صدر کی بجائے وزیر اعظم کیوں کر رہے ہیں افتتاح؟ سپریم کورٹ پہنچا نئے پارلیمنٹ ہاؤز کا معاملہ

Source: S.O. News Service | Published on 26th May 2023, 9:23 AM | ملکی خبریں |

نئی دہلی، 26/مئی(ایس او نیوز/ایجنسی) حزب اختلاف کی 19جماعتوں کی طرف سے وزیر اعظم نریندر مودی کے ہاتھوں نئے پارلیمنٹ کی افتتاحی تقریب کے بائیکاٹ کے اعلان کے بعد اب یہ معاملہ سپریم کورٹ میں بھی پہنچ گیا ہے-

ایک مفاد عامہ کی عرضی دائر کر کے کہا گیا ہے کہ صدر، پارلیمنٹ کا لازمی حصہ ہیں اور لوک سبھا سکریٹریٹ نے ان سے افتتاح نہ کرانے کا جو فیصلہ لیا ہے وہ نامناسب ہے- یہ عرضی سی آر جیاسوکین کی جانب سے دائر کی گئی ہے، جو پیشے سے وکیل ہیں اور مفاد عامہ کی عرضیاں دائر کرتے رہتے ہیں -

خیال رہے کہ وزیر اعظم مودی 28مئی کو ملک کی نئی پارلیمنٹ کا افتتاح کرنے جا رہے ہیں - اپوزیشن جماعتیں اس کی مخالفت کر رہی ہیں - ان کا کہنا ہے کہ پارلیمنٹ کا افتتاح صرف ملک کے صدر کو کرنا چاہیے اور اگر ایسا نہ ہوا تو اپوزیشن کی کل19جماعتوں نے افتتاحی پروگرام کے بائیکاٹ کا فیصلہ کیا ہے-

جمعرات 25مئی کو منعقدہ ایک پریس کانفرنس میں کانگریس لیڈر جے رام رمیش نے پی ایم مودی کو تنقید کا نشانہ بناتے ہوئے کہا کہ ایک آدمی کا تکبر اور خود کی تشہیر کرنے کی خواہش نے ملک کی پہلی خاتون قبائلی صدر سے پارلیمنٹ کا افتتاح کرنے کا شرف چھین لیا ہے-

وہیں، تیلگو دیشم پارٹی(ٹی ڈی پی)نے جمعرات کو کہا کہ وہ 28مئی کو نئی دہلی میں نئے پارلیمنٹ ہاؤز کی افتتاحی تقریب میں شرکت کرے گی- پارٹی نے ایک بیان میں کہا کہ ٹی ڈی پی پارلیمنٹ کی نئی عمارت کی افتتاحی تقریب کا حصہ بنے گی اور اس کے ارکان پارلیمنٹ اس میں شرکت کریں گے-

خیال رہے کہ آندھرا پردیش کی حکمراں جماعت وائی ایس آر کانگریس کے سربراہ اور وزیر اعلیٰ وائی ایس جگن موہن ریڈی نے بدھ کی شام اس بات کی تصدیق کی تھی کہ ان کی پارٹی بھی افتتاحی تقریب میں شرکت کرے گی-

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...