برطانیہ میں نئی کابینہ کی تشکیل، ریچل ریوز پہلی خاتون وزیر خزانہ بن گئیں، ہندوستانی نژاد لیسا نندی کو وزیر ثقافت بنایاگیا

Source: S.O. News Service | Published on 7th July 2024, 1:31 PM | عالمی خبریں |

لندن، 7/جولائی (ایس او نیوز /ایجنسی) نو منتخب برطانوی وزیر اعظم کئیر اسٹارمر نے سنیچر کو اپنی کابینہ کو حتمی شکل دینا شروع کردیا جس کے تحت انہوں  نے ریچل ریوز کو وزارت خزانہ دینے کافیصلہ کیا ہے وہ برطانیہ کی پہلی خاتون وزیر خزانہ ہوں گی۔ ان کے علاوہ ہندوستانی نژاد لیڈر لیسا نندی کو وزارت ثقافت کا قلمدان سونپا گیاہے۔ اس کے ساتھ ہی اینجلا رائینر کو نائب وزیر اعظم کا عہدہ سونپ دیا گیا ہے جبکہ ڈیوڈ لیمے برطانیہ کے نئے وزیر خارجہ ہوں گے۔ جان ہیلے کووزیر دفاع مقرر کیا گیا ہے جبکہ پاکستانی نژاد شبانہ محمود کو وزیر انصاف بنا یا گیاہے۔ یوویٹ کُوپر برطانیہ کے نئے وزیر داخلہ ہوں گی، بریجٹ فلپسن کو وزیر تعلیم اور ویس اسٹریٹنگ کو وزیر صحت مقرر کیا گیا ہے۔ نئی کابینہ میں ایڈ ملی بینڈ کو وزارتِ توانائی سونپی گئی ہے۔ برطانیہ کے نئے وزیر خارجہ ڈیوڈ لیمے نے بطور وزیر اپنے ابتدائی بیان میں غزہ میں فوری جنگ بندی کی کوششوں کی حمایت کا اعلان کیا ہے۔ 

واضح رہے کہ برطانیہ کے عام انتخابات میں کامیابی کے بعد شاہ چارلس کی جانب سے لیبر لیڈر کئیر اسٹارمر کو حکومت بنانے کی دعوت دیدی گئی ہے۔ عام انتخابات میں کنزرویٹو پارٹی ۱۲۱؍  سیٹوں  پر سمٹ گئی ہے جبکہ لیبر پارٹی کو ۴۷۱؍ نشستوں پر کامیابی ملی ہے۔ برطانیہ میں  حکومت سازی کیلئے ۶۵۰؍رکنی ایوان نمائندگان میں۳۲۶؍سیٹوں پر کامیابی کی ضرورت ہوتی ہے۔ 

وزیر اعظم اور سربراہ لیبرپارٹی کیئر اسٹارمر کی جانب سے وزارت عظمیٰ کا منصب سنبھالنے کے بعد پہلا بڑا فیصلہروانڈا منصوبہ ترک کرنے کا آیا ہے۔ برطانوی میڈیا کا کہنا ہے کہ وزیراعظم کئیر اسٹامر نے روانڈا منصوبے کو ختم کردیا ہے جو ٹوری حکومت نے تیار کیاتھا۔ اس کے تحت تارکین وطن کو روانڈا ڈی پورٹ کیا جانا تھا۔ 

 برطانوی میڈیا کے مطابق روانڈا اسکیم بورس جانسن نے شروع کی تھی جسے لزٹرس اور رشی سونک نے جاری رکھا۔ برطانیہ روانڈا اسکیم پر۲۷۰؍ ملین پاؤنڈز خرچ کرچکا ہے۔ اب لیبر حکومت نے نیا بارڈر سیکریٹی کنٹرول سسٹم متعارف کرانے کا اعلان کیا ہے۔ جمعہ کو کامیابی حاصل کرنے کے بعد لیبرپارٹی کے سربراہ کیئر اسٹارمر نے اعلان کیاتھا کہ عوام نے ووٹ دیکر صورتحال بدل دی ہے۔ انہوں  نے اعتراف کیا کہ ’’اتنے بڑے مینڈیٹ کے ساتھ بڑی ذمہ داری بھی عوام نے دی ہے، ووٹرز نے تبدیلی کے لئے ووٹ دیا۔ ‘‘ اُنہو ں نے کہا کہ’’ہم تبدیلی لانے کیلئے فوری اقدامات کرینگے۔ ‘‘ کیئر اسٹارمر کا کہنا تھا کہ لیبرپارٹی بدل چکی ہے یہ طرز عمل ہماری حکومت میں بھی نظر آئیگا، ہم عوام کی امیدوں پر پورا اترنے کی کوشش کریں گے۔ ‘‘

