منگل کو پھر شدید بارش کی پیش گوئی؛ بھٹکل، ہوناور اور کمٹہ کے اسکولوں اور کالجوں میں چھٹی کا اعلان؛ پورے ساحلی کرناٹکا میں ریڈ الرٹ جاری

Source: S.O. News Service | By I.G. Bhatkali | Published on 8th July 2024, 11:59 PM | ساحلی خبریں |

بھٹکل 8/جولائی (ایس او نیوز)  شام ہوتے ہوتے بھٹکل میں پھر ایک بار شدید بارش شروع ہوتے ہی  بھٹکل میں کل منگل کو بھی اسکولوں اور پی یو کالجوں میں تعلقہ انتظامیہ کی جانب سے چھٹی کا اعلان کیا گیا ہے۔ رات قریب ساڑھے دس بجے بارش کی تیزی کو دیکھتے ہوئے بھٹکل بلاک ایجوکیشن آفسر وی ڈی موگیر نے پریس ریلیز جاری کرتے ہوئے بتایا کہ بھٹکل اسسٹنٹ کمشنر ڈاکٹر نینا کی ہدایت پر کل بھٹکل کے اسکولوں اور پی یو کالجوں میں بھی چھٹی ڈکلیر کی گئی ہے۔

بتاتے چلیں کہ  رات قریب 8:30 بجے اُترکنڑا  ڈپٹی کمشنر نے  حکمنامہ جاری کرتے ہوئے بتایا تھا کہ  محکمہ موسمیات کی جانب سے منگل کو اُترکنڑا میں زوردار بارش کی پیش گوئی کی  گئی ہے اور ریڈ الرٹ جاری کیا گیا ہے، اسی کے ساتھ آج  پیر کو بھی ہوناور اور کمٹہ میں بھاری بارش ہوئی ہے جس کو دیکھتے ہوئے کل منگل کو کمٹہ اور ہوناور میں اسکولوں اور پی یو کالجوں میں چھٹی  کی ہدایت دی گئی ہے، البتہ ڈپٹی کمشنر کی جانب سے جاری کئے گئے حکمنامہ میں بھٹکل کا نام نہیں تھا کیونکہ بھٹکل میں اتوار کے مقابلے میں آج پیر کو قدرے کم بارش دیکھی گئی تھی۔

مگر رات نو بجتے ہی بھٹکل میں بارش نے اپنا اثر دکھانا شروع کردیا اور زوردار بارش شروع ہو گئی، جس کو دیکھتے ہوئے بھٹکل اسسٹنٹ کمشنر کی ہدایت پر بھٹکل بلاک ایجوکیشن آفسر نے بھٹکل میں بھی تمام اسکولوں اور پی یو کالجوں میں چھٹی کا اعلان کردیا۔

یاد رہے کہ شام پانچ  بجے اُڈپی ڈپٹی کمشنر نے ضلع اُڈپی میں بھاری بارش کی پیش گوئی کو دیکھتے ہوئے تمام اسکولوں اور کالجوں میں چھٹی کا اعلان کیا تھا، شام ساڑھے آٹھ بجتے بجتے مینگلور سے  دکشن کنڑا  ڈپٹی کمشنر نے پورے ضلع دکشن کنڑا میں اسکولوں اور کالجوں میں چھٹی کا اعلان کیا اور رات ساڑھے دس بجے بھٹکل، کمٹہ اور ہوناور میں اسکولوں اور پی یو کالجوں میں چھٹی ڈکلیر کی گئی ہے۔

اس سے قبل محکمہ موسمیات نے  ساحلی کرناٹکا یعنی ضلع دکشن کنڑا، ضلع اُڈپی اور ضلع اُترکنڑا میں بھاری بارش کی پیش گوئی  کی تھی  اور تینوں اضلاع میں ریڈ الرٹ جاری کیا  تھا۔

اُترکنڑا ڈپٹی کمشنر محترمہ لکشمی پریا نے  بھاری بارش  کو دیکھتے ہوئے  ضلع کے عوام کے لئے  ایمرجنسی ہیلپ لائن نمبر 1077 بھی جاری کیا ہے اور کسی بھی مشکل حالات میں اس نمبر پر پر کال کرنے کی اپیل کی ہے۔ ڈپٹی کمشنر لکشمی پریا نے  پریس ریلیز میں یہ بھی کہا ہے  کہ عوام کسی بھی طرح کی  معلومات فراہم کرنے کے لیے  موبائل نمبر 9483511015 پر کال، میسج، وہاٹس ایپ  مسیج  یا  وہاٹس ایپ کال   بھی کرسکتے ہیں۔

ایک نظر اس پر بھی

دکشن کنڑا میں 83 مقامات پر بج رہی خطرے کی گھنٹی - موسلا دھار برسات سے کھسک سکتی ہیں چٹانیں 

کئی دنوں سے چل رہی مسلسل برسات کی وجہ سے جگہ جگہ چٹانیں کھسکنے کے واقعات پیش آ رہے ہیں ۔ اس وقت دکشن کنڑا میں 83 ایسے مقامات کی نشاندہی کی گئی ہے جہاں چٹانیں کھسکنے کا خطرہ سر پر منڈلا رہا ہے ۔    

 انکولہ میں زمین کھسکنے کا معاملہ : ضلع انتظامیہ نے کی ملبے میں ٹرک دبے ہونے کی تصدیق؛ کیا زندہ برآمد ہوگا لاری ڈرائیور ؟

انکولہ تعلقہ کے شیرور میں پیش آئے چٹان کھسکنے کے المیہ کے بارے میں مزید کچھ اہم باتیں سامنے آ رہی ہیں، جس سے یقین ہوگیا ہے کہ ملبے کے اندر ایک بینز ٹرک دبا ہے ۔ اس وجہ سے ملبے کے اندر ٹرک کا لا پتہ ڈرائیور بھی موجود ہونے کا قوی امکان ہے۔

کمٹہ تعلقہ میں بھاری برسات کے بعد چٹان کھسک گئی  

اتر کنڑا میں موسلا دھار برسات کے نتیجے میں انکولہ تعلقہ کے  شیرور میں بڑے پیمانے پر چٹان کھسکنے کا جان لیوا حادثہ پیش آنے کے بعد اب کمٹہ تعلقہ میں الورومٹھ  کے قریب بھی ایک بڑی چٹان کھسک گئی ۔ اس سے کمٹہ سداپور شاہراہ مکمل طور پر بند ہوگئی ہے ۔

اڈپی میں ڈینگی کے بڑھتے معاملے - ڈاکٹری نسخے کے بغیر پیراسیٹامول گولی کی فروخت پر لگی پابندی

ضلع میں ڈینگی اور دوسرے متعدی امراض میں روز بروز اضافہ ہوتا جا رہا ہے اور زیادہ تر مریض خود ہی اپنا علاج (سیلف میڈیکیشن) کرنے لگے ہیں ۔ اس کی وجہ سے امراض کی نامناسب تشخیص اور نامکمل علاج کا سلسلہ چل پڑا ہے جس کا نتیجہ کبھی کبھی جان لیوا ثابت ہوتا ہے ۔