سداپور میں سامنے آیا وہاٹس ایپ کے ذریعے بینک کھاتے سے رقم اڑانے کا نیا سلسلہ
سداپور، 25/ مئی (ایس او نیوز) انٹرنیٹ استعمال کرنے والوں کے بینک کھاتوں سے بڑی بڑی رقمیں اڑانے والے دھوکہ بازوں نے وہاٹس ایپ کے ذریعے لوگوں کے بینک کھاتوں سے رقم اڑانے کا نیا طریقہ شروع کیا ہے اور گزشتہ ایک ہفتے کے اندرسداپور کے دو افراد اس کا شکار ہوئے ہیں ۔
اس میں ہوتا یہ ہے کہ وہاٹس ایپ استعمال کرنے والے شخص کے فون سے یہ اپلیکیشن اچانک غائب ہو جاتی ہے ۔ اب جب فون پر وہاٹس ایپ کو دوبارہ ڈاون لوڈ کرنے کی کوشش کی جاتی ہے تو اس کے لئے جو او ٹی پی آتا ہے اسی کا استعمال کرتے ہوئے دھوکے باز بینک کھاتے سے رقم اڑاتے ہیں ۔
سداپور پولیس تھانے میں درج کیے گئے دونوں معاملات میں وہاٹس ایپ ہیاک کرنے یہ طریقہ کار اپنایا گیا تھا ۔ اس میں سرینا نامی خاتون کے بینک کھاتے سے 19,500 روپے اڑائے گئے جبکہ ایک اور شخص کے کیینرا بینک کھاتے سے 79,900 روپے اڑائے گئے ہیں ۔ اس سے قبل کورگ میں ڈی وائی ایس پی مرلی دھر کے بینک کھاتے میں موجود تقریباً 16 لاکھ روپوں پر نامعلوم دھوکے بازوں نے ہاتھ صاف کیا تھا ۔ اس طرح کے چار معاملات کورگ میں کینرا بینک کی الگ الگ شاخوں میں پیش آ چکے ہیں ۔