انڈیا الائنس کی حکومت بننے کے بعد اگنی ویر اسکیم کو کوڑے دان میں پھینک دیا جائے گا: راہل گاندھی

Source: S.O. News Service | Published on 18th May 2024, 11:29 AM | ملکی خبریں |

نئی دہلی، 18/مئی (ایس او نیوز /ایجنسی) کانگریس لیڈر راہل گاندھی نے کہا ہے کہ مرکز میں انڈیا الائنس کی حکومت بننے کے بعد اگنی ویر اسکیم کو کوڑے دان میں میں پھینک دیا جائے گا۔ شہید کی ایک ہی قسم ہوگی اور سب کو پینش ملےگی۔ وہ اتر پردیش کی امیٹھی لوک سبھا حلقے میں ایک انتخابی جلسہ عام سے خطاب کر رہے تھے۔ انہوں نے کہا کہ میں 42 سال پہلے جب پہلی بارامیٹھی آیا تھا تو اس وقت 12 سال کا بچہ تھا۔ میں اپنے والد کے ساتھ یہاں آیا تھا۔ میں نے سیاست میں جو کچھ سیکھا ہے امیٹھی کے لوگوں نے مجھے سکھایا ہے۔

کانگریس کے لیڈر نے جلسہ عام سے خطاب کرتے ہوئے کہا کہ میں نے اپنے والد اور امیٹھی کے درمیان محبت بھرے رشتے کو اپنی آنکھوں سے دیکھا ہے۔ میری بھی ایسی ہی سیاست ہے۔ میں امیٹھی سے تھا، امیٹھی سے ہوں اور امیٹھی سے ہی رہوں گا۔ راہل گاندھی نے مزید کہا کہ آج کل مودی گودی میڈیا والوں کو بہت انٹرویو دے رہے ہیں۔ یہ (گودی میڈیا والے) نریندر مودی کے ہیں، ہمارے نہیں ہیں۔ یہ کسانوں اور مزدوروں کی بات نہیں کرتے ہیں۔ راہل گاندھی نے کہا کہ انٹرویو میں جب مودی جی سے پوچھا گیا کہ ایسا کیوں ہے کہ ہندوستان میں امیر لوگ امیر تر ہوتے جارہے ہیں اورغریب لوگ مزید غریب ہوتے جارہے ہیں، تو نریندر مودی نہایت متکبرانہ انداز میں پوچھتے ہیں کہ کیا سب کو ایک جیسے بنا دینا چاہئے؟ راہل گاندھی نے کہا کہ مودی چاہتے ہیں کہ ملک میں 22-25 لوگ امیر رہیں اور بقیہ سب غریب رہیں۔

کانگریس کے لیڈر نے کہا کہ 4 جولائی تک 8500 روپے بینک اکاؤنٹ میں جمع کرائے جائیں گے۔ اگر میڈیا نے زیادہ بولا تو سال کا 2 لاکھ روپئے کر دیں گے۔ راہل گاندھی نے کہا کہ مودی جی نے فوڈ پارک اور ٹریپل آئی ٹی چھین لی۔ ہم نے ہر کونے میں قومی شاہراہوں کا جال پھیلایا۔ اگر مرکز میں انڈیا الائنس کی حکومت بنتی ہے تو یہاں پر فوڈ پارک بنایا جائے گا۔ راہل گاندھی نے کہا کہ حکومت بنتے ہی اگنی ویر اسکیم کو اٹھا کر کوڑے دان میں پھینک دیا جائے گا۔ شہید کی ایک ہی قسم ہوگی اور سب کو پنشن ملے گی، سب کو عزت ملے گی، سب کو تمغہ ملے گا۔ انہوں نے کہا کہ فوج کو اگنی ویرنہیں چاہئے تھا، اڈانی کی مدد کرنے کے لیے مودی نے اگنی ویر کو فوج پر تھوپا ہے۔ ہم اگنی ویر اسکیم کو ختم کریں گے۔ انہوں نے کہا کہ مودی جی نے امیٹھی کے لاکھوں نوجوانوں کو بے روزگار کر دیا ہے۔

کانگریس لیڈر راہل گاندھی نے امیٹھی کے کانگریس کے امیدوار کے ایل شرما کے لیے انتخابی مہم چلاتے ہوئے کہا کہ وہ 40 سال سے آپ کے لیے کام کر رہے ہیں۔ ان کے ساتھ والد صاحب نے 150 کوآرڈینیٹر بنائے تھے۔ کشوری جی نے امیٹھی میں کام کیا، آپ کے لیے کام کیا۔ اگر آپ دیگر کوآرڈینیٹروں کو دیکھیں تو کچھ پی سی سی صدر بنے، کوئی وزیر بنا، کوئی ایم ایل اے بنا لیکن کشوری جی نے 40 سال امیٹھی کی عوام کو دیئے۔ انہوں نے آپ کے لیے اپنا سیاسی کیریئر قربان کر دیا۔ راہل گاندھی نے کہا کہ اگرچہ میں رائے بریلی کا ایم پی بنوں گا لیکن جو کچھ رائے بریلی کے لیے ہوگا وہ امیٹھی کے لیے بھی ہوگا۔ اگر رابریلی میں 10 روپے آئے گا تو وہ روپیہ امیٹھی میں بھی آئے گا۔ میں دل سے جڑا ہوں، میں آپ کا ہوں۔

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...