منگلورو،8 / فروری (ایس او نیوز) سورتکل میں موکا پٹرول پمپ کے قریب پیش آئے ایک درد ناک حادثے میں دوپہیہ گاڑی پر اپنے والد کے ساتھ اسکوٹی پر اسکول سے گھر واپس لوٹتی ہوئی آٹھویں جماعت کی طالبہ کو ٹرک نے کچل ڈالا جبکہ بچی کا والد شدید زخمی ہوگیا۔ 
    
بتایا جاتا ہے کہ ٹرک نے اسکوٹی کو پیچھے سے ٹکر ماری جس کی وجہ سے مانوی (14 سال) سڑک پر گر گئی اور ٹرک کاپہئیہ اس کے اوپر سے گزر گیا جس کے نتیجے میں موقع پر ہی بچی کی موت واقع ہوگئی۔ موقع پر موجود افراد کا کہنا ہے کہ ٹرک ڈرائیور نشے میں تھا اسی وجہ سے یہ حادثہ ہوا ہے۔ حادثے کے بعد ٹرک روکے بغیر ڈرائیور نے فرار ہونے کی کوشش کی تو وہاں پر موجود لوگوں نے اس کو پکڑ لیا اور سورتکل پولیس کے حوالے کیا۔ 
    
منگلورو نارتھ ٹریفک پولیس اور سورتکل پولیس کے عملے  اور افسران نے حادثے کے مقام پر پہنچ کر معائنہ کیا اور کیس درج کر لیا۔