سپریم کورٹ نے امانت اللہ کی پیشگی ضمانت کی درخواست مسترد کردیا

Source: S.O. News Service | Published on 16th April 2024, 12:08 PM | ملکی خبریں |

نئی دہلی،16/اپریل (ایس او نیوز/ایجنسی) دہلی کے عام آدمی پارٹی کے ایم ایل اے امانت اللہ خان کو پیر (15 اپریل 2024) کو سپریم کورٹ سے بڑا جھٹکا لگا ہے۔ سپریم کورٹ نے وقف بورڈ گھوٹالے سے متعلق معاملے میں امانت اللہ کو ای ڈی کے سامنے پیش ہونے کو کہا ہے۔ سپریم کورٹ نے پیشگی ضمانت کی مانگ کو مسترد کرتے ہوئے کہا کہ اگر ای ڈی کے پاس گرفتاری کے لائق مواد ہے تو وہ ایم ایل اے کو گرفتار کر سکتی ہے۔سپریم کورٹ نے امانت اللہ خان کو 18 اپریل کو ای ڈی کے سامنے پیش ہونے کو کہا ہے۔

اس سے قبل دہلی ہائی کورٹ نے بھی امانت اللہ کو گرفتاری سے راحت دینے سے انکار کر دیا تھا۔ تب ہائی کورٹ نے کہا تھا کہ ای ڈی کی طرف سے چھ سمن بھیجے جانے کے باوجود وہ حاضر نہیں ہوئے۔ وہ ایم ایل اے ہونے کی بنیاد پر چھوٹ کی توقع نہیں کر سکتے۔ قانون سب کے لیے برابر ہے۔اوکھلا اسمبلی سیٹ سے اے اے پی ایم ایل اے امانت اللہ خان پر جس کیس میں گرفتاری کی تلوار لٹک رہی ہے وہ 2018-2022 کے درمیان کا ہے۔ ای ڈی کا کہنا ہے کہ ایم ایل اے نے 2018-2022 کے دوران ملازمین کی غیر قانونی بھرتی اور وقف بورڈ کی جائیدادوں کو غلط لیز پر دے کر ذاتی فائدہ اٹھایا۔

چھاپے کے دوران اس معاملے میں کئی شواہد بھی ملے۔ یہ شواہد امانت اللہ کے منی لانڈرنگ کے جرم میں ملوث ہونے کی نشاندہی کرتے ہیں۔ جب یہ کارروائی ہوئی تو امانت اللہ خان وقف بورڈ کے چیئرمین تھے۔حال ہی میں، ای ڈی نے راؤز ایونیو کورٹ میں ایک درخواست دائر کی تھی جس میں کہا گیا تھا کہ عام آدمی پارٹی کے لیڈر امانت اللہ خان ای ڈی کے 6 سمن کے بعد بھی تفتیشی افسر کے سامنے پیش نہیں ہو رہے ہیں۔

دہلی ہائی کورٹ نے 11 مارچ 2024 کو اس کیس کی سماعت کرتے ہوئے امانت اللہ خان کو راحت نہیں دی۔ عدالت نے کہا تھا کہ ای ڈی کی طرف سے بار بار بھیجے گئے سمن کو نظر انداز کرنا غلط ہے۔ عدالت نے امانت اللہ کی ضمانت قبل از گرفتاری سے بھی انکار کر دیا تھا۔ ہائی کورٹ نے کہا تھا کہ ایم ایل اے کو معلوم ہونا چاہیے کہ اگر وہ قانون کی خلاف ورزی کرتے ہیں تو قانونی کارروائی کی جائے گی کیونکہ قانون کی نظر میں تمام شہری برابر ہیں۔ اس فیصلے کو امانت اللہ نے سپریم کورٹ میں چیلنج کیا تھا۔

ایک نظر اس پر بھی

ہیمنت سورین کو فی الحال سپریم کورٹ سے نہیں ملی راحت، عبوری ضمانت کی درخواست پر سماعت ملتوی

