محمد روشن بیلگاوی کے نئے ڈپٹی کمشنر مقرر
بیلگاوی، 6/ جولائی (ایس او نیوز ) محمد روشن بیلگاوی کے نئے ڈپٹی کمشنر مقرر کئے گئے ہیں جنہیں یہاں سے تبادلہ ہوئے نتیش پاٹل نے آج عہدے کا چارج دلایا۔ محمد روشن یہاں تبادلہ سے قبل ہیسکام ہبلی کے منیجنگ ڈائرکٹر کی حیثیت سے اپنے منصبی فرائض انجام دیتے ہو ئے کافی مشہور ہوئے تھے۔
جبکہ اس سے پہلے موصوف ضلع پنچایت اتر کنڑا کے چیف ایگزی کیٹیو افسر کی حیثیت سے کام کیا ہے۔ 2015 بیاچ کے آئی اے ایس محمد روشن کا تعلق حیدرآباد سے ہے جو ایک معزز خاندان سے تعلق رکھتے ہیں، جن کے والدین دونوں ڈاکٹر ہیں جبکہ بھائی اور بہن آئی اے ایس ہیں۔ الیکٹرانکس اور کمیونی کیشن میں بی ٹیک کامیاب روشن ایم بی اے فائنانس اور ایم اے پبلک پالیسی کی تعلیم حاصل کی ہے۔
جبکہ آئی اے ایس مکمل کرنے سے پہلے موصوف ایک کارپوریٹ کمپنی میں ملازمت سے اپنے کرئیر کا آغاز کرچکے تھے۔ تاہم اپنے نصب العین کو پانے کے لئے محمد روشن کو کم عمری میں بہت محنت کرنی پڑی۔ آئی اےایس کامیاب ہوکر آض وہ ریاست کرناٹک کے ایک معروف آئی اے ایس افسر کا اعزاز حاصل کرچکے ہیں۔