کرناٹک میں بے موسم برسات - چار دن میں 10 افراد ہلاک - بڑے پیمانے پر فصلوں کا نقصان

Source: S.O. News Service | By Shahid Mukhtesar | Published on 14th April 2024, 7:45 PM | ریاستی خبریں |

بھٹکل  14 / اپریل (ایس او نیوز) ریاست کرناٹک کے مختلف علاقوں میں ہوئی بے موسم کی برسات کی وجہ سے سنیچر کے دن پانچ افراد موت کا شکار ہوگئے جبکہ گزشتہ چار دن میں جملہ 10 افراد کی موت واقع ہوئی ہے ۔

 ریاست کے 17 اضلاع میں اور خاص کر شمالی کرناٹکا میں بجلیوں کے گرنے سے جانی نقصان کے علاوہ بھاری برسات سے فصلوں کو بھی بڑے پیمانے پر نقصان پہنچا ہے ۔ درخت زمین سے  اکھڑنے اور بجلیوں کے کھمبے ٹوٹنے کے ساتھ مویشیوں کے ہلاک ہونے کی بھی خبریں مل رہی ہیں ۔

سنیچر کو آسمانی بجلی کی زد میں آ کر ہلاک ہونے والوں کی شناخت کھیتوں میں کام کرنے والے وجیاپور تعلقہ کے لکشمن سوملو راتھوڈ (72)، آلند تعلقہ کے کسان کلیانی ہنومنت بھوسنور(60) ، سندھنور تعلقہ کا چرواہا لڑکا شانتا کمار بسوا راج (16) کے طور پر کی گئی ہے ۔ بیدر ضلع کے اوراد میں شئیلو راملو (36) نامی شخص طوفانی ہوائیں چلتے وقت اپنے گھر کے اوپری منزل سے گر کر ہلاک ہوگیا  ہے۔ اسی طرح چکمگلور کے این آر پور تعلقہ کے کسان شنکر کی آسمانی بجلی گرنے سے موت ہو گئی۔ گلیڈا گڈا کے ہمسانور گاؤں میں آسمانی بجلی گرنے سے ایک خاتون کی بھی  موت ہو ئی جبکہ کونکنا کوپا گاؤں میں طوفان سے ہنامنتا یاراگوپا کی کیلے کی فصل تباہ ہوگئی۔ کوپل ضلع کے کانکاگیری تعلقہ   میں شری دُرگا دیوی مندر کے مینار میں تیز ہوا اور بجلی گرنے سے دراڑ پڑ گئی۔ کُشتگی تعلقہ کے ہلیا پورہ میں آسمانی بجلی گرنے سے ایک بیل مر گیا۔  اس کے علاوہ بھی  مختلف مقامات پر بجلیاں گرنے سے مویشی ہلاک ہوئے ہیں  اور کچھ مکانات کی چھتیں اڑ نے کے ساتھ دیگر  کئی مکانات کو نقصان بھی پہنچا  ہے۔

ایک نظر اس پر بھی

جنسی ہراسانی معاملہ: بنگلور وکورٹ نےایچ ڈی ریونا کو ضمانت دے دی

بنگلورو کورٹ نے کرناٹک کے سابق وزیر ایچ ڈی ریونا کو جنسی ہراسانی کے معاملے میں ضمانت دے دی ہے۔ خیال رہے کہ 42 ویں ایڈیشنل چیف میٹروپولیٹن مجسٹریٹ عدالت نے 66 سالہ سیاستداں کو عبوری راحت دی تھی۔ عدالت کے جج پریٹھ جے نے ایس آئی ٹی کی جانب سے اعتراض سننے سے منع کر دیا اور ایچ ڈی ...

پرجول ریونا کے خلاف گرفتاری وارنٹ جاری، عدالت نے ایس آئی ٹی کو دی اجازت

کرناٹک کی ہاسن سیٹ سے  رکن پارلیمنٹ اور بی جے پی کی انتخابی اتحادی جے ڈی ایس کے معطل امیدوار پرجول ریونا ان دنوں خبروں میں ہیں۔ اس کے خلاف گرفتاری کا وارنٹ جاری کیا گیا ہے۔ گزشتہ ماہ پرجول ریونا   پر جنسی طور پر ہراساں کرنے، سیکڑوں ویڈیوز ریکارڈ کرنے، دھمکیاں دینے اور سازش ...

جنسی استحصال کیس: شیوکمار پر 100 کروڑ رشوت کی پیشکش کا الزام

  بھارتیہ جنتا پارٹی (بی جے پی) کے رہنما جی دیوراجے گوڑا نے، جو مختلف الزامات میں جیل میں ہیں، یہ کہتے ہوئے سنسنی خیز الزام لگایا ہے کہ ریاست کے نائب وزیر اعلیٰ ڈی کے شیوکمار نے انہیں جنتا دل سیکولر (جے ڈی) کے ریاستی صدر ایچ ڈی کمارا سوامی پر ہاسن سے رکن پارلیمنٹ پراجول ریوانہ سے ...

میرا پوتا مجرم ہے تو کارروائی ضرور ہونی چاہئے، پرجول ریونا معاملہ پر سابق وزیر اعظم دیوے گوڑا کا بیان

جے ڈی ایس کے رکن پارلیمنٹ پرجول ریونا کے خلاف جنسی ہراسانی کے الزامات پر اپنی خاموشی توڑتے ہوئے پارٹی کے سپریمو اور سابق وزیر اعظم ایچ ڈی دیوے گوڈا نے ہفتہ کو کہا کہ اگر قصوروار پایا جاتا ہے تو انہیں اپنے پوتے کے خلاف کارروائی پر کوئی اعتراض نہیں ہے۔

ہبلی میں انجلی امبیگر کو قتل کرکے فرار ہونے والے گریش کو داونگیرے سے کیا گیا گرفتار

  ہبلی کی 20 سالہ انجلی امبیگر کو  اُس کے گھر پہنچ کر چاقو سے پے درپے حملہ کرکے اُسے موت کے گھاٹ اُتارکر فرار ہونے والے ملزم  گریش عرف وشوا کو  کرناٹک پولس نے داونگیرے سے گرفتار کرلیا ہے۔ یاد رہے کہ مہلوک انجلی نے مبینہ طور پر ملزم کے ساتھ فرار ہونے   کی تجویز  کو ماننے سے انکار ...

ہبلی : ناکام عاشقی کے نتیجے میں دوسرا قتل 

ہبلی میں ایک 20 سالہ لڑکی کو مبینہ طور پر چاقو کے وار کر کے قتل کر دیا گیا کیونکہ اس نے اپنے پڑوسی کی محبت کو ٹھکرا دیا تھا۔ اس شخص کو اپنی محبت کے انکار پر اتنا غصہ آیا کہ اس نے لڑکی کو قتل کر دیا۔ پولیس رپورٹ کے مطابق مذکورہ شخص نے خاتون کے گھر میں گھس کر اس پر چاقو سے وار کیا جب وہ ...