کانگریس نے کیا مزید تین امیدواروں کا اعلان - کولار سیٹ پر ہے سسپنس برقرار 

Source: S.O. News Service | Published on 30th March 2024, 12:59 PM | ریاستی خبریں | ان خبروں کو پڑھنا مت بھولئے |

بینگلورو ،30 / مارچ (ایس او نیوز) کانگریس پارٹی کی طرف سے چامراج نگر، چکبالاپور اور بلاری حلقوں کے لئے اپنے امیدواروں کا اعلان کر دیا مگر کولار کا معاملہ پر تذبذب کو برقرار رکھا ۔ 
    
کل جن تین امیدواروں کا اعلان کیا گیا ہے اس میں چامراج نگر (ایس سی) سیٹ سے سوشیل ویلفیئر منسٹر ایچ سی مہادیوپّا کے بیٹے سنیل بوس ،  بلاری (ایس ٹی) سے رکن اسمبلی ای تکا رام، چکبالاپور سے سابق وزیر ایم آر سیتا رام کے بیٹے رکشا رامیا کے نام شامل ہیں ۔ حالانکہ کانگریس پارٹی کے سینئر لیڈر ویرپّا موئیلی اور سابق وزیر این ایچ شیوا شنکرا ریڈی نے رکشا رامیا کی امیدواری پر سوال اٹھاتے ہوئے پوچھا تھا کہ یوتھ کانگریس چیف کے طور پر کانگریس پارٹی کے لئے رامیا کی کیا خدمات رہی ہیں ۔ مگر رکشا رامیا کو ہائی کمان سے ٹکٹ حاصل کرنے میں کامیابی مل گئی ۔
    
اب تک کانگریس کی طرف سے 27 حلقوں کے لئے امیدواروں کا اعلان ہو گیا ہے ، اور اب صرف کولار کی ایس سی ریزرو سیٹ باقی ہے جس پر اندرونی اختلافات اور رسہ کشی عروج پر ہے ۔ کہتے ہیں کہ کے پی سی سی نے اس سیٹ پر کے وی گوتم کا نام تجویز کیا تھا مگر آل انڈیا کانگریس کمیٹی نے اسے ہری جھنڈی نہیں دکھائی ہے ۔ پارٹی کے ذرائع کا کہنا ہے کہ کولار حلقے میں کے پی سی سی نے وزیر برائے فوڈ اینڈ سوِل سپلائی  کے ایچ مُنیپّا کے گروپ اور 'باغی' اراکین اسمبلی سے مشورہ کے بعد گوتم کا نام تجویز کیا تھا ۔ دوسری طرف سابق اسمبلی اسپیکر رمیش کمار کا اپنا گروپ ہے جو سابق وزیر مینپّا کے داماد چیکّا پیدنّا کی امیدواری کے خلاف محاذ بنا رہا ہے ۔ اسی مخمصے کی وجہ سے کولار کی سیٹ پر امیدواری کا مسئلہ ابھی ہائی کمان کے پاس اٹکا ہوا ہے ۔

ایک نظر اس پر بھی

بی جے پی نے کانگریس ایم ایل اے کو 50 کروڑ روپے کی پیشکش کی؛ سدارامیا کا الزام

کرناٹک کے وزیر اعلی سدارامیا نے ہفتہ کو بھارتیہ جنتا پارٹی (بی جے پی) پر الزام لگایا کہ وہ کانگریس کے اراکین اسمبلی کو وفاداری تبدیل کرنے کے لیے 50 کروڑ روپے کی پیشکش کرکے 'آپریشن لوٹس' کے ذریعے انکی حکومت کو غیر مستحکم کرنے کی کوششوں میں ملوث ہے۔

لوک سبھا انتخاب 2024: کرناٹک میں کانگریس کو حاصل کرنے کے لیے بہت کچھ ہے

کیا بی جے پی اس مرتبہ اپنی 2019 لوک سبھا انتخاب والی کارکردگی دہرا سکتی ہے؟ لگتا تو نہیں ہے۔ اس کی دو بڑی وجوہات ہیں۔ اول، ریاست میں کانگریس کی حکومت ہے، اور دوئم بی جے پی اندرونی لڑائی سے نبرد آزما ہے۔ اس کے مقابلے میں کانگریس زیادہ متحد اور پرعزم نظر آ رہی ہے اور اسے بھروسہ ہے ...

