جنوبی گوا میں پیش آئے دو مختلف سڑک حادثات میں کرناٹک کے تین لوگوں کی موت

Source: S.O. News Service | By I.G. Bhatkali | Published on 9th April 2024, 3:29 PM | ساحلی خبریں | ریاستی خبریں |

مڈگاوں 9/اپریل (ایس او نیوز)  پیر کو جنوبی گوا میں  پیش آئے دو مختلف سڑک حادثات میں کرناٹک کے تین لوگوں کی موت واقع ہوگئی جبکہ  چھ دیگر زخمی ہوگئے۔ مرنے والوں میں ایک کا تعلق گدگ سے، دوسرے کا ہبلی سے اور تیسرے کا دھارواڑ سے تھا۔

پہلا حادثہ   صبح قریب آٹھ بجے پیش آیا جب  چھ لوگوں پر مشتمل خاندان  پوجا کی غرض سے  گوا کے کسی مندرجانے کے لئے نکلے  تھے کہ مخالف سمت سے آنے والی بس سے ان کی کار کی ٹکر ہوگئی۔ حادثے میں کار ڈرائیور جو شدید زخمی حالت میں  کار میں ہی بری طرح پھنس گیا تھا  اسے کار سے جلد باہر نکالنا ممکن نہ ہوسکا جس کی وجہ سے اس نے   موقع پر ہی دم توڑ دیا۔ اس کی شناخت کرناٹک کے   گدگ کے رہنے والے راجیش ورنیکر (59) کی حیثیت سے کی گئی ہے۔ کافی دیر بعد کار کے دروازے کو کاٹ کر اس کی نعش باہر نکالی جاسکی۔ حادثے میں اس کی بیوی  انجلی راجیش ورنیکر (49)،دیگر اہل خانہ  رام داس ورنیکر (60) انوشا راجیش  ورنیکر (21)، ٹوینکل راجن کولیکر (18) اور ریشما ورنیکر (52) کے ساتھ ساتھ بس پر ایک  سوار  مسافر روبینہ فکیر (18) زخمی ہوگئے،جنہیں قریبی اسپتال لے جایا گیا۔

بتایا گیا ہے کہ  گدگ کے رہنے والے تمام لوگ کاروار میں اپنے رشتہ داروں سے ملاقات کے بعد گوا جانے کے لئے نکلے تھے۔ ماشم۔کاناکونا روڈ پر ان کی  کار بائی پاس سے غلط  لین یعنی بائیں طرف والی سڑک   پر  داخل ہوئی۔ پولس نے بتایا کہ  اس موقع پر گوا کی سرکاری بس  ڈرائیور نےجب دیکھا کہ  ایک موڑ  پر سے  کار غلط لین میں داخل ہوئی ہے اور  ڈھلوان سے   کافی تیزی کے ساتھ آگے بڑھ رہی ہے تو   خطرے کو بھانپتے ہوئے اس نے  اپنی بس  کو سڑک  پر ہی  روک دیا، مگر کار تیزرفتاری کے ساتھ بس سے ٹکراگئی۔ حادثے میں کار کے اگلے حصے کو کافی نقصان  پہنچا ہے۔

دوسرا حادثہ  پیرکی شام  قریب چھ بجے  پیش آیا جب ایک کار مولّم سے  انموڈ گھاٹ میں داخل ہونے کے بعد  بے قابو ہوگئی اور ایک درخت سے ٹکراگئی۔  پولس کے مطابق کار پر سوار دولوگ موقع پر ہی ہلاک ہوگئے جن کی شناخت ہبلی کے رہنے والے  بھارت اگراسی (43)  اور دھارواڑ کے رہنے والے ناگیش رائیکر (36) کی حیثیت سے کی گئی ہے۔

دونوں نعشوں کو  جنوبی گوا کے ڈسٹرکٹ اسپتال کے مردہ خانہ لے جایا گیا ہے، جہاں پوسٹ مارٹم کے بعد لواحقین کے حوالے کی جائے گی۔

ایک نظر اس پر بھی

بھٹکل میں پینے کے پانی کے لئے آئے ہوئے فنڈ کا کیسے ہورہا ہے استعمال ؟ تعمیر شدہ ٹینک میں کیوں نہیں چڑھ رہا ہے پانی ؟

گزشتہ ایک دہائی کے دوران مختلف سرکاری اسکیموں کے تحت کروڑوں روپیوں  کا فنڈ موصول ہونے کے باوجود بھٹکل تعلقہ میں پینے کے پانی قلت کی وجہ سے عوام سخت دشواریوں کا سامنا کر رہے ہیں ۔

بھٹکل کڈوین کٹہ ندی میں غرق ہوکر دو لوگوں کی موت؛ گذشتہ تیس دنوں میں پیش آئی غرق ہوکر ہلاک ہونے کی تیسری واردات

بھٹکل کڈوین کٹہ ندی میں غرق ہوکر  ایک خاتون اور ایک لڑکا ہلاک ہوگیا جن کی شناخت  پاروتی شنکر نائک (39) اورسورج پانڈو نائک (17)  کی حیثیت سے کی گئی ہے۔ پاروتی نائک کا شوہر  شنکر نائک بھٹکل میونسپالٹی  کا ورکر  بتایا گیا ہے۔

بھٹکل؛ پڑوسی ریاست کیرالہ میں بھٹکلی اسٹوڈینٹس کی نمایاں کامیابی

پڑوسی ریاست کیرالہ کے کالی کٹ میں  بھٹکل کی ایک طالبہ  خدیجہ افزا ء بنت  محمد امجد جعفر نے گریڈ 12 کے شعبہ سائنس میں  98 فیصد کے ساتھ شاندار کامیابی درج کی ہے۔ اس طالبہ نے ہندی میں سو میں سو مارکس، میتھس سائنس میں 120 میں  120 ،  فزیکس میں 120 میں 119 اورانگلش میں سو میں 99 مارکس حاصل کئے ...

