بھٹکل میں رابطہ کی جانب سے منعقدہ UPSC ورکشاپ کے بعد لئے گئے ٹیسٹ میں سات طلبہ کو ملی کامیابی؛ 18/اپریل کو ہوگا تمام طلبہ کے لئے گیٹ ٹوگیدر

Source: S.O. News Service | By I.G. Bhatkali | Published on 1st April 2024, 1:35 AM | ساحلی خبریں |

بھٹکل 31/مارچ (ایس او نیوز) رابطہ سوسائٹی میں 11اور 12 فروری کو منعقدہ  UPSC  ورکشاپ کے آخری دن لئے گئے ٹیسٹ میں سات طلبہ نے کامیابی درج کی ہے اور اپنی قابلیت کا لوہا منوانے میں کامیاب ہوگئے ہیں۔ اس بات کی اطلاع رابطہ سوسائٹی کے جنرل سکریٹری جناب عتیق الرحمن منیری نے دی۔

رابطہ میٹنگ ہال میں منعقدہ پریس کانفرنس سے خطاب کرتے ہوئے انہوں نے بتایا کہ ورکشاپ میں شریک 47  بچوں نے پہلی مرتبہ UPSC کے تحریری ٹیسٹ میں حصہ لیا تھا اور اس ٹیسٹ میں کامیابی کا معیار کم ازکم 75 فیصدی مارکس حاصل کرنا تھا، اس میں سات طلبہ کامیاب ہوئے ہیں۔ کامیاب ہونے والوں کے نام اس طرح ہیں:  عبدالصدیق ابن محمد مسعود صدیق، سید عبدالمنّان ابن سید احمد انصارایس ایم، سید معاوز ابن سید مزمل برماور، عبداللہ صعیم ابن ظفراللہ مصباح، محمد جشیر ابن محمد امتیاز جمشید، احمد بلال ابن بلال تمبوری  اور  معاویہ ابن محمد ادریس محتشم۔ انہوں نے بتایا کہ کامیاب ہونے والے سبھی طلبہ  انجمن کالج  میں زیر تعلیم ہیں۔

کامیاب ہونے والوں کو  یو پی ایس سی میں آگے بڑھانے اور مزید طلبہ کو  یو پی ایس سی امتحانات  کی دلچسپی پیدا کرنے اور اُنہیں رغبت پیدا کرنے کے مقصد سے اب رابطہ سوسائٹی کی جانب سے  عیدالفطر کے فوراً بعد18 /اپریل بروز جمعرا ت  بعد نماز عشاء  یو پی ایس سی میں دلچسپی رکھنے والے طلبہ کےلئے ایک عید ملن پروگرام منعقد کیا جارہا ہے  ۔ جناب منیری صاحب  نے اُن تمام طلبہ سے درخواست کی کہ وہ اس عیدملن یا گیٹ ٹوگیدر پروگرام میں شریک ہوں جنہوں نے یو پی ایس سی ورکشاپ میں حصہ لیا تھا، ساتھ ساتھ اس ورکشاپ میں وہ طلبہ بھی شریک ہوسکتے ہیں جو کسی وجہ سے ورکشاپ میں شامل نہیں ہوسکے تھے، مگر یو پی ایس سی امتحان دینے  میں دلچسپی رکھتے ہیں۔

گیٹ ٹوگیدر میں  عشائیہ کے بعد یو پی ایس سی امتحان میں شریک ہونے والوں  کے لئے   آئندہ کے لائحہ عمل پر گفتگو کی جائے گی اور اس میدان میں بچوں کو کس طرح آگے بڑھانا ہے،اس تعلق سے  ضروری گائیڈنس دی  جائے گی۔ جناب منیری نے بتایا کہ بھٹکل مسلم خلیج کونسل کا  روز اول سے یہ تخیل ہے کہ  طلبہ کو یو پی ایس سی امتحانات کی طرف توجہ دلائی جائے  اُنہیں اس میدان میں آگے بڑھنے کی طرف رغبت دلانے کے ساتھ اُن کی رہنمائی کی جائے اور ان کی ہمت افزائی کرتے ہوئے ہرممکن تعاون فراہم کیا جائے۔

 

 

 

 

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