڈر‘ ...

انڈیا الائنس کی حکومت بننے کے بعد اگنی ویر اسکیم کو کوڑے دان میں پھینک دیا جائے گا: راہل گاندھی

کانگریس لیڈر راہل گاندھی نے کہا ہے کہ مرکز میں انڈیا الائنس کی حکومت بننے کے بعد اگنی ویر اسکیم کو کوڑے دان میں میں پھینک دیا جائے گا۔ شہید کی ایک ہی قسم ہوگی اور سب کو پینش ملےگی۔ وہ اتر پردیش کی امیٹھی لوک سبھا حلقے میں ایک انتخابی جلسہ عام سے خطاب کر رہے تھے۔ انہوں نے کہا کہ ...

سواتی مالیوال معاملے کو آپ‘ نےجھوٹ اور سازش قرار دیا

  عام آدمی پارٹی کی رکن پارلیمان سواتی مالیوال کی جانب سے  کیجریوال کے پرسنل سیکریٹری ویبھوکے خلاف مبینہ بدسلوکی اور تشدد کی شکایت درج کرانے کے بعد دہلی پولیس نے تفتیش شروع کردی ہے۔ دہلی پولیس نےجمعرات کو سواتی کا میڈیکل چیک اپ کروایا اور جمعہ کو انہیں  لے کر کیجریوال کے گھر ...

کپل سبل سپریم کورٹ بار ایسوسی ایشن کے صدر منتخب

سینئر وکیل کپل سبل سپریم کورٹ بار ایسوسی ایشن کے صدر منتخب ہو گئے ہیں ۔ جمعرات16 مئی یعنی گزشتہ روز  کو ہونے والے انتخابات میں کپل سبل کو 1066 ووٹ ملے جبکہ  ان کے قریب ترین حریف سینئر وکیل پردیپ رائے تھے، جنھیں 689 ووٹ ملے۔ کپل سبل نے دو دہائیوں کے بعد یہ الیکشن لڑا تھا۔ اس سے پہلے ...