گنیش پوجا کے ساتھ ساورکر کی تصویر گنیش کی مورتی کے ساتھ رکھ کر کیا ہندوتوا گروپ فرقہ وارانہ آگ سے کھیلنا چاہتے ہیں ؟

Source: S.O. News Service | Published on 29th August 2022, 1:50 PM | ریاستی خبریں |

بنگلورو،29؍اگست (ایس او نیوز؍ایجنسی)  کرناٹک میں برسراقتدار بی جے پی اور ہندوتوا طاقتیں ساورکر کو ہیرو بنا کر فرقہ وارانہ آگ  سے کھیلنے کی تیاریوں میں نظر آرہی ہیں ،  حالانکہ  حکومت کو اس بات کا علم ہے کہ  ریاست میں اس مسئلہ نے فرقہ وارانہ موڑ لے لیا تھا اور چھرا گھونپنے کے  واقعات بھی  پیش آئے تھے۔

انڈین ایکسپریس  میں شائع  رپورٹ کی مانیں تو  ہندوتوا گروپس نے اِس بار گنیش اتسو کے دوران ساورکر کی تصویر گنیش کی مورتی کے ساتھ رکھنے کا فیصلہ کیا ہے۔ اس بات کو لے کر حکام پریشان ہیں اور انہیں ڈر ہے کہ کہیں نظم و ضبط کا مسئلہ نہ پیدا ہوجائے۔

اپوزیشن لیڈر سدارامیا نے بی جے پی سے سوال کیا  ہے کہ وہ ٹیپو سلطان کو مجاہد آزادی  کیوں نہیں مانتے اور ویر ساورکر کی تشہیر  پر کیوں  زور دے رہے ہیں ؟ کرناٹک کانگریس کے صدر ڈی کے شیوکمار نے بھی  سوال  اُٹھایا ہے کہ  "ویر ساورکر اور بھگوان گنیش کے درمیان کیا تعلق ہے؟"

کہا جارہا ہے کہ ساورکر ، جس  پر  مہاتماگاندھی کے قتل     کا الزام تھا، اسے اب ہیرو بنانے  بی جے پی  اور  ہندوتوا طاقتیں  اپنا پورا زور ا لگارہی ہیں  ۔ عوام کا کہنا ہے کہ  عام آدمی کے لئے کچھ نہ کرنے والی بی جے پی، آج  مذہب اور سیاست کی بات کررہی ہے۔

بتاتے چلیں کہ  15 اگست کو  75ویں یوم آزادی کی تقریبات کے موقع پر  حکمران بی جے پی  نے تمام مسلم مجاہد آزادی کے ناموں کو ہٹاکر ویرساورکر کی تشہیر میں لگ گئی تھی،  یہاں تک کہ  حکومت کی طرف سے جاری کئے گئے اخباری اشتہار اور حکومت کی جانب سے جاری کئے گئے پوسٹر سے ملک کے پہلے وزیراعظم جواہر لال نہرو کی تصویر  کو بھی ہٹایا گیا  اور پہلی بار   ویر ساورکر کی تصویر لگادی گئی تھی جس نے ملک بھر میں توجہ حاصل کی تھی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