مہاراشٹر: ’پتہ نہیں 15 فروری کے بعد کیا ہوگا‘، ریزرویشن معاملے پر منوج جرانگے پاٹل کا رویہ مزید سخت

Source: S.O. News Service | Published on 12th February 2024, 8:42 PM | ملکی خبریں |

ممبئی، 12/فروری (ایس او نیوز/ایجنسی) سات ماہ میں چوتھی مرتبہ بھوک ہڑتال پر بیٹھے مراٹھا لیڈر منوج جرانگے پاٹل نے پیر کے روز متنبہ کیا ہے کہ اگر حکومت نے وعدے کے طمابق مراٹھا کوٹہ کا اعلان کرنے سے متعلق ٹھوس قدم نہیں اٹھایا تو وہ پیشین گوئی نہیں کر سکتے کہ جمعرات (15 فروری) کے بعد کیا ہوگا۔ اپنی تازہ بھوک ہڑتال کے تیسرے دن جرانگے پاٹل نے اس بات کو دہرایا کہ تحریک کا نیا دور تب تک جاری رہے گا جب تک حکومت کی یقین دہانی اور احکام نافذ نہیں ہو جاتے اور مراٹھوں کو سبھی فائدے نہیں مل جاتے۔

جرانگے پاٹل آج صبح اپنے گاؤں انتراولی-سرتی میں میڈیا اہلکاروں سے بات چیت کر رہے تھے۔ اس وقت ان کے حامیوں کی بھیڑ ان کے آس پاس جمع ہو گئی۔ کئی لوگ ان کے (جرانگے پاٹل) اور اگست 2023 سے لڑے جا رہے ایشو پر اظہارِ فکر کر رہے تھے۔

اس موقع پر جرانگے پاٹل نے بتایا کہ وزیر اعلیٰ ایکناتھ شندے کی ’مہایوتی حکومت‘ نے ’رشی-سویارے‘ (خاندان کا شجرہ) کے علاوہ کنبی-مراٹھوں اور مراٹھا-کنبیوں کو شامل کرنے کے لیے او بی سی کوٹہ کی توسیع کرنے کے لیے ڈرافٹ نوٹیفکیشن (26 جنوری کو) جاری کیا۔ انھوں نے اعلان کیا کہ ’’ڈرافٹ کافی نہیں ہے۔ اسے ایک قانون بنایا جانا چاہیے۔ حکومت کس کا انتظار کر رہی ہے؟ انھیں نوٹیفکیشن کو قانون میں بدلنے کے لیے فوراً قدم اٹھانا چاہیے۔ اگر حکومت 15 فروری تک مناسب قدم اٹھانے میں ناکام رہتی ہے تو مجھے نہیں پتہ کہ مراٹھا کیا کریں گے۔ آپ پہلے ہی دیکھ چکے ہیں کہ گزشتہ ماہ جب انھوں نے ممبئی کی طرف مارچ کیا تھا تو کیا ہوا تھا۔‘‘

جرانگے پاٹل نے تلخ انداز اختیار کرتے ہوئے کہا کہ ’’جیسے آپ سبھی کے بیٹے بیٹیاں ہیں، ہمارے بھی اپنے بچے ہیں۔ ہم منڈل کمیشن کو عدالت میں چیلنج نہیں دینا چاہتے۔ آپ جیو اور ہمیں بھی جینے دو۔ ہمیں انصاف دو۔‘‘ بہرحال، موجودہ حالات میں محسوس ہو رہا ہے کہ ریاستی حکومت اس مہینے مراٹھا ریزرویشن کا اعلان کرنے کے لیے مقننہ کا ایک خصوصی اجلاس بلا سکتی ہے، جیسا کہ شندے نے دسمبر 2023 میں یقین دلایا تھا۔

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