ہیمنت سورین کو فی الحال سپریم کورٹ سے نہیں ملی راحت، عبوری ضمانت کی درخواست پر سماعت ملتوی

Source: S.O. News Service | Published on 18th May 2024, 11:42 AM | ملکی خبریں |

نئی دہلی، 18/مئی (ایس او نیوز /ایجنسی) جھارکھنڈ کے سابق وزیر اعلیٰ ہیمنت سورین کو جمعہ کو سپریم کورٹ سے راحت نہیں مل سکی۔ سورین نے ای ڈی کی کارروائی اور گرفتاری کے خلاف درخواست دائر کی ہے۔ انہوں نے انتخابی تشہیر کے لئے عبوری ضمانت کے لئے بھی درخواست دائر کی ہے لیکن جسٹس سنجیو کھنہ اور جسٹس دیپانکر دتہ کی بنچ نے کہا کہ وقت کی کمی کے سبب اس پر تفصیلی سماعت ممکن نہیں۔ عدالت کی جانب سے ای ڈی کو پیر، 20 مئی تک جواب داخل کرنے کا حکم دیا گیا ہے۔

عدالت عظمیٰ نے آئندہ منگل یعنی 21 مئی کو سپریم کورٹ کے تعطیلاتی بنچ کے سامنے درخواست کی فہرست بنانے کی ہدایت کی۔ جمعہ کو جب یہ معاملہ سپریم کورٹ کے سامنے لایا گیا تو ای ڈی کی جانب سے ایڈیشنل سالیسٹر جنرل ایس وی راجو نے اس پر جواب دینے کے لیے وقت مانگا۔

جب عدالت نے اے ایس جی سے ہیمنت سورین کی عبوری ضمانت کے بارے میں جاننا چاہا تو انہوں نے کہا کہ سورین کو 31 جنوری کو گرفتار کیا گیا تھا اور ان کی باقاعدہ ضمانت کی درخواست مسترد کر دی گئی تھی۔ انہوں نے یہ بھی بتایا کہ انتخابات کے چار مراحل پہلے ہی ختم ہو چکے ہیں۔

سینئر وکیل کپل سبل نے سورین کی طرف سے پیش ہوتے ہوئے کہا کہ فی الحال انتخابات کے تین مراحل 20، 25 مئی اور یکم جون کو ہیں اور اس پر غور کیا جانا چاہئے۔ اس پر بنچ نے کہا کہ جب تک بنچ اس معاملے میں بادی النظر مطمئن نہیں ہوتی، کوئی حکم نہیں دیا جا سکتا۔

بنچ نے کہا کہ آج تفصیلی سماعت کا وقت نہیں ہے۔ بنچ نے ای ڈی کو پیر تک اپنا جواب داخل کرنے کی ہدایت دیتے ہوئے سماعت ملتوی کر دی۔ اس سے قبل جھارکھنڈ ہائی کورٹ نے ہیمنت سورین کی گرفتاری کو چیلنج کرنے والی درخواست کو مسترد کر دیا تھا۔ ہائی کورٹ کے اس فیصلے کو چیلنج کرتے ہوئے سورین نے سپریم کورٹ میں عرضی داخل کی ہے۔

خیال رہے کہ 31 جنوری کو ای ڈی نے ہیمنت سورین کو رانچی کے بڑگائیں علاقے میں 8.66 ایکڑ زمین پر غیر قانونی قبضے اور منی لانڈرنگ کے معاملے میں گرفتار کر کے جیل بھیج دیا تھا۔ ہیمنت سورین کے علاوہ ای ڈی نے 30 مارچ کو زمین کے اصل مالک راجکمار پاہن، ہیمنت سورین کے قریبی ساتھی ونود کمار، ریونیو سب انسپکٹر بھانو پرتاپ پرساد اور ہلاریس کچھپ کے خلاف بھی عدالت میں چارج شیٹ داخل کی ہے۔

اس میں بتایا گیا ہے کہ ہیمنت سورین نے نہ صرف یہ کہ غیر قانونی طور پر زمین حاصل کی بلکہ تحقیقات شروع ہونے پر شواہد کو ختم کرنے کی بھی کوشش کی۔

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...