اتراکھنڈ: منگلور ضمنی انتخاب میں مسلم رائے دہندگان کو ڈرانےکیلئے مارپیٹ، فائرنگ

Source: S.O. News Service | Published on 10th July 2024, 5:22 PM | ملکی خبریں |

دہرادون، 10/جولائی (ایس او نیوز /ایجنسی) اتراکھنڈ کےمنگلور کے ضمنی انتخاب میں مسلم رائے دہندگان کو حق رائے دہی سے روکا گیا اس کے علاوہ ان کے ساتھ مار پیٹ بھی کی گئی۔سوشل میڈ یا پر گردش کرتے ایک ویڈیو میں دیکھا جا سکتا ہے کہ کئی مسلموں جن میں بزرگ بھی شامل تھے ان پر حملہ کیا گیا، ان کے کپڑوں پر خون صاف دیکھا جا سکتا ہے، اس میں کئی لوگوں نے الزام لگایا کہ انہیں ووٹ دینے سے روکا گیا۔ منگلور سے کانگریس کے امیدوار قاضی نظام الدین نے دعویٰ کیا کہ سماج دشمن عناصر نے کھلے عام فائرنگ کی،لیکن پولیس کا بیان ہے کہ فی الحال گولی باری کی تصدیق نہیں ہوئی ہے۔ سینئر کانگریسی لیڈر اور تین بار کے رکن پارلیمنٹ نـظام الدین نے کہا کہ ’’سماج دشمن عناصر کھلے عام فا ئرنگ کرکرہے ہیں، یہ جمہوریت کا قتل ہے، کئی لوگوں کے زخمی ہونے کی بھی خبریں ہیں، لیکن انہیں اسپتال لے کر جانے کیلئے ایمبولنس تک کا انتظام نہیں ہے۔‘‘

اتراکھنڈ کے سابق وزیر اعلیٰ اور کانگریس لیڈر ہریش راوت نے کہا،’’فائرنگ کا مقصد کانگریس کے ووٹر کو ڈراناہے، کئی زخمیوں کو ہمارے امیدوار نے اپنی جان پر کھیل کر اسپتال پہنچایا۔اس قسم کے واقعات دیگر علاقوں میں بھی رونما ہوئے ہیں، کانگریس کے ووٹر وں کو دھمکایا جا رہا ہے، انہیں پولنگ بوتھ تک جانے سے روکا جا رہا ہے۔میں عوام سے گزارش کرتا ہوں کہ ہمیں ووٹ کریں تاکہ جمہوریت کو بچایا جا سکے۔‘‘ دیہی ایس پی سواپن کشور سنگھ نے خبر رساں ایجنسی پی ٹی آئی کو بتایا کہ’’ یہاں حالات معمول کے مطابق ہیں اور ووٹنگ بھی پر امن طور پر ہو رہی ہے۔پولیس کی معقول نفری تعینات ہے، ہمیں کچھ تنازعات کی خبر ملی تھی اس وجہ سے ہم یہاں موجود ہیں، ابھی تک گولی باری کی تصدیق نہیں ہوئی ہے، ہم حالات کو معمول پر لانے کی کوشش کر رہے ہیں۔‘‘  

منگلور میں گزشتہ سال اکتوبر میں وہاں کے رکن پارلیمنٹ ثروت کریم انصاری کا انتقال ہو گیا تھا جس کے بعد وہاں ضمنی انتخاب عمل میں آیا۔ بی ایس پی نے کریم انصاری کے بیٹے عبید الرحمٰن کو ٹکٹ دیا ہے جن کانگریس  مقابلہ کانگریسی امیدوار قاضی نظام الدین سے ہے ، جبکہ بی جے پی نے یہا ں سے اپنے قد آور گجر لیڈر کرتار سنکھ کو میدان میں اتارا ہے۔واضح رہے کہ اس انتخابی حلقہ میں مسلمان اور دلت کثیر تعداد میں آباد ہیں۔  

