راجستھان: اس مرتبہ نوجوانوں، خواتین، کسانوں، دلتوں و قبائلیوں کی حکومت بنے گی، الور میں پرینکا گاندھی کا خطاب

Source: S.O. News Service | Published on 16th April 2024, 12:38 PM | ملکی خبریں |

الور،16/اپریل (ایس او نیوز/ایجنسی) کانگریس جنرل سکریٹری پرینکا گاندھی نے پیر کے روز الور لوک سبھا سیٹ سے کانگریس امیدوار للت یادو کی حمایت میں عظیم الشان روڈ شو کیا۔ روڈ شو میں پرینکا کھلی چھت والی گاڑی میں سوار تھیں اور ان کے ساتھ راجستھان کے سابق وزیر اعلیٰ اشوک گہلوت، اسمبلی میں حزب مخالف لیڈر ٹیکارام جولی، راجستھان انچارج سکھجندر سنگھ رندھاوا اور کانگریس امیدوار للت یادو بھی گاڑی میں موجود تھے۔

روڈ شو کے دوران پرینکا گاندھی اور دیگر لیڈران نے سڑک کی دونوں طرف کھڑے لوگوں کا ہاتھ جوڑ کر استقبال کیا۔ روڈ شو کے دوران بڑی تعداد میں کانگریس کارکنان پارٹی امیدوار کی حمایت میں نعرے لگاتے ہوئے بھی دیکھے گئے۔ کئی مقامات پر لوگوں کی طرف سے مالائیں بھیجی گئیں اور کچھ لوگوں نے کاغذ پر لکھ کر اپنی باتیں کانگریس لیڈران تک پہنچائیں۔

تقریباً ایک گھنٹہ کے روڈ شو میں پرینکا گاندھی پُرجوش دکھائی دیں اور جگہ جگہ گاڑی روک کر لوگوں کا استقبال کرتی ہوئی نظر آئیں۔ یہ روڈ شو شہید اسمارک سے شروع ہوا اور چرچ روڈ، ہوپ سرکس، کلاکند مارکیٹ وغیرہ سے گزرا۔ روڈ شو کے بعد پرینکا گاندھی نے کچھ تصویریں ’ایکس‘ پر شیئر کرتے ہوئے لکھا ’’آج راجستھان کے الور کی عوام جس طرح سے سیلاب بن کر سڑک پر امنڈی، وہ آنے والی تبدیلی کا اشارہ ہے۔ راجستھان نے کانگریس کو زبردست اکثریت سے کامیاب بنا کر ’انڈیا‘ کی حکومت تشکیل دینے کا فیصلہ کر لیا ہے۔‘‘ ساتھ ہی انھوں نے یہ بھی لکھا کہ ’’اس بار نوجوانوں، خواتین، کسانوں، دلتوں، قبائلیوں کی حکومت بنے گی۔ اس بار عوام کی حکومت بنے گی۔‘‘

ایک نظر اس پر بھی

ہیمنت سورین کو فی الحال سپریم کورٹ سے نہیں ملی راحت، عبوری ضمانت کی درخواست پر سماعت ملتوی

جھارکھنڈ کے سابق وزیر اعلیٰ ہیمنت سورین کو جمعہ کو سپریم کورٹ سے راحت نہیں مل سکی۔ سورین نے ای ڈی کی کارروائی اور گرفتاری کے خلاف درخواست دائر کی ہے۔ انہوں نے انتخابی تشہیر کے لئے عبوری ضمانت کے لئے بھی درخواست دائر کی ہے لیکن جسٹس سنجیو کھنہ اور جسٹس دیپانکر دتہ کی بنچ نے کہا ...

امیٹھی میں ’سلینڈر‘ والے لوگ اب ’سرینڈر‘ کر رہے ہیں؛ اسمرتی ایرانی پر اکھلیش یادو کی سخت تنقید

سماجوادی پارٹی کے لیڈر اکھلیش یادو نے امیٹھی لوک سبھا حلقہ سے کانگریس امیدوار کشوری لال شرما کے حق میں انتخابی مہم چلائی۔ اس دوران انہوں نے بھارتیہ جنتا پارٹی کی امیدوار اور مرکزی وزیر اسمرتی ایرانی پر سخت تنقید کی۔ انہوں نے کہا کہ امیٹھی میں ’سلینڈر‘ والے لوگ اب ’سرینڈر‘ ...

انڈیا الائنس کی حکومت بننے کے بعد اگنی ویر اسکیم کو کوڑے دان میں پھینک دیا جائے گا: راہل گاندھی

کانگریس لیڈر راہل گاندھی نے کہا ہے کہ مرکز میں انڈیا الائنس کی حکومت بننے کے بعد اگنی ویر اسکیم کو کوڑے دان میں میں پھینک دیا جائے گا۔ شہید کی ایک ہی قسم ہوگی اور سب کو پینش ملےگی۔ وہ اتر پردیش کی امیٹھی لوک سبھا حلقے میں ایک انتخابی جلسہ عام سے خطاب کر رہے تھے۔ انہوں نے کہا کہ ...

سواتی مالیوال معاملے کو آپ‘ نےجھوٹ اور سازش قرار دیا

  عام آدمی پارٹی کی رکن پارلیمان سواتی مالیوال کی جانب سے  کیجریوال کے پرسنل سیکریٹری ویبھوکے خلاف مبینہ بدسلوکی اور تشدد کی شکایت درج کرانے کے بعد دہلی پولیس نے تفتیش شروع کردی ہے۔ دہلی پولیس نےجمعرات کو سواتی کا میڈیکل چیک اپ کروایا اور جمعہ کو انہیں  لے کر کیجریوال کے گھر ...

کپل سبل سپریم کورٹ بار ایسوسی ایشن کے صدر منتخب

سینئر وکیل کپل سبل سپریم کورٹ بار ایسوسی ایشن کے صدر منتخب ہو گئے ہیں ۔ جمعرات16 مئی یعنی گزشتہ روز  کو ہونے والے انتخابات میں کپل سبل کو 1066 ووٹ ملے جبکہ  ان کے قریب ترین حریف سینئر وکیل پردیپ رائے تھے، جنھیں 689 ووٹ ملے۔ کپل سبل نے دو دہائیوں کے بعد یہ الیکشن لڑا تھا۔ اس سے پہلے ...

آئندہ 15 اگست تک 30 لاکھ آسامیوں پر بھرتی شروع کریں گے: راہل گاندھی

کانگریس کے سینئر رہنما راہل گاندھی نے کہا ہے کہ ناانصافی کو ختم کرنے کے لیے ہر ایک ووٹ ضروری ہے۔ انہوں نے مزید کہا کہ اگر مرکز میں انڈیا اتحاد کی مخلوط حکومت بنتی ہے تو 15 اگست تک 30 لاکھ آسامیوں پر بھرتی شروع کردی جائے گی۔