غیر حیاتیاتی وزیر اعظم ماسکو جا رہے ہیں اور اپوزیشن لیڈر منی پور، پی ایم مودی پر جے رام رمیش کا زوردار حملہ

Source: S.O. News Service | Published on 9th July 2024, 11:28 AM | ملکی خبریں |

نئی دہلی، 9/جولائی (ایس او نیوز /ایجنسی) کانگریس رکن پارلیمنٹ اور لوک سبھا میں اپوزیشن لیڈر راہل گاندھی پیر کو منی پور کے جیریبام ضلع پہنچے اور وہاں ریلیف کیمپوں میں متاثرین سے ملاقات کی۔ اس حوالے سے کانگریس کے جنرل سکریٹری اور راجیہ سبھا کے رکن جے رام رمیش نے پی ایم مودی پر سخت تنقید کی ہے۔ انہوں نے کہا ہے کہ غیر حیاتیاتی وزیر اعظم نریندر مودی ماسکو جا رہے ہیں اور لوک سبھا میں اپوزیشن لیڈر راہل گاندھی منی پور جا رہے ہیں۔

خبر رساں ایجنسی اے این آئی سے بات کرتے ہوئے راجیہ سبھا کے رکن جے رام رمیش نے کہا کہ وزیر اعظم نریندر مودی نے گزشتہ 17 مہینوں میں منی پور کے بارے میں کچھ نہیں کہا ہے۔ انہوں نے منی پور کے وزیر اعلیٰ سے ملاقات نہیں کی، منی پور کی سیاسی پارٹیوں، وہاں کے ارکان پارلیمنٹ، ارکان اسمبلی سے ملاقات نہیں کی۔ جے رام رمیش نے کہا کہ راہل گاندھی کا یہ تیسرا دورہ ہے تاکہ وہاں کے لوگوں کو یہ احساس دلایا جائے کہ ان کا درد ہمارا درد ہے۔

کانگریس لیڈر جے رام رمیش نے کہا کہ منی پور پر تبصرہ کرتے ہوئے سپریم کورٹ نے کہا ہے کہ وہاں آئینی مشینری، آئینی نظام تباہ ہو چکا ہے اور ہم منی پور حکومت پر بھروسہ نہیں کر سکتے۔ انہوں نے وزیر اعظم نریندر مودی کے دورہ روس پر کہا کہ میں نے آج وزیر اعظم سے تین سوال پوچھے ہیں۔ منموہن سنگھ اور پوتن کے ساتھ روسی وزیر اعظم دمتری میدویدیو سے 16 بار ملاقات ہو ئی ہے۔ لیکن پوتن اور وزیر اعظم مودی کے درمیان 10 سالوں میں صرف 11 بار ملاقات ہوئی ہے۔ کیا روس اور ہندوستان کے درمیان تعلقات میں کچھ نرمی آگئی ہے؟ جے رام رمیش نے جو باتیں خبر رساں ایجنسی اے این آئی سے کہی ہیں، انہیں باتوں کوانہوں نے اپنے سوشل میڈیا اکاؤنٹ سے شیئر بھی کیا ہے۔

جے رام رمیش نے کہا کہ دوسری بات یہ ہے کہ ہندوستان کی برآمدات بمشکل 3.5 بلین ڈالر ہے لیکن روس سے ہماری درآمدات تقریباً 46 بلین ڈالر ہیں۔ یہ ایک خوفناک تجارتی عدم توازن ہے۔ ہمارے وزیر اعظم کی حکمت عملی کیا ہے؟ کیا وہ اس بارے میں روس کے صدر سے بات کریں گے؟ اس کے ساتھ ہی جے رام رمیش نے کہا کہ تیسرا اور سب سے اہم سوال یہ ہے کہ 50 ہندوستانی جوان روسی فوج میں لڑ رہے ہیں۔ اس کا مطلب ہے کہ یہاں کوئی ملازمت نہیں ہے۔ ہمارے وزیر اعظم اس پر خاموش کیوں ہیں؟

