سوم شیکھر نے کراس ووٹنگ کر کے سیاسی خودکشی کر لی: اشوک
بنگلورو ،28/ فروری (ایس او نیوز /ایجنسی) حالانکہ بی جے پی کو پہلے سے یہ امید تھی کہ اس کے دو اراکین اسمبلی ایس ٹی سوم شیکھر اور شیورام ہیبار راجیہ سبھا انتخابات میں کراس ووٹنگ کریں گے۔ شیورام ہیبار نے اس پولنگ سے اپنے آپ کو دور ہی رکھا جبکہ سوم شیکھر نے کانگریس کے حق میں کر اس ووٹ کر کے سیاسی حلقوں میں ہلچل مچادی ہے ۔ یشونت پور حلقہ کے رکن اسمبلی سوم شیکھر کی اس حرکت سے اپوزیشن بی جے پی لیڈر آرا شوک کافی مایوس ہیں ۔ انہوں نے کہا کہ انہیں ایسا نہیں کرنا چاہئے تھا۔ اشوک نے بتایا کہ سوم شیکھر بی جے پی کی ٹکٹ پر کامیاب ہوئے ہیں۔ اس کے باوجود انہوں نے بی جے پی امیدوار کو اپنا ووٹ نہ دیتے ہوئے کانگریس کو دیا ہے۔ اشوک نے کہا کہ سوم شیکھر نے نہ صرف بی جے پی کو دھو کہ دیا بلکہ اپنے حلقہ کے لوگوں کے ساتھ بھی دھوکہ دیا ہے۔ انہوں نے کہا کہ دراصل سوم شیکھر نے سیاسی خود کشی کر لی ہے۔ ان کے خلاف سخت کارروائی کرنے پارٹی لیگل سیل کو ہدایت دی گئی ہے۔