پتور میں پڑوسی نے زیر تعمیر مکان ڈھا دیا - اہل خانہ ہوگئے بے گھر 

Source: S.O. News Service | Published on 10th June 2024, 12:32 PM | ساحلی خبریں |

پتور،  10 / جون (ایس او نیوز) اپن انگڈی کے قریب 34 نیکیلاڈی نامی گاوں میں سرکاری زمین پر اپنا مکان تعمیر کرنے کی کوشش میں مصروف مامتا نامی خاتون نے الزام لگایا ہے کہ اس کے پڑوسی نے اس کا زیر تعمیر مکان ڈھا دیا ہے جس کی وجہ سے وہ لوگ بے گھر ہوگئے ہیں ۔
    
مامتا کا کہنا ہے کہ ا سکا شوہر پتور میونسپالٹی کے واٹر پمپنگ اسٹیشن میں ملازم تھا جسے اب برطرف کر دیا گیا ہے اور سرکاری کوارٹرس کو خالی کرنے کے لئے کہا گیا ہے ۔ اس سے پہلے انہوں نے سرکاری زمین پر اپنے لئے ذاتی گھر تعمیر کرنے کے مقصد ایک شیڈ بنایا تھا جسے توڑ کر اب پوری طرح گھر میں تبدیل کیا جا رہا تھا ، لیکن بالاچندرا گوڈا نامی شخص نے ان کا یہ گھر ڈھا دیا جس کی وجہ سے ان کے اہل خانہ اب پوری طرح بے گھری کا شکار ہو گئے ہیں ۔
    
مقامی لوگوں کا کہنا ہے کہ اگر سرکاری زمین پر ناجائز قبضے کا معاملہ ہے تو اس کے لئے متعلقہ سرکاری محکمہ اور افسران کو کارروائی کرنا چاہیے ۔ کسی مالدار آدمی کی جانب سے ایک غریب خاندان کے خلاف زور زبردستی کسی بھی طرح درست نہیں ہے ۔ 
    
34 نیکیلاڈی گرام پنچایت کے رکن پرشانت کا کہنا ہے کہ "تقریباً مکمل ہو چکے ایک گھر کو گرانا پوری طرح غیر انسانی حرکت ہے ۔ ریوینیو ڈپارٹمنٹ کو اس کی تحقیق کرنی چاہیے اور اس معاملے کے ذمہ دار شخص کے خلاف کارروائی کرنی چاہیے ۔
    
مامتا نے اس ضمن میں اپن انگڈی پولیس اسٹیشن میں شکایت درج کروائی ہے ۔ 

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