ایک نظر اس پر بھی

کووڈ میں شرح اموات ظاہر کرنے والی رپورٹس غیر مصدقہ اور گمراہ کن

صحت اور خاندانی بہبود کی مرکزی وزارت نے کہا ہے کہ سائنس جریدے سائنس ایڈوانسز میں شائع مطالعہ سے کووڈ کی مدت کے دوران 2020 میں سب سے زیادہ اموات کو ظاہر کرنے والی رپورٹ غیر مصدقہ اور ناقابل قبول اندازوں پر مبنی ہیں۔

علاقائی سیاسی پارٹیوں کمائی اور خرچ کی رپورٹ جاری

ایسوسی ایشن فار ڈیموکریٹک ریفارمز نے اپنی حالیہ جاری کردہ رپورٹ میں ملک کی 57 علاقائی جماعتوں میں سے 39 علاقائی جماعتوں کی آمدنی اور اخراجات کی رپورٹ جاری کی ہے۔ رپورٹ میں بتایا گیا ہے کہ سال 2022-23 کی آمدنی اور اخراجات کے لحاظ سے کون سی پارٹی اوپر اور نیچے ہے۔ کس نے کتنا عطیہ وصول ...

جیتن سہنی قتل کے سلسلے میں مزید 3 ملزمان گرفتار، ایس ایس پی کے مطابق جائے وقوعہ سے اہم دستاویزات برآمد

  وکاسشیل انسان پارٹی (وی آئی پی) کے سربراہ مکیش سہنی کے والد کے قتل کیس میں پولیس نے مزید 3 ملزمان کو گرفتار کیا ہے۔ یہ گرفتاری کلیدی ملزم کاظم انصاری کی نشان دہی پر کی گئی ہے۔ دربھنگہ کے سینئر سپرنٹنڈنٹ آف پولیس جگوناتھ ریڈی نے یہ اطلاع دی۔

آئی اے ایس پوجا کھیڈکر تنازعہ کے درمیان یو پی ایس سی کے چیئرمین منوج سونی عہدے سے مستعفی

  یونین پبلک سروس کمیشن (یو پی ایس سی) کے چیئرمین منوج سونی نے اپنے عہدے سے استعفیٰ دے دیا ہے۔ دلچسپ بات یہ ہے کہ انہوں نے اپنی مدت ملازمت پوری ہونے سے قبل ہی اپنا استعفی صدر کو ارسال کر دیا ہے۔

کیجریوال جان بوجھ کر کم کیلوری والا کھانا لے رہے ہیں، ایل جی کا الزام، عآپ کا شدید ردعمل

عام آدمی پارٹی کے رکن پارلیمنٹ سنجے سنگھ نے دہلی کے وزیر اعلی اروند کیجریوال کی صحت سے متعلق لیفٹیننٹ گورنر ونے سکسینہ کے چیف سکریٹری کو لکھے گئے خط پر ردعمل ظاہر کیا ہے۔ ایل جی کو نشانہ بناتے ہوئے سنجے سنگھ نے کہا کہ ایل جی یہ کیا مذاق کر رہے ہیں؟ کیا کوئی آدمی رات کو شوگر کم ...

نیٹ پر سپریم کورٹ کے حکم کے بعد این ٹی اے نے آن لائن اپ لوڈ کئے مرکز اور شہر وار نتائج

نیٹ پر سپریم کورٹ کے حکم کے بعد این ٹی اے نے نیٹ یو جی طلباء کے مرکز اور شہر وار نتائج کو آن لائن اپ لوڈ کر دیا ہے۔ نتائج اپلوڈ کرنے کے لئے ہفتہ کی دوپہر 12 بجے تک کا وقت دیا گیا تھا۔ تاہم، سی جے آئی ڈی وائی چندرچوڑ، جسٹس جے بی پاردیوالا اور جسٹس منوج مشرا کی بنچ نے واضح کیا تھا کہ ان ...