لوک سبھا انتخابات تک مرکزی ایجنسیوں کو اپوزیشن کے خلاف کارروائی کرنے سے روکیں، ٹی ایم سی کا الیکشن کمیشن سے مطالبہ

Source: S.O. News Service | Published on 2nd April 2024, 5:03 PM | ملکی خبریں |

کولکاتہ ، 2/اپریل (ایس او نیوز /ایجنسی) ترنمول کانگریس (ٹی ایم سی) نے الیکشن کمیشن سے درخواست کی ہے کہ وہ مرکزی ایجنسیوں جیسے انفورسمنٹ ڈائریکٹوریٹ (ای ڈی)، سنٹرل بیورو آف انویسٹی گیشن (سی بی آئی)، نیشنل انویسٹی گیشن ایجنسی (این آئی اے) اور محکمہ انکم ٹیکس کو لوک سبھا انتخابات ہونے تک ٹی ایم سی سمیت بی جے پی کی دیگر حریف پارٹیوں کے امیدواروں، لیڈروں اور کارکنان کے خلاف کارروائی کرنے پر فوری طور پر روک لگائے۔

ممبر پارلیمنٹ ڈیرک اوبرائن، ڈولا سین، ساکیت گوکھلے اور ساگاریکا گھوش سمیت ٹی ایم سی لیڈروں کے ایک وفد نے پیر (یکم اپریل) کو چیف الیکشن کمشنر اور الیکشن کمشنروں سے ملاقات کی اور اپوزیشن پارٹیوں کے خلاف بی جے پی کے ذریعے مرکزی ایجنسیوں کے غلط استعمال کا الزام لگاتے ہوئے ایک میمورنڈم سونپا۔ وفد نے الیکشن کمیشن سے لوک سبھا انتخابات میں سیاسی پارٹیوں کے لیے یکساں مواقع کو یقینی بنانے کے لیے ای ڈی، سی بی آئی، آئی ٹی ڈیپارٹمنٹ اور این آئی اے کے ڈائرکٹروں کا تبادلہ کرنے کی بھی درخواست کی۔

ٹی ایم سی لیڈروں نے ایسے واقعات کا حوالہ بھی دیا جن میں مرکزی ایجنسیوں نے ان کی پارٹی کے امیدواروں کے خلاف کارروائی کی ہے۔ ساکیت گوکھلے نے الیکشن کمیشنرس سے ملاقات کے بعد کہا کہ ’’کل تمام اپوزیشن پارٹیوں نے اس بات سے اتفاق کیا اور اپوزیشن اتحاد ’انڈیا‘ کی ریلی میں ایک قرارداد منظور کی گئی کہ مرکزی ایجنسیوں کی طرف سے غیر معمولی اور متعصبانہ کارروائی کی جا رہی ہے۔ ہم نے مرکزی ایجنسیوں کی کارروائیوں میں اضافہ دیکھا ہے۔‘‘

وفد نے الیکشن کمیشن کو مرکزی ایجنسیوں کے ذریعے کی گئی کارروائیوں کی فہرست بھی سونپی جس میں مہوا موئترا کے دفتر پر سی بی آئی کا چھاپہ ، چندر ناتھ سنہا (مغربی بنگال میں مائیکرو، اسمال اینڈ میڈیم انٹرپرائزز اور ٹیکسٹائل کے وزیر انچارج)کے خلاف ایڈ ی کے سمن، کولکاتہ میونسپل کارپوریشن کی کونسلر جوئی بسواس کے خلاف انکم ٹیکس کے چھاپے اور مغربی بنگال میں این آئی اے کے ذریعے کئی ٹی ایم سی کارکنان کی گرفتاری کا ذکر ہے۔

ایک نظر اس پر بھی

مہاراشٹرا کے طلبہ توجہ دیں؛ بارہویں سائنس کے بعدڈائریکٹ سیکنڈ ایئر انجیئنرنگ ڈپلومہ کورسس میں داخلے

بارہویں سائنس میں کامیاب طلباء و طالبات کو یہ اطلاع دیجاتی ہے کہ ریاست مہاراشٹرا کی تمام پولی ٹیکنک کالجوں میں ڈائریکٹ سیکنڈ ایئر انجینئرنگ ڈپلومہ کورسیس (پولی ٹیکنیک) میں داخلہ کے لئے رجسٹریشن کا آغاز ہو چکا ہے

سابق ایم ایل سی محمد اقبال کے1097 کروڑ روپے کے اثاثوں کوای ڈی نے ضبط کیا

انفورسمنٹ ڈائریکٹوریٹ (ای ڈی) نے سہارنپور میں غیر قانونی کانکنی کے معاملے میں بڑی کارروائی کی ہے۔ ای ڈی نے بی ایس پی کے سابق ایم ایل سی محمد اقبال کی گلوکل یونیورسٹی کی 121 ایکڑ زمین اور تمام عمارتوں کو ضبط کر لیا ہے۔ بی ایس پی کے سابق ایم ایل سی محمد اقبال کی ضبط کی گئی جائیداد کی ...

لوک سبھا اسپیکر الیکشن کے لئے انڈیا الائنس کی حکمت عملی

لوک سبھا انتخابات کے بعد ایک بار پھر مرکز میں مودی حکومت بن گئی ہے۔ اب لوک سبھا کے اسپیکر کے لیے انتخابات ہونے ہیں، اس کو لے کر سیاست شروع ہو گئی ہے۔ ذرائع کے مطابق اپوزیشن جماعت اسپیکر کے انتخاب کے لیے اپنا امیدوار کھڑا کرسکتی ہے۔ اگر ڈپٹی اسپیکر کا عہدہ اپوزیشن کو دیا گیا تو ...

طلبا تنظیم این ایس یو آئی نے نیٹ کا امتحان دوبارہ کرانے کا کیا مطالبہ، این ٹی اے پر فوری پابندی لگانے کی اپیل

این ایس یو آئی (نیشنل اسٹوڈنٹس یونین آف انڈیا) کے قومی صدر ورون چودھری کی قیادت میں آج یونین دفتر سے جنتر منتر تک پرامن مشعل مارچ منعقد کیا گیا۔ اس مارچ کا مقصد حال ہی میں ہوئے این ٹی اے اور نیٹ امتحان گھوٹالہ کے خلاف بیداری پیدا کرنا اور احتجاج درج کرنا تھا، جس نے پورے ملک ...

نیٹ پرچہ سوالات افشاء کیس، امتحان سے ایک دن پہلے پیپر ملنے کا انکشاف

بہار پولیس کے معاشی جرائم یونٹ (ای او یو) نے جو نیشنل ایلجبلیٹی کم انٹرنس ٹسٹ (نیٹ۔ یوجی) 2024ء میں پرچہئ سوالات کے افشاء کی تحقیقات کررہی ہے، ہفتہ کے روز 11 امیدواروں کو نوٹسیں روانہ کی ہیں، جن پر اس جرم میں ملوث ہونے کا شبہ ہے۔