منگلورو پولیس نے عوام کو دیا انتباہ : علاقے میں سرگرم چوروں کی ٹولی 'چڈّی گینگ' سے ہوشیار رہیں !

Source: S.O. News Service | Published on 8th July 2024, 1:37 PM | ساحلی خبریں |

منگلورو، 8/ جولائی (ایس او نیوز) منگلورو سٹی پولیس نے عوام کو انتباہ دیا ہے کہ علاقے میں چوری کی وارداتیں انجام دینے کی فکر میں سرگرداں چوروں سے ہوشیار رہیں ۔ 
    
خیال رہے کہ منگلورو میں پچھلے کچھ دنوں سے چوری کی کئی وارداتیں پیش آ چکی ہیں ۔ تازہ واردات کل اتوار صبح کی اولین ساعتوں میں کوڈیکل کے ویویکانند نگر میں پیش آئی ۔ بتایا جاتا ہے کہ رات دو بجے پردیپ نامی شخص کی کھڑکی کی سلاخیں توڑ کر چور گھر کے اندر داخل ہوئے ۔ اس وقت پردیپ اور اس کے گھر والے گہری نیند  سو رہے تھے ۔ چوروں نے الماریوں کی تلاشی لی اور ایک الماری میں موجود نقد دس ہزار روپوں پر ہاتھ صاف کرکے موقع پر فرار ہوگئے ۔ صبح جاگنے کے بعد پردیپ اور اس کے گھر والوں کو چوری کا پتہ چلا جس کے بعد اُوروا پولیس اسٹیشن میں معاملہ درج کیا گیا ۔ 
    
پولیس کو شبہ ہے کہ اس واردات میں 'چڈّی گینگ' نامی چوروں کی ٹولی کا ہاتھ ہو سکتا  ہے ۔ یہ پیشہ ور چوروں کی خطرناک ٹولی ہے جو اکثر مانسون کے موسم میں زیادہ سرگرم ہو جاتی ہے ۔ اس گینگ میں مدھیہ پردیش، حیدرآباد اور راجستھان سے تعلق رکھنے والے چور شامل ہیں ۔ اس سے پہلے دکشن کنڑا اور اڈپی ضلع میں چوری کی کئی وارداتوں میں اس ٹولی کا ہاتھ دیکھا گیا ہے ۔ یہ لوگ چڈی اور بنیان والا خاص قسم کا لباس پہنتے ہیں اور سر پر کپڑا باندھتے ہیں جبکہ اپنے اوزار اور ہتھیار کمر سے باندھے رکھتے ہیں ۔ اس ٹولی کے پاس کھڑکیوں کی سلاخیں وغیرہ کاٹنے کے اوزار موجود رہتے ہیں۔ 
    
پولیس نے جائے واردات پر موجود سی سی ٹی وی کیمرے سے فوٹیج حاصل کیا ہے جس میں چوروں کی ٹولی گھر کے اندر داخل ہونے اور باہر نکلنے کا منظر قید ہوا ہے اور ان کا لباس بھی چڈی گینگ کا مخصوص لباس دکھائی دے رہا ہے ۔ تحقیقات اور ملزمین کی گرفتاری کے لئے پولیس نے خصوصی ٹیمیں تشکیل دی ہیں ۔
    
اس سے قبل جمعرات کے دن بالکونجے نیرالیکے میں دو گھروں کے اندر چوری کی وارداتیں انجام دی جا چکی ہیں ، جس میں اسی گینگ کا ہاتھ ہونے کا شبہ ہے ۔ 
    
ڈپٹی کمشنر آف پولیس (کرائم) بی پی دنیش کمار نے  عوام کو خصوصاً رات کے وقت محتاط اور چوکس رہنے کی تاکید کرتے ہوئے کہا ہے کہ کسی کو مشکوک انداز میں گھومتے پھرتے دیکھنے یا پھر آس پاس مشکوک آوازیں سنائی دینے پر فوراً 112 پر کال کرکے پولیس کو اطلاع دیں ۔اپنے گھروں پر پاس سی سی ٹی وی کیمرے لگائیں اور اس بات کو یقینی بنائیں یہ کیمرے صحیح حالت میں کر رہے ہوں ۔ گھروں کے اگلے اور پچھلے دروازے اور کھڑکیوں کو اچھی طرح بند رکھنے اہتمام کریں ۔

ایک نظر اس پر بھی

دکشن کنڑا میں 83 مقامات پر بج رہی خطرے کی گھنٹی - موسلا دھار برسات سے کھسک سکتی ہیں چٹانیں 

کئی دنوں سے چل رہی مسلسل برسات کی وجہ سے جگہ جگہ چٹانیں کھسکنے کے واقعات پیش آ رہے ہیں ۔ اس وقت دکشن کنڑا میں 83 ایسے مقامات کی نشاندہی کی گئی ہے جہاں چٹانیں کھسکنے کا خطرہ سر پر منڈلا رہا ہے ۔    

 انکولہ میں زمین کھسکنے کا معاملہ : ضلع انتظامیہ نے کی ملبے میں ٹرک دبے ہونے کی تصدیق؛ کیا زندہ برآمد ہوگا لاری ڈرائیور ؟

انکولہ تعلقہ کے شیرور میں پیش آئے چٹان کھسکنے کے المیہ کے بارے میں مزید کچھ اہم باتیں سامنے آ رہی ہیں، جس سے یقین ہوگیا ہے کہ ملبے کے اندر ایک بینز ٹرک دبا ہے ۔ اس وجہ سے ملبے کے اندر ٹرک کا لا پتہ ڈرائیور بھی موجود ہونے کا قوی امکان ہے۔

کمٹہ تعلقہ میں بھاری برسات کے بعد چٹان کھسک گئی  

اتر کنڑا میں موسلا دھار برسات کے نتیجے میں انکولہ تعلقہ کے  شیرور میں بڑے پیمانے پر چٹان کھسکنے کا جان لیوا حادثہ پیش آنے کے بعد اب کمٹہ تعلقہ میں الورومٹھ  کے قریب بھی ایک بڑی چٹان کھسک گئی ۔ اس سے کمٹہ سداپور شاہراہ مکمل طور پر بند ہوگئی ہے ۔

اڈپی میں ڈینگی کے بڑھتے معاملے - ڈاکٹری نسخے کے بغیر پیراسیٹامول گولی کی فروخت پر لگی پابندی

ضلع میں ڈینگی اور دوسرے متعدی امراض میں روز بروز اضافہ ہوتا جا رہا ہے اور زیادہ تر مریض خود ہی اپنا علاج (سیلف میڈیکیشن) کرنے لگے ہیں ۔ اس کی وجہ سے امراض کی نامناسب تشخیص اور نامکمل علاج کا سلسلہ چل پڑا ہے جس کا نتیجہ کبھی کبھی جان لیوا ثابت ہوتا ہے ۔