منڈگوڈ: 6؍جون(ایس اؤ نیوز ) خاتون پہلوانوں پر جسمانی و جنسی ہراسانی ، حملے ، ظلم اور نابالغوں پر ظلم والے معاملات کے ملزم بھارت ریسلنگ فیڈریشن کے صدر برج بھوشن سنگھ کی گرفتاری کامطالبہ لےکر کرناٹکا راجیہ اناداتا رعیت سنگھااور ہسرو سینے ، یوا رتنا یوا وکوٹا ، کرناٹک دلت سنگھرش سمیتی سمیت کئی تنظیموں نے تحصیلدار کی معرفت وزارت داخلہ کو میمورنڈم سونپا۔

احتجاج میں شریک سبھی تنظیموں کے عہدیداروں نے متحدہ طورپر کہا کہ ملک کے وقار میں اضافہ کرنےوالی خاتون پہلوان اپنے ساتھ کئے جانے والی جنسی ہراسانی کےخلاف 28مئی کو دھرنے پر بیٹھی تھیں ۔ دھرنے پر بیٹھی  خاتون پہلوانوں پر  دہلی پولس کی طرف سے ہونےو الے  ظلم کی مذمت  کرتے ہیں اور ملزم کے خلاف فوری کارروائی کا مطالبہ لےکر ملک بھر میں ہورہے احتجاج کی ہم حمایت کرتےہیں۔ احتجاج میں ذمہ داروں نے کہاکہ ابھی محکمہ پولس ، وزارت داخلہ کی طرف سے ملزم کے خلاف کوئی کارروائی نہیں کیاجانا شرمناک ہے، معاملے کو لےکر حکومتی سطح پر ہونے والی غفلت سے  ہمار ا سر شرم سےجھک گیا ہے، خاتون پہلوانوں پر ظلم ڈھانے والے ملزم کے خلاف فوری کارروائی کرتےہوئے گرفتار کرنے کا میمورنڈم میں مطالبہ کیاگیا ہے۔ احتجاج میں کرناٹکا راجیہ رعیت سنگھ کے ریاستی صدر چدانند ہریجن، دلت سنگھرش سمیتی کے ایس پکیرپا ، ہنومنت بھجنتری ، تنویر مرجانکر، بھیمنابھوی، جوجے سدی ، رینوکاسمیت کئی لوگ موجود تھے۔