دریں اثنا بھوجپوری لوک گلوکارہ نیہا سنگھ راٹھور نے بھی راہل گاندھی کے منی پور دورے کے حوالے سے وزیر اعظم نریندر مودی پر سخت حملہ کیا ہے۔ نیہا سنگھ راٹھوڑ نے لوک سبھا الیکشن کے دوران وزیراعظم کے ’کون راہل؟‘ کے حوالے سے طنزکرتے ہوئے پوچھا ہے کہ آخر آپ 18-18 گھنٹے کرتے کیا ہیں؟ نیہا سنگھ راٹھوڑ نے وزیر اعظم مودی سے سوال کرتے ہوئے سوشل میڈیا پلیٹ فارم ’ایکس‘ پر پوسٹ کیا ہے۔ اس میں انہوں نے لکھا ہے کہ اب تو اپوزیش لیڈر’کون راہل؟‘ بھی منی پورجا رہے ہیں۔ آپ کب جائیں گے؟ اپنے ہی ملک کے لوگوں کو آپ اس طرح بے سہارا کیسے چھوڑ سکتے ہیں؟ آپ 18-18 گھنٹے کرتے کیا ہیں؟

ایک نظر اس پر بھی

کووڈ میں شرح اموات ظاہر کرنے والی رپورٹس غیر مصدقہ اور گمراہ کن

صحت اور خاندانی بہبود کی مرکزی وزارت نے کہا ہے کہ سائنس جریدے سائنس ایڈوانسز میں شائع مطالعہ سے کووڈ کی مدت کے دوران 2020 میں سب سے زیادہ اموات کو ظاہر کرنے والی رپورٹ غیر مصدقہ اور ناقابل قبول اندازوں پر مبنی ہیں۔

علاقائی سیاسی پارٹیوں کمائی اور خرچ کی رپورٹ جاری

ایسوسی ایشن فار ڈیموکریٹک ریفارمز نے اپنی حالیہ جاری کردہ رپورٹ میں ملک کی 57 علاقائی جماعتوں میں سے 39 علاقائی جماعتوں کی آمدنی اور اخراجات کی رپورٹ جاری کی ہے۔ رپورٹ میں بتایا گیا ہے کہ سال 2022-23 کی آمدنی اور اخراجات کے لحاظ سے کون سی پارٹی اوپر اور نیچے ہے۔ کس نے کتنا عطیہ وصول ...

جیتن سہنی قتل کے سلسلے میں مزید 3 ملزمان گرفتار، ایس ایس پی کے مطابق جائے وقوعہ سے اہم دستاویزات برآمد

  وکاسشیل انسان پارٹی (وی آئی پی) کے سربراہ مکیش سہنی کے والد کے قتل کیس میں پولیس نے مزید 3 ملزمان کو گرفتار کیا ہے۔ یہ گرفتاری کلیدی ملزم کاظم انصاری کی نشان دہی پر کی گئی ہے۔ دربھنگہ کے سینئر سپرنٹنڈنٹ آف پولیس جگوناتھ ریڈی نے یہ اطلاع دی۔

آئی اے ایس پوجا کھیڈکر تنازعہ کے درمیان یو پی ایس سی کے چیئرمین منوج سونی عہدے سے مستعفی

  یونین پبلک سروس کمیشن (یو پی ایس سی) کے چیئرمین منوج سونی نے اپنے عہدے سے استعفیٰ دے دیا ہے۔ دلچسپ بات یہ ہے کہ انہوں نے اپنی مدت ملازمت پوری ہونے سے قبل ہی اپنا استعفی صدر کو ارسال کر دیا ہے۔

کیجریوال جان بوجھ کر کم کیلوری والا کھانا لے رہے ہیں، ایل جی کا الزام، عآپ کا شدید ردعمل

عام آدمی پارٹی کے رکن پارلیمنٹ سنجے سنگھ نے دہلی کے وزیر اعلی اروند کیجریوال کی صحت سے متعلق لیفٹیننٹ گورنر ونے سکسینہ کے چیف سکریٹری کو لکھے گئے خط پر ردعمل ظاہر کیا ہے۔ ایل جی کو نشانہ بناتے ہوئے سنجے سنگھ نے کہا کہ ایل جی یہ کیا مذاق کر رہے ہیں؟ کیا کوئی آدمی رات کو شوگر کم ...

نیٹ پر سپریم کورٹ کے حکم کے بعد این ٹی اے نے آن لائن اپ لوڈ کئے مرکز اور شہر وار نتائج

نیٹ پر سپریم کورٹ کے حکم کے بعد این ٹی اے نے نیٹ یو جی طلباء کے مرکز اور شہر وار نتائج کو آن لائن اپ لوڈ کر دیا ہے۔ نتائج اپلوڈ کرنے کے لئے ہفتہ کی دوپہر 12 بجے تک کا وقت دیا گیا تھا۔ تاہم، سی جے آئی ڈی وائی چندرچوڑ، جسٹس جے بی پاردیوالا اور جسٹس منوج مشرا کی بنچ نے واضح کیا تھا کہ ان ...