منی پو: پانچوں نوجوانوں کی رِہائی کا مطالبہ کرتے ہوئے خواتین کی تنظیم نے 48 گھنٹے کے لیے کیا امپھال بند کا اعلان؛ عام زندگی متاثر

Source: S.O. News Service | By Shahid Mukhtesar | Published on 20th September 2023, 12:54 AM | ملکی خبریں |

امپھال،19؍ستمبر(ایس او نیوز؍ایجنسی) میتھی خواتین کی تنظیم "مائیرا پائبیس" نے 48 گھنٹے کے لیے امپھال بند کا اعلان کرنے کے بعد آج منگل کو صبح  سے ہی بازار اور دکانیں بند رہی جس کی وجہ سے معمولات زندگی بری طرح متاثر ہوئی اور بند کا خاطر خواہ اثر نظر آیا۔

میڈیا رپورٹوں کے مطابق منی پور پولیس نے ہفتہ کو پانچ نوجوانوں کو وردی پہن کر اسلحہ لے جانے کے الزام میں گرفتار کیا تھا۔ بعد میں پانچوں کو عدالت میں پیش کرنے کے بعد انھیں پولیس حراست میں بھیجا گیا تھا۔ اس بات کو لے کر پیر کے روز مشرقی امپھال کے کھرئی اور کونگبا، بشنوپور ضلع کے نامبول، مغربی امپھال کے کاکوا اور تھوبل ضلع کے کئی علاقوں میں مائیرا پائبیس نے روڈ بلاک کرتے ہوئے سخت احتجاجی مظاہرہ کیا اور پانچوں کی رہائی کا مطالبہ کیا۔

مطالبہ پورا نہ ہونے کو دیکھتے ہوئے منگل سے 48 گھنٹوں کے بند کا اعلان کیا گیا۔ بتایا گیا ہے کہ بند کال کی وجہ سے کلاس 10 کے سپلیمینٹیری اور سکینڈری کے بورڈ امتحانات جو منگل کو ہونے تھے، ملتوی کردئے گئے ہیں، اگلی تاریخ کے تعلق سے فی الحال کوئی خبر نہیں دی گئی ہے۔

ایک مقامی کمیٹی کے صدر یومنام ہٹلرنے میڈیا والوں کو بتایا کہ "گرفتار کیے گئے پانچوں نوجوان عام شہری ہیں اور گاؤں کے رضاکار ہیں جو کوکی عسکریت پسندوں کے حملوں سے اپنے گاؤں کی حفاظت پر مامور تھے۔ہٹلر کے مطابق سیکورٹی فورسز اپنا کام صحیح طریقے سے کرنے میں ناکام رہی ہے،اس لئے نوجوان اپنے گاوں والوں کو بچانے کے لئے اپنی خدمات انجام دے رہے تھے، انہوں نے مطالبہ کیا کہ پانچوں نوجوانوں کو غیرمشروط طور پر رہا کیا جائے۔ انہوں نے حکومت کو متنبہ کیا ہے کہ اگرحکومت نے انھیں رِہا نہیں کیا یہ تحریک مزید تیز کی جائے گی۔ بتایا گیا ہے کہ نوجوانون کی گرفتاری کے بعد ہفتہ کوبھی مظاہرین نے پورومپت پولیس اسٹیشن کے سامنے نوجوانوں کی رِہائی کا مطالبہ کرتے ہوئے مظاہرہ کیا تھا۔ جس کے دوران کچھ مظاہرین اور آر اے ایف کے جوانوں کو معمولی چوٹیں بھی آئی تھیں۔

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...