اترا کنڑ ا ڈپٹی کمشنر نے نیشنل ہائی وے کام کو بروقت مکمل کرنے کی دی ہدایت؛ صرف 7.8 کلومیٹر کام باقی ہونے کا ہائی وے حکام نے کیا دعویٰ

 ضلع  اُترکنڑا  کی ڈپٹی کمشنر  گنگوبائی مانکر نے جب  ضلع سے گذرنے والے نیشنل ہائی وے فورلائن کے توسیعی کام  کو  بروقت مکمل کرنے  ہائی وے افسران کو  ہدایت دی تو افسران نے دعویٰ کیا کہ  ہائی وے کا صرف 7.8  کلومیٹر  کام ہی باقی رہ گیا ہے۔

بھٹکل: انجمن نور اسکول میں 19 مئی کو شروع ہورہا ہے آدھار کارڈ کیمپ؛ بھٹکل کے عوام اُٹھا سکتے ہیں فائدہ

بھٹکل کے چھ اسپورٹس سینٹروں پر مشتمل نور حلقہ کی جانب سے  مورخہ 19 مئی کو نورمسجد کے قریب واقع نور انجمن اسکول میں آدھار کارڈ کا میگا کیمپ منعقد کیا گیا ہے جہاں پہنچ کر  بھٹکل کے عوام  نیا  آدھار کارڈ بھی بنواسکتے ہیں، پرانے کارڈ کو درست کرنا ہے تو کرکشن بھی کرواسکتے ہیں، نام ...

ہبلی : ناکام عاشقی کے نتیجے میں دوسرا قتل 

ہبلی میں ایک 20 سالہ لڑکی کو مبینہ طور پر چاقو کے وار کر کے قتل کر دیا گیا کیونکہ اس نے اپنے پڑوسی کی محبت کو ٹھکرا دیا تھا۔ اس شخص کو اپنی محبت کے انکار پر اتنا غصہ آیا کہ اس نے لڑکی کو قتل کر دیا۔ پولیس رپورٹ کے مطابق مذکورہ شخص نے خاتون کے گھر میں گھس کر اس پر چاقو سے وار کیا جب وہ ...

ایچ ڈی ریونا جنسی استحصال سے متعلق اغوا کیس میں جیل سے باہر آگئے

کرناٹک کے بنگلورو میں ایک خصوصی عدالت نے پیر کو ’فحش ویڈیو‘ اسکینڈل سے متعلق ایک ہائی پروفائل اغوا کیس میں پھنسے ہولیناراسی پورہ سے جنتا دل (ایس) کے ایم ایل اے ایچ ڈی ریونا کو مشروط ضمانت پر رہا کردیا ہے۔ سپریم کورٹ کے حکم کے بعد انہیں منگل کو پارپنا اگرہارا جیل سے مشروط طور پر ...

پرجول ریونا معاملہ کی سی بی آئی تحقیقات ہونی چاہیئے : سابق وزیر اعلی بسواراج بومئی

کرناٹک کے سابق وزیر اعلی بسواراج بومئی نے اتوار کے روز ایم پی پرجول ریوناکیس میں جاری خصوصی تفتیشی ٹیم (ایس آئی ٹی) کی تحقیقات کے بارے میں شدید خدشات کا اظہار کیا اور منصفانہ تحقیقات کو یقینی بنانے کے لئے مرکزی تفتیشی بیورو (سی بی آئی) کی مداخلت کی ضرورت پر زور دیا۔

پرجول ریونا کےجنسی اسکینڈل کا شکار ایک متاثرہ کی آپ بیتی

کرناٹک کے مشہور سیکس اسکینڈل کیس کی ایک شکار نے آگے آکر معطل جے ڈی ایس لیڈر پرجول ریونا اور ان کے والد ایچ ڈی ریونا پر سنگین الزامات لگائے ہیں۔  رپورٹ  کے مطابق اس نے کہا کہ پرجول نے چار سے پانچ سال قبل اس کی بنگلور میں رہائش گاہ پر اس کی ماں کی عصمت دری کی تھی۔ میرے ساتھ بھی جنسی ...

سورنا نیوز چینل پر مسلمانوں کی نشاندہی پاکستانی پرچم سے کرنے پر چینل اور اینکر کے خلاف کارروائی کا مطالبہ ؛ اے پی سی آر نے اسسٹنٹ کمشنر سے کی شکایت

کنڑا نیوز  چینل ایشیاء نٹ سورنا ٹی وی  پر وزیر اعظم کی اقتصادی مشاورتی کونسل (EAC-PM) کی طرف سے جاری کردہ آبادی کی رپورٹ پر تبادلہ خیال کرنے کے دوران  چینل پر ہندو آبادی کی نمائندگی کے لیے ہندوستانی پرچم اور مسلمانوں کی نمائندگی کے لیے پاکستانی پرچم  دکھائے جان کو لے کر ایک طرف ...