گھرسے ماں اور اس کے دوبچوں کی جلی ہوئی نعشیں برآمد : بیوی ، بیٹا اور بیٹی ہلاک
ترشور:29؍ جنوری(ایس اؤ نیوز ) ریاست تمل ناڈو کے کُنّم کولم کے پنّیتا ڈمنلی میں ماں اور اس کے دو بچوں کی گھر میں نعشیں پائی گئیں ۔ بتایا گیا ہے کہ صبح سویرے نعشیں جلی ہوئی حالت میں گھر سے برآمد ہوئی ہیں۔ مہلوکین کی شناخت حارث کی بیوی شفینہ ، تین سالہ اجوہ اور ڈیڑھ سالہ امن کے طورپر کی گئی ہے۔ واقعے کے وقت گھر میں صرف حارث کی ماں ہونے کی اطلاعات ہیں۔
مہلوکہ کا شوہر حارث بیرونی ملک میں رہتا ہے۔ پولس نے جائےوقوع پر پہنچ کر معائنہ کرنےکے بعد خاندان والوں سےمعلومات حاصل کیں ہیں۔ بڑا بھائی جس گھر میں اپنے خاندان کے ساتھ مقیم ہے اسی گھر میں یہ حادثہ پیش آیا ہے۔ چھان بین جاری ہے۔
