کرناٹک کے وجے پورا کے ایک پلانٹ میں پروسیسنگ یونٹ منہدم؛ سات مزدوروں کی موت؛ سترہ گھنٹوں کے آپریشن کے بعد نعشیں برآمد

Source: S.O. News Service | By I.G. Bhatkali | Published on 6th December 2023, 12:02 AM | ریاستی خبریں |

وجئے پورہ 5/ ڈسمبر(ایس او نیوز):ریاست کرناٹک کے وجئے پورا کے راجا گرو انڈسٹریز کے گودام میں فوڈ پروسیسنگ یونٹ میں کام کرنے کے دوران اچانک قریب 11 کارکنوں پر مکئی کی بوریاں گر گئیں، جس میں دب کر سات مزدورہلاک ہوگئے۔ ریاستی ڈیزاسٹر ریسپاونس فورس کے اہلکاروں نے سترہ گھنٹوں کے مسلسل آپریشن کے بعد تمام مزدوروں کی نعشیں باہر نکالیں۔ 

ذرائع سے ملی اطلاع کے مطابق وجئے پورشہرکے مضافات میں ایک صنعتی علاقے میں واقع راج گرو فوڈ انڈسٹریز میں مکئی کی پروسیسنگ یونٹ میں روزانہ سینکڑوں مزدور کام کرتے ہیں۔ ان میں زیادہ تر بہار کے مہاجر مزدور ہیں۔ کل (پیر) کی شام اس یونٹ میں اچانک تکنیکی خرابی پیدا ہوگئی۔ جس کی وجہ سے مکئی پروسیسنگ یونٹ منہدم ہو گیا۔ جس کے نتیجے میں کم از کم گیارہ مزدور اس کے نیچے دب گئے۔

معاملے کی اطلاع ملتے ہی ضلع انتظامیہ حرکت میں آگئی۔ فائر بریگیڈ اور پولیس اہلکاروں نےابتداء میں ہی تین مزدوروں کو بچالیا اورعلاج کے لیے نجی اسپتال لے گئے۔ کچھ دیر بعد ایک اور مزدور کو بچا لیا گیا۔ معلوم ہوا ہے کہ اس کی حالت تشویشناک ہے۔ رات کے وقت ریاستی ڈیزاسٹر رسپانس فورس سمیت مختلف ٹیموں کے ذریعہ بچاؤ کا کام  شروع کیا گیا۔ رات گئے ایک مزدور کی لاش برآمد ہوئی۔

اس موقع پر باقی سینکڑوں مزدوروں نے انصاف دلانے اور مہلوکین کے ورثاء کومناسب معاوضہ دینے کا مطالبہ کرتے ہوئے احتجاج کیا جس کی وجہ سے کچھ دیر کے لئے حالات کشیدہ ہوگئے۔

ضلع انچارج وزیر ایم بی پاٹل جو بیلگام اجلاس میں گئےتھے حادثے کی اطلاع ملتے ہی بیلگام سے وجئے پور پہنچے اوریونٹ کا معائنہ کیا اور مزدوروں کو مناسب معاوضہ فراہم کرنے کا وعدہ کیا۔ اس یقین دہانی کے بعد مزدوروں نےاپنا احتجاج واپس لے لیا۔

پیر رات سے آج منگل تک مسلسل ریسکیو آپریشن جاری رہا اس دوران آج (منگل) پونے سے این ڈی آر ایف کی ٹیم بھی جائے حادثہ پر پہنچ گئی جس کے بعد بچاؤ آپریشن میں تیزی آئی۔ سترہ گھنٹوں کے آپریشن کے بعد یونٹ کے نیچے پھنسے مزدوروں کی لاشوں کو نکال کر پوسٹ مارٹم کے لیے ڈسٹرکٹ ہسپتال کے مردہ خانے بھجوا دیا گیا۔  

اس واردات کے تعلق سے اخبارنویسوں سے گفتگو کرتے ہوئے ضلع سپرنٹنڈنٹ آف پولیس رشی کیش سوناونے نے کہا کہ وہ راج گرو فوڈ کے مالک اور سپروائزر کے خلاف مقدمہ درج کریں گے۔

حادثے میں بہار کے جن سات کارکنوں کی موت واقع ہوئی ہے اُن کی شناخت راجیش مکھیا (25)، رامریز مکھیا (29)، شمبو مکھیا (26)، رام بالک (38)، لوکھوجادھو (56)، کشن کمار (20)، دلان مکھیا (40) کے طور پرکی گئی  ہے۔

وجئے پورا کے ڈپٹی کمشنر ٹی بھوبالن نے بتایا کہ پوسٹ مارٹم کے بعد میتوں کو ان کے آبائی علاقوں میں پہنچانے کے انتظامات کیے جائیں گے اور اس حادثہ کے ذمہ داروں کے خلاف کارروائی کی جائے گی اسی کے ساتھ انہوں نے یہ بھی بتایا کہ حکومت کی ہدایات کے مطابق متوفی مزدوروں کے لواحقین کو مناسب انصاف اور معاوضہ فراہم کیا جائے گا۔