تعلیمی میدان میں سرفہرست دکشن کنڑا اور اُڈپی ضلع کی کامیابی کا راز کیا ہے؟

ریاست میں جب پی یوسی اور ایس ایس ایل سی کے نتائج کا اعلان کیاجاتا ہے تو ساحلی اضلاع جیسےدکشن کنڑا  اور اُ ڈ پی ضلع سر فہرست ہوتے ہیں۔ کیا وجہ ہے کہ ساحلی ضلع جسے دانشوروں کا ضلع کہا جاتا ہے نے ریاست میں بہترین تعلیمی کارکردگی حاصل کی ہے۔

این ڈی اے کو نہیں ملے گی جیت، انڈیا بلاک کو واضح اکثریت حاصل ہوگی: وزیر اعلیٰ سدارمیا

کرناٹک کے وزیر اعلیٰ سدارمیا نے ہفتہ کے روز اپنے بیان میں کہا کہ لوک سبھا انتخاب میں این ڈی اے کو اکثریت نہیں ملنے والی اور بی جے پی کا ’ابکی بار 400 پار‘ نعرہ صرف سیاسی اسٹریٹجی ہے۔ میسور میں صحافیوں سے بات کرتے ہوئے سدارمیا نے یہ اظہار خیال کیا۔ ساتھ ہی انھوں نے کہا کہ ...

ہیمنت سورین کی ضمانت کی درخواست پر سماعت، ای ڈی نے جواب دینے کے لیے مانگا وقت

  زمین گھوٹالہ ومنی لانڈرنگ کے الزام میں جیل میں بند جھارکھنڈ کے سابق وزیر اعلیٰ ہیمنت سورین کی ضمانت کی درخواست پر منگل کو پی ایم ایل اے کی خصوصی عدالت میں سماعت ہوئی، مگر عدالت سے انہیں فوری راحت نہیں مل سکی۔ دراصل اس معاملے میں ای ڈی نے اپنا موقف اور جواب پیش کرنے کے لیے وقت ...

بھٹکل: پی یو سی دوم میں انجمن پی یو کالج(بوائز) کو سائنس اسٹریم میں ملی صد فیصد کامیابی

سکینڈ پی یو سی  سائنس اسٹریم میں  انجمن بوائز پی یو کالج کو صد فیصد کامیابی ملی ہے، اور 61  طلبہ میں سے سبھی 61 طلبہ کامیاب ہوگئے ہیں۔ اس بات کی اطلاع کالج پرنسپال  یوسف کولا  نے دی۔یاد رہے کہ 10 اپریل کو آن لائن کے ذریعے نتائج ظاہر کئے گئے تھے،  لیکن  اب    پی یو  بورڈ  کی طرف سے ...

کینیڈا میں 24 سالہ ہندوستانی طالب علم کا گولی مار کر قتل

کینیڈا کے شہر وینکوور کے علاقے سن سیٹ میں 24 سالہ ہندوستانی طالب علم کو اس کی کار میں گولی مار کر ہلاک کر دیا گیا۔ پولیس نے اتوار کو یہ جانکاری دی۔ وینکوور پولیس نے ایک بیان میں کہا کہ 24 سالہ چراغ انٹیل علاقے میں ایک گاڑی کے اندر مردہ پایا گیا۔

کیرالہ میں وزیر اعظم مودی کی سیکورٹی کے لئے لگائی گئی رسی میں پھنس کر نوجوان کی موت

وزیر اعظم کی سخت سیکوریٹی کے بارے میں تو سھی جانتے ہوں گے مگر اس سخت سیکوریٹی کی وجہ سے اگر کسی کی جان جانے لگے تو معاملہ تشویشناک ہو جاتا ہے۔ پی ایم مودی  جنوبی ہندوستان کے انتخابی مہم کے تحت دورے پر ہیں جہاں کیرالہ میں ان کی سیکوریٹی کے لیے لگائی رسی میں پھنس کر ایک نوجوان کی ...

کیجریوال کو نہیں ملی سپریم کورٹ سے راحت، عدالت کا جلد سماعت سے انکار

سپریم کورٹ نے وزیر اعلیٰ اروند کیجریوال کو فوری راحت دینے سے انکار کرتے ہوئے ای ڈی کی گرفتاری کے خلاف ان کی عرضداشت پر 29 اپریل کو سماعت کی تاریخ طے کی ہے۔ سپریم کورٹ نے اس معاملے میں ای ڈی کوبھی نوٹس جاری کیا ہے اور اسے 24 اپریل تک جواب دینے کی ہدایت دی ہے۔ سپریم کورٹ میں اروند ...