بریکنگ نیوز

پاکستان میں بارش اور سیلاب سے تباہی، بلوچستان کا رابطہ ملک سے ٹوٹا، 937 افراد ہلاک

Source: S.O. News Service | Published on 26th August 2022, 9:55 PM | عالمی خبریں |

اسلام آباد، 26؍اگست (ایس او نیوز؍ایجنسی) پاکستان میں لگاتار زوردار بارش، سیلاب اور بادل پھٹنے سے زبردست تباہی کا عالم ہے۔ جون سے اب تک ملک میں 937 افراد جاں بحق ہو چکے ہیں۔ ملک کا 70 فیصد سے زیادہ حصہ بری طرح متاثر ہے اور زبردست آبی قہر کے سبب بلوچستان ملک کے باقی حصوں سے کٹ گیا ہے۔ ملک کے حالات کو دیکھتے ہوئے حکومت نے پاکستان میں سیلاب ایمرجنسی کا اعلان کر دیا ہے۔

پاکستان کے نیشنل ڈیزاسٹر مینجمنٹ اتھارٹی کے اعداد و شمار کے مطابق جون سے ملک میں بارش اور سیلاب سے اب تک 343 بچوں سمیت 937 لوگوں کی موت ہو چکی ہے۔ حالات اتنے خراب ہیں کہ تقریباً 3 کروڑ لوگوں کو گھر چھوڑ کر کھلے آسمان کے نیچے زندگی گزارنی پڑ رہی ہے۔ سب سے زیادہ بری حالت سندھ اور بلوچستان علاقہ کی ہوئی ہے۔ اس کے بعد 234 اموات بلوچستان علاقے میں ہوئی ہیں۔ خیبر پختونخواں میں 185 اور پنجاب میں 165 لوگوں کی موت ہوئی ہے۔

بلوچستان کا ملک کے باقی حصوں سے رابطہ پوری طرح ٹوٹ چکا ہے۔ سڑک اور ریلوے ٹریک بری طرح متاثر ہوئے ہیں اور انٹرنیٹ سروسز و ٹیلی مواصلات خدمات کئی علاقوں میں جاری موسلادھار بارش اور اچانک سیلاب سے ہوئے نقصان کے سبب رخنہ انداز ہو گئی ہیں۔ پاکستان ٹیلی مواصلات اتھارٹی (پی ٹی اے) کے مطابق کویٹہ، زیارت، خوزدار، لورلائی، پشن، چمن، پنجگر، جھوب، قلعہ، سیف اللہ اور قلعہ عبداللہ میں آپٹیکل فائبر کیبل متاثر ہونے کے سبب خدمات متاثر ہوئی ہیں۔

پی ٹی اے نے کہا کہ ’’مشکل حالات کا حل تلاش کرنے کی کوششیں ہو رہی ہیں۔ پی ٹی اے حالات کی نگرانی کر رہا ہے اور آگے کے اَپڈیٹ بتائے جائیں گے۔‘‘ سڑک، ہوائی اور ٹرین کے ذریعہ سے بلوچستان کا کنکشن کاٹ دیا گیا ہے، جس سے سیلاب متاثرہ علاقوں تک راحتی سامان کا پہنچنا بھی ناممکن ہو گیا ہے۔

ٹیلی مواصلات اور انٹرنیٹ خدمات کے ڈسکنکشن نے حالات کی سنگینی کو مزید بڑھا دیا ہے کیونکہ ایک ہفتہ سے بھی کم وتق میں یہ تیسری بار ہے جب سیلولر اور انٹرنیٹ کدمات رخنہ انداز ہوئی ہیں۔ پاکستان ٹیلی مواصلات کمپنی لمیٹڈ (پی ٹی سی ایل) نے کہا کہ گھوٹکی، خیرپور اور سکور ضلعوں میں کئی بار کٹوتی کے سبب ٹیلی مواصلات خدمات رخنہ انداز ہو گئی ہیں۔ کیبل کٹنے کی ایک دیگر وجہ سکور اور اس کے آس پاس کے ضلعوں میں کیے جا رہے راحت اور بچاؤ کام کے لیے بھاری مشینری کا استعمال ہونا بھی ہے۔

ایک نظر اس پر بھی

دنیا بھر میں بڑھتی مسلم دشمنی نسل پرستی،عدم برداشت دیکھ رہے ہیں: اقوام متحدہ

کوپن ہیگن کی ایک مسجد کے قریب اسلام مخالف شخص کی جانب سے ڈنمارک میں ترک سفارت خانے کے سامنے مسلمانوں کی مقدس کتاب جلانے کے چند گھنٹے بعد اقوام متحدہ نے خبردار کیا کہ انٹرنیٹ نے نفرت انگیز تقریر کو بھڑکایا جس سے مجرموں کو اپنا جھوٹ، سازشیں اور دھمکیاں پھیلانے میں مدد ملی۔

قرآن کو جلانے کے خلاف مظاہروں میں شدت

سویڈن اور ہالینڈ میں انتہائی دائیں بازو کے کارکنوں کی طرف سے حالیہ دنوں میں اسلام کی مقدس کتاب کو نذر آتش کرنے کی مذمت کیلئے جمعہ کو کئی مسلم اکثریتی ممالک میں احتجاجی مظاہرے کیے گئے-

دنیا بھر میں ہورہی ہے چھٹنی،سروے سے کھلا راز، ہر 4 میں سے 1 ہندوستانی کو ملازمت سے برطرفی کا خدشہ

دنیا بھر کی بڑی ٹیک کمپنیوں میں  ملازمین کو نوکریوں سے برطرف کیا جارہا ہے۔ اور ذرائع کی مانیں تو  ہر 4 میں سے 1 ہندوستانی ملازمت کے خاتمے  کو لے کر پریشان ہے۔ دوسری طرف 4 میں سے 3 ہندوستانی بڑھتی ہوئی مہنگائی سے پریشان ہیں۔

افغانستان میں ریکارڈ سردی ، اب تک 157 افراد ہلاک

افغانستان میں اس وقت شدید سردی پڑ رہی ہے۔ میڈیا رپورٹس کے مطابق سردی نے گزشتہ 15 سال کا ریکارڈ توڑ دیا ہے اور درجہ حرارت گر کر مائنس 34 ڈگری سلسیس تک پہنچ گیا ہے۔ سردی کی اس شدت نے گزشتہ ایک ہفتہ میں لوگوں کو بری طرح حراساں کیا ہے اور سردی کی وجہ سے اموات کی تعداد میں بھی زبردست ...

قرآن کی بے حرمتی کیخلاف عالمِ اسلام میں شدید احتجاج، ترکی ، عراق ، ایران ، لیبیا ، سعودی عرب، یو اے ای اور دیگر اسلامی ممالک میں عوام سڑکوں پر نکل آئے

اسلام کی  مخالفت میں  زہر اگلنے والے  ڈینش سیاست داں راسموس پالودان کے ذریعہ اسٹاک ہوم میں ترک سفارت خانے کے سامنے  قرآن مقدس کا نسخہ نذر آتش کرنے کے خلاف پاکستان، ایران اور ترکی سمیت کئی اسلامی ملکوں میں احتجاجی مظاہرے ہورہے ہیں۔