اس موقع پرراجا گرو فوڈزانڈسٹریس کے مالک کشور کمار جین نےمرنے والے مزدوروں کے لواحقین کوپانچ پانچ لاکھ روپے دینے کا وعدہ کیا ہے۔ اسی کے ساتھ حکومت کی طرف سے بھی مرنے والوں کے ورثاء کو دو دولاکھ روپئے دینے کا وعدہ کیا گیا ہے۔ جبکہ زخمی مزدوروں کے لیے انڈسٹریس کے مالک نے پچاس پچاس ہزار روپے دینے کا اعلان کیا ہے۔ 

ایک نظر اس پر بھی

مرکز کے خلاف کرناٹک حکومت کی تجاویز پر اپوزیشن نے کھڑا کیا ہنگامہ - بجٹ سیشن میں ایک دن کی توسیع

این ڈی اے کی زیرقیادت مرکزی حکومت کی جانب سے ٹیکس مختص کرنے کے معاملے میں کرناٹکا کے ساتھ ہوئی زیادتی، زرعی فصلوں کے ایم ایس پی کا مطالبہ اور دیگر معاملات  کے خلاف ریاستی کانگریس حکومت کی طرف سے قانون ساز اسمبلی میں مرکزی حکومت کے خلاف جو قراردادیں منظوری کے لئے پیش کی گئیں اس ...

کرناٹک اسمبلی میں وزیراعلیٰ سدرامیا نے کہا؛ جنتا دل 'ایس' نہیں جنتا دل 'سی' ہے یعنی جنتادل کمیونل پارٹی !

بنگلورو کے اساتذہ کے حلقہ سے پانچویں بار جیتنے والے پُٹنّا کی حلف برداری کے بعد خطاب کرتے ہوئے وزیر اعلیٰ سدارامیا نے کہا کہ سیکولر جنتا دل اب جے ڈی "ایس" نہیں بلکہ  جے ڈی 'سی' بن گئی ہے ۔       وزیر اعلیٰ نے جے ڈی ایس کے بھوجے گوڑا سے پوچھا : "کیا آپ جانتے ہیں کہ کویمپو نے کیا کہا ...

فرقہ وارانہ اشتعال انگیزی روکنے اورمسلم مخالف قوانین منسوخ کرنے کا مطالبہ لے کر بھٹکل تنظیم نے وزیراعلیٰ کو دیا میمورنڈم

مجلس اصلاح و تنظیم بھٹکل کے صدر و دیگر عہدیداران پر مشتمل ایک وفد نے بینگلورو پہنچ کر  وزیر اعلیٰ سدا رامیا  سمیت دیگر کابینی وزراء سے ملاقات کی اور انہیں میمورنڈم سونپتے ہوئے مطالبہ کیا کہ درپیش پارلیمانی الیکشن کے پس منظر میں فرقہ واریت کا زہر گھولنے اور اشتعال انگیزی کرنے ...

بینگلورو میں کباڑ کے شیڈ میں بھڑکی آگ - تین افراد زندہ جل گئے - پانچ شدید زخمی 

شہر کے مضافات کومبلاگوڈو میں واقع ایک کباڑ کے شیڈ میں بوتلوں میں پرفیوم اور کیمیکلس بھرنے کے دوران اچانک آگ بھڑکنے کی وجہ سے تین افراد زندہ جل گئے جبکہ پانچ افراد شدید زخمی ہوئے اور ان میں سے چار کی حالت نازک بتائی جا رہی ہے ۔ 

منگلورو میں کانگریس کا ریاستی اجلاس؛ ملیکا رجن کھرگے نے کہا : مودی دوبارہ جیت گئے تو ڈکٹیٹرشپ شروع ہوجائے گی - آئندہ الیکشن نہیں ہوگا

شہر کے مضافات اڈیار میں کانگریسی کارکنان کے ریاستی اجلاس کا افتتاح کرتے ہوئے کانگریسی صدر ملیکا ارجن کھرگے نے کہا کہ اگر نریندر مودی دوبارہ الیکشن جیت جاتے ہیں تو پھر  ملک میں ڈکٹیٹرشپ کا سلسلہ شروع ہو جائے گا اور  آئندہ ملک میں انتخابات منعقد نہیں ہونگے۔      انہوں نے کہا کہ ...

کرناٹک بجٹ؛ کانگریس سرکار نے پیش کیا 3,71,383 کا بجٹ؛ پانچ گارنٹی اسکیموں کیلئے 52 ہزار کروڑ مختص- اقلیتوں کے لئے 3352 کروڑ روپئے

وزیر اعلی سدارامیا نے جمعہ کو ریاست میں اپنا پندرہواں ریاستی بجٹ پیش کیا جو پچھلے سال کے مقابلہ 46,636 کروڑ روپئے زیادہ ہے۔ سال برائے 25-2024 کے ریاستی بجٹ کا حجم 3,71,383 کروڑ روپئے کا ہے جبکہ پچھلے سال انہوں نے 3,27,747 کروڑ کا بجٹ پیش کیا تھا