اسمرتی ایرانی اور انوراگ ٹھاکر سمیت 37وزراء مودی کی نئی کابینہ سے بے دخل

Source: S.O. News Service | Published on 11th June 2024, 5:12 PM | ملکی خبریں |

نئی دہلی، 11/ جون (ایس او نیوز /ایجنسی) این ڈی اے اتحاد کے لیڈران ، جن میں اسمرتی ایرانی اور انوراگ ٹھاکر بھی شامل ہیں، کو اتوار کو وزیر اعظم مودی کی نئی کابینہ سے بے دخل کیا گیا ہے۔ خیال رہے کہ اسمرتی ایرانی اترپردیش کے امیٹھی لوک سبھا حلقے سے بی جے پی امیدوار تھیں ۔ تاہم ، ۴؍ جون کو لوک سبھا انتخابات کے رزلٹ کے دن وہ کانگریس کے لیڈر کشوری لال شرما سے ۶۷ء۱؍ لاکھ ووٹوں سےہار گئی تھیں۔ اتوار کو وزیر اعظم نریندر مودی نے نئی دہلی کے راجشٹرپتی بھون میں تیسری مرتبہ بطور وزیراعظم حلف لیا ہے۔

مودی کے ساتھ ان کی کابینہ کے ۷۲؍ ممبران کو بھی صدر جمہوریہ دروپدی مرمو نے حلف دلایا ہے۔ اس کاؤنسل میں ۳۰؍ کابینی وزیر، ۵؍ ریاستی وزرائے مملکت(آزادانہ چارچ) اور پانچ وزرائے مملکت نے حلف لیا ہے۔  مودی کی نئی کابینہ میں ۱۹؍ وزراء جن میں امیت شاہ، راجناتھ سنگھ، نرملا رسیتارمن ، نتن گڈکری ، ایس جے شنکر اور دیگر شامل ہیں۔ تاہم، دیگر وزراء جنہیں اپنے عہدوں پر برقرار رکھا گیا ہے میں، پیوش گوئل ، ہردیپ سنگھ پوری، مانسکھ مانڈویا، اشوینی ویشنو، دھرمیندر پردھان، جیوترادتیہ سندھیا،پرلہاد جوشی، وریندر کمار، گری راج سنگھ، گجیندر سنگھ شیکھوت، کرین رجیجو، بسربانند سونووال، بھپیندر یادو اور جے کشن ریڈی شامل ہیں۔ 

جن لوگوں کو اپنے عہدوں سے ہٹایا گیا ہے، ان میں ارجن منڈا(وزیر برائے قبائیلی معاملات، زراعت اور کسانوں کی فلاح و بہود )، پرشوتم روپالا(وزیر برائے ماہی گیری، مویشی پالن اور شیر خانہ) اور وزیر برائے اور نارائن ٹاٹو رانے (مائیکرو، چھوٹے اور درمیانے درجے کے کاروباری اداروں)بھی شامل ہیں۔ 

خیال رہے کہ اسمرتی ایرانی وزیر برائے خواتین و اطفال فلاح و بہود اور اقلیتی معاملات تھیں۔ تاہم، انوراگ ٹھاکر وزیر برائے انفارمیشن اور بروڈکاسٹنگ اور یوتھ افیئرز تھے۔راج کمار سنگھ وزیر برائے بجلی اور نئی اور قابل تجدید توانائی تھےاور مہیندر ناتھ پانڈے وزیر برائے ہیوی انڈسٹریزکو بھی مودی کی نئی کابینہ سے بے دخل کیا گیا ہے۔ خیال رہے کہ ۷؍ وزراؤں میں سے اسمرتی ایرانی اور راج کمار سنگھ لوک سبھا انتخابات ہار گئے ہیں۔ 

۴۲؍ وزرائے مملکت میں سے ۳۰؍ کو بے دخل کیا گیا ہے جن میں راجیو چندرشیکھر(جو منسٹری آف اسکل ڈیولپمنٹ میں وزیر مملکت تھے) اور وزارت داخلہ میں وزیر مملکت وی کے سنگھ بھی شامل ہیں۔خیال رہے کہ بی جے پی کے لیڈر راجیو چندرشیکھر تروننت پورم لوک سبھا حلقے سے ہار گئے تھے جبکہ ان کے مدمقابل کانگریس کے لیڈر ششی تھرور الیکشن جیت گئے تھے۔ 

بی جے پی کے چیف جے پی نڈا دوبارہ یونین کاؤنسل آف منسٹرز میں واپس لوٹیں گےجبکہ جے پی نڈا مودی کے پہلے دور اقتدار میں یونین ہیلتھ منسٹر تھے جبکہ دوسری کابینہ میں وہ مودی کابینہ کا حصہ نہیں تھے۔ یاد رہے کہ بی جے پی نے ۴؍ جون کو ۲۴۰؍ سیٹوں سے الیکشن میں فتح حاصل کی تھی۔ بی جے پی اکثریت حاصل نہیں کر سکی تھی اس لئےاس نے اپنے حامیوں کے ساتھ حکومت بنانے کا فیصلہ کیا تھا۔ تاہم این ڈی اے نے ۲۹۲ء سیٹیں حاصل کی تھیں۔

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...