 برطانیہ کے نو منتخب وزیراعظم کئیر اسٹارمر نے۴۵؍ سالہ ریچل ریوز کو ملک کا وزیر خزانہ مقرر کیا ہے۔ شطرنج کی چائلڈ چیمپئن اور بینک آف انگلینڈ کی اکانومسٹ ریچل ریوز برطانوی سیاسی تاریخ میں پہلی خاتون وزیر خزانہ ہیں۔ 

  ریچل ریوز کے والدین ٹیچر تھے اور ریچل ریوز نے صرف۱۴؍ برس کی عمر میں برطانیہ کی شطرنج چیمپئن بننے کا اعزاز اپنےنام کیا تھا۔ انہوں نے آکسفورڈ یونیورسٹی سے فلاسفی، سیاسیات اور معیشت میں تعلیم حاصل کی اور پھر لندن اسکول آف اکنامکس سے ماسٹرز کی ڈگری مکمل کی۔ گریجویشن کی تعلیم مکمل کرنے کے بعد ریچل ریوز نے ایک دہائی تک بینک آف انگلینڈ میں بطور اکنامسٹ خدمات انجام دی ہیں۔ 

  برطانیہ کے نئے وزیر خارجہ ڈیوڈ لیمے نے بطور وزیر اپنے ابتدائی بیان میں غزہ میں فوری جنگ بندی کی کوششوں کی حمایت کا اعلان کیا ہے۔ ان کا یہ بیان جمعہ کے روز سامنے آیا ہے۔ واضح  رہے کہ لیبر پارٹی نے پارلیمانی الیکشن میں  غیر معمولی کامیابی حاصل کی ہے مگر اسرائیل کی حمایت کی وجہ سے اسے مسلم اکثریتی حلقوں  میں   نقصان اٹھانا پرا ہے۔ پارٹی ۵؍ مسلم اکثریتی حلقوں   میں  سے ۴؍ میں  آزاد امیدوار سے ہار گئی جبکہ ایک میں  آزاد امیدوار کو ملنے والے ووٹوں کی وجہ سے کنزروٹیوپارٹی کو کامیابی ملی ہے۔ 

ایک نظر اس پر بھی

فسادات زدہ بنگلہ دیش سے تقریباً 1000 ہندوستانی طلباء کی وطن واپسی

بنگلہ دیش میں کوٹہ سسٹم کے خلاف جاری طلباء کے احتجاج کی وجہ سے حالات بدستور تشویشناک ہے۔ صورتحال کی سنگینی کو دیکھتے ہوئے تقریباً 1000 ہندوستانی طلباء وہاں سے ہندوستان واپس آ گئے ہیں۔ وزارت خارجہ نے ہفتے کے روز کہا کہ اس نے ہندوستانی شہریوں کی واپسی کے لیے تمام انتظامات کئے۔ ...

بنگلہ دیش کوٹہ سسٹم احتجاج: 100 سے زائد افراد ہلاک، 2500 زخمی، ملک بھر میں کرفیو، سڑکوں پر فوج کا پہرہ

بنگلہ دیش میں سرکاری ملازمتوں میں کوٹہ سسٹم کے خاتمے کا مطالبہ کرتے ہوئے طلباء کا پرتشدد احتجاج جاری ہے۔ چند ہفتے قبل ملک بھر میں شروع ہونے والی پرتشدد جھڑپوں میں اب تک 105 افراد ہلاک ہو چکے ہیں۔

نیپال لینڈ سلائڈنگ حادثہ: اب تک 4 ہندوستانیوں سمیت 19 افراد کی لاشیں برآمد، راحت و بچاؤ کاری کا عمل جاری

گزشتہ ہفتہ نیپال کے چتون ضلع میں لینڈ سلائڈنگ کے بعد دو بسیں طغیانی مارتی ہوئی ندی میں بہہ گئی تھیں جس میں سوار لوگوں کی لاشیں برآمد ہونے کا سلسلہ جاری ہے۔ دراصل لینڈ سلائڈنگ کے بعد تباہی جیسے حالات پیدا ہو گئے ہیں اور فوجیوں کو راحت و بچاؤ کاری میں کافی دقتیں پیش آ رہی ہیں۔ ...

بنگلہ دیش: ملازمتوں میں ریزرویشن کے خلاف پرتشدد مظاہرے، 6 افراد ہلاک، 100 سے زیادہ زخمی

  بنگلہ دیش میں سرکاری ملازمتوں میں ریزرویشن کے خلاف بڑے پیمانے پر پرتشدد مظاہرے ہو رہے ہیں اور ہزاروں طلبا کوٹہ سسٹم کے خاتمے کا مطالبہ کرتے ہوئے سڑکوں پر نکل رہے ہیں۔ رپورٹ کے مطابق مظاہروں کے دوران پولیس کے ساتھ جھڑپوں میں 6 افراد ہلاک ہو گئے ہیں، جبکہ 100 سے زائد مظاہرین کے ...