بھٹکل کے قریب منکی نیشنل ہائی وے پر المناک سڑک حادثہ؛ ماں اور بیٹی ہلاک

Source: S.O. News Service | By I.G. Bhatkali | Published on 29th February 2024, 3:26 PM | ساحلی خبریں |

بھٹکل 29 فروری (ایس او نیوز) ماں اور بیٹی اُس وقت ہلاک ہوگئے جب ان کی اسکوٹی منکی نیشنل ہائی ٦٦ پر کراسنگ کے دوران سرکاری بس کی زد میں آگئے۔ حادثہ جمعرات صبح قریب 12 بجے پیش آیا۔

مہلوک کی شناخت منکی سرسوتی کیری کی رہنے والی سویتا راجو اچاری (40) اور اس کی 17 سالہ بیٹی انکیتا راجو اچاری کی حیثیت سے کی گئی ہے۔ یہ دونوں منکی کے گُلّت کیری سے اپنے گھر جانے کے لئے اسکوٹی پر سوار تھے۔

عینی شاہدین نے بتایا کہ سڑک کے دوسری جانب دیکھے بغیرانہوں نے اپنی اسکوٹی کو جیسے ہی منکی کراس پر آگے بڑھایا، مینگلور سے بیلگام جانے والی بس کی زد میں آگئے۔ عینی شاہدین کے مطابق بس ڈرائیور نے انہیں بچانے کی انتھک کوشش کی، یہاں تک کہ بس کو سڑک کے باہرڈیوائیڈر پر چڑھادیا، لیکن کوشش کامیاب نہیں ہوئی اور اسکوٹی پر ایک پہیہ چڑھ گیا۔

ماں اور بیٹی دونوں کو شدید زخمی حالت میں  فوری طور پر بھٹکل سرکاری اسپتال منتقل کیا گیا، مگر علاج شروع ہونے سے پہلے ہی دونوں نے  اسپتال میں دم توڑ دیا۔

دونوں کی نعشوں کو بھٹکل مردہ خانہ منتقل کی گئی ہے۔ پوسٹ مارٹم کے بعد گھروالوں کے حوالے کی جائے گی۔

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