ورلڈ کپ :محمد سمیع نے انل کمبلے کا ریکارڈ توڑ دیا، ٹیم انڈیا کے تیز گیندباز محمد سمیع ون ڈے ورلڈ کپ میں سب سے زیادہ وکٹ لینے والے ہندوستان کے تیسرے بولر

Source: S.O. News Service | Published on 23rd October 2023, 1:19 PM | اسپورٹس |

دھرمشالہ ، 23/اکتوبر (ایس او نیوز /ایجنسی) محمد سمیع کو نیوزی لینڈ  کے خلاف میچ میں ہندوستانی ٹیم میں کھیلنے کا موقع ملا اور انہوں نے میچ میں اپنی پہلی ہی گیند پر کمال کیا اور ول ینگ کو بولڈ کرکے ہندوستان کو دوسری کامیابی دلائی۔ اس وکٹ کے ساتھ ہی محمد سمیع  نے ایک خاص ریکارڈ اپنے نام کر لیا۔ محمد سمیع  ورلڈ کپ کی تاریخ میں ہندوستان کی جانب سے سب سے زیادہ وکٹ  لینے والے تیسرے بولر بن گئے ہیں۔ 

 یہ کارنامہ انجام دینے کے ساتھ ہی محمد سمیع نے انل کمبلے کو تیسرے نمبر سے بے دخل کردیا۔ کمبلے نے اپنے ورلڈ کپ کریئر میں31وکٹ حاصل کئے تھے۔ اس کے ساتھ ہی اب محمد سمیع  ان سے آگے نکل گئے ہیں۔ آپ کو بتاتے چلیں کہ ون ڈے ورلڈ کپ میں ہندوستان کی جانب سے سب سے زیادہ وکٹ لینے والے گیندباز ظہیر خان ہیں۔ ظہیر نے ون ڈے ورلڈ کپ میں44 وکٹ  لئے ہیں۔ ان کے بعد دوسرے نمبرپر جواگل سری ناتھ ہیں  اور انہوں نے بھی 44وکٹ لئے تھے۔ لیکن ان کی اننگز زیادہ ہیں۔ محمد سمیع نے نیوزی لینڈ کے خلاف شاندار گیندبازی کرتے ہوئے 5وکٹ لئے۔ محمد سمیع نے 10 اوور میں 54 رن دے کر5وکٹ لئے۔ 

ایک نظر اس پر بھی

رویندر جڈیجہ کا بھی ٹی-20 کرکٹ سے ریٹارئرمنٹ کا اعلان

ٹی-20 ورلڈ کپ جیتنے کے بعد جہاں ملک بھر میں خوشی کا اظہار کیا جا رہا ہے، وہیں، کچھ اہم کھلاڑیوں کے ریٹائرمنٹ کی خبریں بھی سامنے آ رہی ہیں۔ ورلڈ کپ کے خطاب پر قابض ہونے کے بعد کپتان روہت شرما اور وراٹ کوہلی نے ٹی-20 انٹرنیشنل کرکٹ سے ریٹائرمنٹ لینے کا اعلان کیا تھا۔ اب ہندوستانی ...

کپتان روہت شرما نے بھی ٹی ٹوئنٹی انٹرنیشنل کرکٹ سے ریٹائرمنٹ کا اعلان کیا

ہندوستان نے جنوبی افریقہ کو  سنسنی خیز مقابلے میں شکست دے کر ٹی ٹوینٹی عالمی  کپ جیت لیا۔ اس حوالے سے ملک بھر میں جشن کا سماں ہے۔ دریں اثنا، ایک ایک کرکے دو ہندوستانی کرکٹرز نے T20 انٹرنیشنل کرکٹ فارمیٹ سے ریٹائرمنٹ کا اعلان کردیا۔

ویراٹ کوہلی نے کیا ٹی 20 انٹرنیشنل کرکٹ سے ریٹائرمنٹ کا اعلان

ویراٹ کوہلی نے ٹی 20 انٹرنیشنل کرکٹ سے ریٹائرمنٹ کا اعلان کر دیا، ہندوستان نے کینسنگٹن اوول میں کھیلے گئے ایک سنسنی خیز فائنل میں جنوبی افریقہ کو سات رنز سے شکست دے کر ٹوئنٹی 20 ورلڈ کپ جیت لیا۔ 2007 کے چیمپئن ہندوستان نے 176-7 کا اسکور کیا۔ ویراٹ کوہلی (76) نے اس ورلڈ کپ میں اپنی پہلی ...

ٹی 20 ورلڈ کپ :17 سال بعد ہندوستان پھر بنا ٹی 20 کا شہنشاہ

ایک ارب 40 کروڑ ہندوستانیوں کی دعاؤں اور توقعات پر پورا اترتے ہوئے روہت شرما کی قیادت والی ٹیم نے ہفتہ کو اتحاد، ہمت اور تحمل کا شاندار مظاہرہ کرتے ہوئے ایک دلچسپ مقابلے میں جنوبی افریقہ کو سات رن سے شکست دے کر 17 سال بعد ٹی ٹوئنٹی ورلڈ کپ جیت لیا۔