چکمگلورو میں وکیل کے ساتھ پولیس کی بدسلوکی - بھٹکل بار ایسوسی ایشن نےوزیراعلیٰ کے نام اسسٹنٹ کمشنر کو دیا میمورنڈم

Source: S.O. News Service | By I.G. Bhatkali | Published on 7th December 2023, 1:10 PM | ساحلی خبریں |

بھٹکل 7 / دسمبر (ایس او نیوز) چکمگلورو میں پولیس کی طرف سے نوجوان وکیل کے ساتھ کی گئی زیادتی اور بدسلوکی کے خلاف احتجاج کرتے ہوئے بھٹکل بارایسوسی ایشن نے اسسٹنٹ کمشنرکے توسط سے وزیراعلیٰ کے نام میمورنڈم پیش کیا۔ 

کثیر تعداد میں وکلاء پہلے تعلقہ انتظامیہ سودھا (منی ودھان سودھا) کے باہر جمع ہوئے اور وکیلوں پر ہورہے ظلم کے خلاف اور پولس کی طرف سے کئے جارہے ظلم کے خلاف نعرے بازی کی اور انصاف دلانے کا مطالبہ کیا گیا۔

پھر سنیئر وکیل آر آر شریستی نے میمورنڈم پڑھ کرسنایا، میمورنڈم میں کہا گیا ہے کہ بہت ہی معمولی بات پر پریتم نامی نوجوان وکیل کو پولیس والے اپنے ساتھ گھسیٹ کر تھانے لے گئے اور وہاں غیر انسانی انداز میں اسے مارا پیٹا گیا۔ اس معاملے کو قصوروار پولیس آفیسر کو فوراً گرفتار کرکے اس کے خلاف قانونی کارروائی کی جانی چاہیے اور ساتھ ہی اسے پولیس محکمہ سے برخاست کر دینا چاہیے.

میمورنڈم میں مزید کہا گیا ہے کہ ریاست میں وکیلوں کو خوف زدہ ماحول میں جینے جیسے حالات پیدا ہوئے ہیں۔ اس لئے وزیر اعلیٰ سے مطالبہ کیا جاتا ہے کہ وکیلوں کو مناسب تحفظ  فراہم کیا جائے اور اس کے لئے مناسب قانون جاری کریں ۔ چونکہ ریاست میں امن و قانون کی بحالی کے لئے وکیلوں کی طرف سے ہمیشہ تعاون کیا جاتا ہے، اس لئے ہمیں یقین ہے کہ حکومت بھی ہمارے میمورنڈم کو سنجیدگی سے لیتے ہوئے متعلقہ قصوروار پولیس والوں کے خلاف کڑی کارروائی کرے گی۔

وکیل سنگھا کے صدر گنیش ایم دیواڑیگا، سیئر وکلاء وکٹر گومس، جے ڈی بھٹ، ایس بی بومائی، وی آر صراف، ایس ایم خان، کے ایچ نائک، سی ایم بھٹ، ایس کے نائک، سنتوش ایم نائک، ناگراج ہیگڈے، راجیش نائک، وی جے نائک، عمران لنکا وغیرہ موجود تھے۔

اسسٹنٹ کمشنر ڈاکٹر نینا نے میمورنڈم وصول کیا اوروکیلوں کے مطالبات کو وزیراعلیٰ تک پہنچانے کا تیقن دیا۔

 

ایک نظر اس پر بھی

کاروار کے سمندر میں لگا ہوا 'رڈار' بھی چوروں کے ہاتھ سے بچ نہ سکا !

زمین پر سے قیمتی مشینیں چرانے والوں نے اب سمندر میں اپنے ہاتھ کی صفائی دکھانا شروع کیا ہے جس کی تازہ ترین مثال ماحولیاتی تبدیلیوں کے سگنل فراہم کرنے کے لئے کاروار کے علاقے میں بحیرہ عرب میں لگائے گئے 'رڈار' کی چوری ہے ۔

کمٹہ کے سمندر میں چینی جہاز کا معاملہ - کوسٹ گارڈ نے کہا : ہندوستانی حدود کی خلاف ورزی نہیں ہوئی

دو دن قبل کمٹہ کے قریب ہندوستانی سمندری سرحد میں چینی جہاز کی موجودگی اور اس سے ساحلی سیکیوریٹی کو درپیش خطرے کے تعلق سے جو خبریں عام ہوئی تھیں اس پر کوسٹ گارڈ نے بتایا ہے کہ یہ ایک جھوٹی خبر تھی اور چینی جہاز ہندوستانی سرحد میں داخل نہیں ہوا تھا ۔

ہوناور کاسرکوڈ میں ماہی گیروں پر زیادتیوں کے خلاف حقوق انسانی کمیشن سے کی گئی شکایت

ہوناور کے کاسرکوڈ ٹونکا میں مجوزہ تجارتی بندرگاہ کی تعمیر کے خلاف احتجاج کرنے والے مقامی ماہی گیروں  پر پولیس کی طرف سے لاٹھی، خواتین سمیت کئی لوگوں کی گرفتاریاں ، جھوٹے مقدمات کی شکل میں جو زیادتیاں ہوئی تھیں، اس کے تعلق سے حقوق انسانی کمیشن سے شکایت کی گئی ہے ۔

بھٹکل میں 'ریت مافیا' کا دربار - تعلقہ انتظامیہ خاموش - عوام بے بس اور لاچار

بھٹکل میں تعلقہ انتظامیہ کی خاموشی کی وجہ سے تعلقہ کے گورٹے، بیلکے، جالی، مُنڈلی نستار، بئیلور جیسے علاقوں میں ساحل سے ریت جیسی سمندری دولت لوٹنے کا کام 'ریت مافیا' کی طرف سے بلا روک ٹوک جاری ہے اور مقامی عوام پریشانی اور بے بسی و لاچاری سے یہ سب دیکھنے پر مجبور ہوگئے ہیں ۔