سری لنکا کو برقعہ پر امتناع میں عجلت نہیں ،فیصلہ اتفاق رائے سے ہوگا۔ جزائری ملک کے سینئر وزیر کا بیان
کولمبو ،17؍ مارچ (ایس او نیوز؍پی ٹی آئی) حکومت سری لنکا برقعہ پر امتناع میں عجلت نہیں کرے گی ۔ یہ فیصلہ اتفاق رائے کے بعد ہوگا۔ ایک سینئر وزیر نے منگل کے دن یہ بات کہی ۔
کابینہ کے ترجمان کے ریمارکس، پاکستان کے سفیر متعینہ کولمبو سعد خٹک کی حکومت سری لنکا کے منصوبہ پرتنقید کے ایک دن بعد سامنے آئے ہیں۔ سعد خٹک نے تھا کہ یہ سیکوریٹی کے نام پر’’تفرقہ پسند اقدام‘‘ ہے جس سے نہ صرف مسلمانوں کے جذبات کو ٹھیس پہنچے گی بلکہ جزائری ملک میں اقلیتوں کے بنیادی انسانی حقوق کے تعلق سے خدشات کو بھی تقویت ملے گی۔
سری لنکا کی کابینہ نے پیر کے دن اپنے ہفتہ وار اجلاس میں نقاب پر امتناع کے مسئلہ پر تبادلہ خیال نہیں کیا۔ کابینہ کے ترجمان اور سینئر وزیر کہہیلیا رامبک ویلا نے منگل کے دن اخباری نمائندوں سے کہا کہ صلاح و مشورہ اور اتفاق رائے کے بعد فیصلہ ہوگا ۔
انہوں نے کہا کہ حکومت کو نقاب پر پابندی میں عجلت نہیں ہے۔ قومی سلامتی کے انٹلیجنس اسمنٹ پر فیصلہ کا انحصار ہوگا ۔ وزیرعوامی سلامتی شرت ویر اشیکرانے قبل ازیں اعلان کیا تھا کہ وہ نقاب پر پابندی کی تجویز کے کیبنٹ پیپر پر دستخط کر چکے ہیں۔ پیر کے دن یہ پیپر کابینی اجلاس میں زیر بحث آنا تھا لیکن ایسا نہیں ہوا۔ ویراشیکرانے کہا تھا کہ برقعہ قومی سلامتی کے لئے خطرہ ہے ۔ یہ پوچھنے پر کہ آیا اس وجہ سے برقعہ پر امتناع کا فیصلہ ٹالا گیا کہ اقوام متحد و انسانی حقوق کونسل کا اجلاس جاری ہے ،رامبک ویلا نے جواب دیا کہ ایسا کچھ نہیں ہے ۔