جھارکھنڈ کے سابق وزیر اعلیٰ ہیمنت سورین کو جمعہ کو سپریم کورٹ سے راحت نہیں مل سکی۔ سورین نے ای ڈی کی کارروائی اور گرفتاری کے خلاف درخواست دائر کی ہے۔ انہوں نے انتخابی تشہیر کے لئے عبوری ضمانت کے لئے بھی درخواست دائر کی ہے لیکن جسٹس سنجیو کھنہ اور جسٹس دیپانکر دتہ کی بنچ نے کہا ...

امیٹھی میں ’سلینڈر‘ والے لوگ اب ’سرینڈر‘ کر رہے ہیں؛ اسمرتی ایرانی پر اکھلیش یادو کی سخت تنقید

سماجوادی پارٹی کے لیڈر اکھلیش یادو نے امیٹھی لوک سبھا حلقہ سے کانگریس امیدوار کشوری لال شرما کے حق میں انتخابی مہم چلائی۔ اس دوران انہوں نے بھارتیہ جنتا پارٹی کی امیدوار اور مرکزی وزیر اسمرتی ایرانی پر سخت تنقید کی۔ انہوں نے کہا کہ امیٹھی میں ’سلینڈر‘ والے لوگ اب ’سرینڈر‘ ...

انڈیا الائنس کی حکومت بننے کے بعد اگنی ویر اسکیم کو کوڑے دان میں پھینک دیا جائے گا: راہل گاندھی

کانگریس لیڈر راہل گاندھی نے کہا ہے کہ مرکز میں انڈیا الائنس کی حکومت بننے کے بعد اگنی ویر اسکیم کو کوڑے دان میں میں پھینک دیا جائے گا۔ شہید کی ایک ہی قسم ہوگی اور سب کو پینش ملےگی۔ وہ اتر پردیش کی امیٹھی لوک سبھا حلقے میں ایک انتخابی جلسہ عام سے خطاب کر رہے تھے۔ انہوں نے کہا کہ ...

سواتی مالیوال معاملے کو آپ‘ نےجھوٹ اور سازش قرار دیا

  عام آدمی پارٹی کی رکن پارلیمان سواتی مالیوال کی جانب سے  کیجریوال کے پرسنل سیکریٹری ویبھوکے خلاف مبینہ بدسلوکی اور تشدد کی شکایت درج کرانے کے بعد دہلی پولیس نے تفتیش شروع کردی ہے۔ دہلی پولیس نےجمعرات کو سواتی کا میڈیکل چیک اپ کروایا اور جمعہ کو انہیں  لے کر کیجریوال کے گھر ...

کپل سبل سپریم کورٹ بار ایسوسی ایشن کے صدر منتخب

سینئر وکیل کپل سبل سپریم کورٹ بار ایسوسی ایشن کے صدر منتخب ہو گئے ہیں ۔ جمعرات16 مئی یعنی گزشتہ روز  کو ہونے والے انتخابات میں کپل سبل کو 1066 ووٹ ملے جبکہ  ان کے قریب ترین حریف سینئر وکیل پردیپ رائے تھے، جنھیں 689 ووٹ ملے۔ کپل سبل نے دو دہائیوں کے بعد یہ الیکشن لڑا تھا۔ اس سے پہلے ...

آئندہ 15 اگست تک 30 لاکھ آسامیوں پر بھرتی شروع کریں گے: راہل گاندھی

کانگریس کے سینئر رہنما راہل گاندھی نے کہا ہے کہ ناانصافی کو ختم کرنے کے لیے ہر ایک ووٹ ضروری ہے۔ انہوں نے مزید کہا کہ اگر مرکز میں انڈیا اتحاد کی مخلوط حکومت بنتی ہے تو 15 اگست تک 30 لاکھ آسامیوں پر بھرتی شروع کردی جائے گی۔