کوزی کوڈ ، 19/ستمبر (ایس او نیوز/ایجنسی) کیرالہ کی وزیر صحت وینا جارج نے پیر کو کہا کہ دماغ کو نقصان پہنچانے والے نپاہ وائرس کا کوئی تازہ کیس سامنے نہیں آیا ہے اور نرسوں سمیت ’ہائی رسک‘ رابطوں کے لیے گئے 61 نمونے منفی آئے ہیں۔

کیرالہ نے کوزی کوڈ ضلع میں تازہ ترین وباء کے بعد سے اب تک نپاہ انفیکشن کے کل 6 معاملات کی تصدیق کی ہے۔ 2افراد وائرس کی وجہ سے اپنی جانوں سے ہاتھ دھو بیٹھے، جس سے فعال کیسز کی تعداد 4 ہو گئی۔کوزی کوڈ میں وباء کے بڑھنے کو روکنے کے لیے سخت اقدامات بشمول رابطے کا پتہ لگانے، قرنطینہ پروٹوکول اور عوامی بیداری کی مہمات کو نافذ کیا گیا ہے۔

جارج نے کہا کہ انڈین کونسل آف میڈیکل ریسرچ (آئی سی ایم آر) اور ورلڈ ہیلتھ آرگنائزیشن نے  اسٹڈی کی ہے اور یہ پتہ چلا کہ ہندوستان کی9 ریاستوں میں نپاہ ہونے کا امکان ہے اور کیرالہ ان میں سے ایک ہے۔

متاثرہ افراد میں سے کل 1,233 رابطوں کی شناخت کی گئی ہے اور کیرالہ حکومت نے انہیں 'ہائی رسک' رابطوں، 352 اور کم خطرے والے رابطوں کے طور پر درجہ بندی کی ہے اور ان سب کو کوارنٹائن کیا گیا ہے۔ریاستی حکومت نے وائرس سے لڑنے کے لیے ایک کنٹرول روم قائم کیا ہے۔

کیرالہ حکومت نے نپاہ پروٹوکول کے مطابق کور کمیٹی میں 19 ٹیمیں قائم کی ہیں، جس میں 2021 اور 2023 میں ترمیم کی گئی تھی۔ جب کہ مرکزی ٹیمیں میدان میں ہیں اور تمام متعلقہ مقامات کا سروے کر رہی ہیں۔