بھٹکل: ستمبر 5 کو آل انڈیا آئیدیل ٹیچرس اسوسی ایشن کی طرف سے منعقد ہورہا ہے ریاستی سطح کا آن لائن یوم اساتذہ
![](https://www.sahilonline.net/uploads/2022/September-3/aiita-online.jpg)
بھٹکل 3 ستمبر (ایس او نیوز) ستمبر 5 کو آل انڈیا آئیدیل ٹیچرس اسوسی ایشن کی طرف سےریاستی سطح کا آن لائن یوم اساتذہ پروگرام منعقد کیا جارہا ہے جس کا افتتاح ریاست کے سابق وزیر یو ٹی قادر کے ہاتھوں کیا جائے گا۔
پریس ریلیز جاری کرتے ہوئے ا ٓیٹا کے ریاستی صدر محمد رضا مانوی نے بتایا کہ پروگرام رات ٹھیک نو بجے شرو ع ہوگا، چونکہ یہ آن لائن پروگرام ہے، اس لئے عوام کسی بھی جگہ سے اپنے موبائل کا استعمال کرتے ہوئے اس پروگرام سے مستفید ہوسکتے ہیں۔
ٹیچرس ڈے کے موقع پر ٹیچروں کی خدمات کی سراہنا کی جاتی ہے، اُنہیں مفید مشوروں سے نوازا جاتا ہے ساتھ ساتھ اُنہیں ان کے فرائض یاد دلاکر بچوں کو تعلیم کےساتھ تربیت فراہم کرنے کے تعلق سے بھی رہنمائی کی جاتی ہے۔
رضامانوی نے بتایا کہ یو ٹی قادر پروگرام کا افتتاح کریں گے، اسی طرح کوئمپو یونیورسٹی کے وائس چانسلر ڈاکٹر بی۔ پی۔ ویربھدرپا مہمان خصوصی کے طور پر تشریف فرما ہونگے ۔ آن لائن پروگرام میں ماہر تعلیم اور مرکزی تعلیمی بورڈ کے ڈائرکٹر سید تنویر احمد کلیدی خطاب فرمائیں گے جبکہ آل انڈیا آئیڈیل ٹیچرس ایسوسی ایشن کے قومی صدر عبدالرحیم شیخ صدارت کریں گے۔
یہ آن لائن پروگرام زوم پر منعقد ہوگا البتہ عوام الناس اس پروگرام کو یوٹیوب چینل YouTube.com/aiitakarnataka پر براہ راست (لائیو) دیکھ سکیں گے۔ پریس ریلیز میں ریاست کے اساتذہ، طلباء اور والدین سے درخواست کی گئی ہے کہ وہ کثیر تعداد میں شریک ہوکر پروگرام کو کامیاب بنائیں۔