اُڈپی : پڈوبیدری میں میاں بیوی کی جوڑی نے نقلی سونا گروی رکھتے ہوئے  کوآپریٹیو سوسائٹیوں کو لگایا 33 لاکھ روپے کا چونا !

Source: S.O. News Service | Published on 28th February 2024, 11:12 PM | ساحلی خبریں |

اُڈپی  28 / فروری (ایس او نیوز) میاں بیوی کی ایک جوڑی کی طرف سے  اصلی سونے کی جگہ پر نقلی سونا گروی رکھتے ہوئے کوآپریٹیو سوسائٹیوں کو 33 لاکھ روپے سے زائد رقم کا چونا لگانے کا معاملہ  ضلع اُڈپی کے پڈوبیدری سے سامنے آیا ہے  جس کے بارے میں پڈوبیدری پولیس اسٹیشن میں الگ الگ شکایتیں درج کروائی گئی ہیں ۔
    
 ذرائع سے ملی اطلاع کے مطابق ملزمین کی شناخت راجیو اور اس کی بیوی سنیہا لتا کے طور پر کی گئی ہے ۔ ان دونوں نے ستمبر 2022 میں ایس کے جی آئی کوآپریٹیو سوسائٹی میں اصلی سونا بتاتے ہوئے 182 گرام نقلی سونا گروی رکھ کر 8,08,000 روپے حاصل کیے تھے ۔ جب انہوں نے قرضہ واپس نہیں لوٹایا تو شک پیدا ہونے کی وجہ سے سوسائٹی نے گروی رکھے گئے سونے کی پھر ایک بار جانچ کروائی تو وہ نقلی سونا نکلا ۔ اس کے بعد پولیس اسٹیشن میں میاں بیوی کی جوڑی کے خلاف دھوکہ دہی کی شکایت درج کروائی گئی ہے ۔
    
اسی طرح اس دھوکے باز جوڑی نے اوچیلا میں واقع ایس سی ڈی سی سی بینک میں مارچ 2023 کو 72.200 گرام وزنی نقلی سونا گروی رکھ کر 2,86,000 روپے حاصل کیے تھے ۔ قرضہ واپس نہ لوٹانے کی وجہ سے یہ سونا بینک کی طرف سے نیلام کیا گیا جسے بابو رائے اچاریہ نے 3,18,680 روپے میں خریدا ۔ لیکن جب بابو رائے نے اس کی جانچ کی تو یہ سونا بھی نقلی نکلا ۔ اس تعلق سے بھی دھوکہ دہی کی شکایت درج کی گئی ہے ۔
    
 ملزمین نے دھوکہ دہی کا تیسرا معاملہ پڈوبیدری سہکاری ویوسائے سوسائٹی میں انجام دیا جہاں 231 گرام نقلی سونا گروی رکھتے ہوئے 10,29,000 روپے اور سوسائٹی کی سٹی شاخ سے 188.600 گرام نقلی سونے کے بدلے 9,04,100 روپے قرضہ حاصل کیا ۔ اس ضمن میں بھی پولیس کے پاس شکایتیں درج کروائی گئی ہیں ۔ 

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