منگلورو میں معمر جوڑے کے گھر پر ڈاکہ - قیمتی اشیاء کے علاوہ کار بھی لوٹی گئی 

Source: S.O. News Service | Published on 9th July 2024, 8:13 PM | ساحلی خبریں | ان خبروں کو پڑھنا مت بھولئے |

منگلورو،  9 / جولائی (ایس او نیوز) سٹی پولیس کمشنریٹ کے حدود میں ایک اور ڈکیتی کی واردات پیش آئی جس میں ایک معمر جوڑے کے گھر میں گھس کر لوٹ مار مچانے کے بعد لٹیرے باہر موجود کار بھی زبردستی اپنے ساتھ لے گئے ، جسے بعد میں مولکی سے بازیافت کیا گیا ۔
    
بتایا جاتا ہے کہ چار افراد پر مشتمل گینگ نے علی الصبح ساڑھے تین بجے کے قریب معمر جوڑے کے گھر پر دھاوا بولا ۔ اس جوڑے کے بچے بیرون ملک میں مقیم ہیں اور گھر میں صرف میاں بیوی رہتے ہیں ۔ لٹیروں نے ہتھیاروں کی زد پر گھر میں لوٹ مار مچائی اور قیمتی اشیاء پر ہاتھ صاف کرنے کے بعد عمر رسیدہ مرد پر حملہ کرکے اس سے کار کی چابیاں چھین لیں اور اسی کار میں اڈپی کی طرف فرار ہوگئے ۔  لوٹے گئے گھر سے تعلق رکھنے والے بعض ذرائع نے بتایا کہ ڈکیتی انجام دینے والی گینگ میں چار افراد تھے اور وہ سب ہندی اور کنڑا زبان بول رہے تھے ۔ 
    
پولیس نے لوٹی گئی کار کو ہیجماڈی ٹول پلازہ سے ذرا دور پارک کی گئی حالت میں بازیافت کر لیا ۔ سمجھا جاتا ہے کہ کیمرے کی زد میں آنے سے بچنے کے لئے لٹیروں نے کار کو ٹول گیٹ سے دوری پر چھوڑ دیا ہوگا ۔  کار کے اندر ایک موبائل فون پڑا ہوا ملا ہے ۔ پولیس کا خیال ہے کہ یہ لٹیروں میں سے کسی ایک کا ہو سکتاہے اور شائد بھاگنے کی عجلت میں لٹیروں کے پاس سے وہاں گرا ہوگا ۔ 
    
اُوروا پولیس نے ڈکیتی کی زد میں آنے والے گھر پہنچ معائنہ کیا اور معاملہ درج کرتے ہوئے تفتیش کا آغاز شروع کر دی ہے ۔ گھر سے چرائی گئی کار مولکی سے بازیافت ہونے کے بعد اسے بھی تفتیشی نقطہ نگاہ سے اپنے قبضے میں لیا ہے ۔ جائے واردات کے اطراف سے سی سی ٹی وی کیمروں کا فوٹیج حاصل کیا جا رہا ہے ۔  گھر سے لوٹی گئی اشیاء کی کُل مالیت کا ابھی اندازہ نہیں لگایا گیا ہے ۔ 

ایک نظر اس پر بھی

دکشن کنڑا میں 83 مقامات پر بج رہی خطرے کی گھنٹی - موسلا دھار برسات سے کھسک سکتی ہیں چٹانیں 

کئی دنوں سے چل رہی مسلسل برسات کی وجہ سے جگہ جگہ چٹانیں کھسکنے کے واقعات پیش آ رہے ہیں ۔ اس وقت دکشن کنڑا میں 83 ایسے مقامات کی نشاندہی کی گئی ہے جہاں چٹانیں کھسکنے کا خطرہ سر پر منڈلا رہا ہے ۔    

 انکولہ میں زمین کھسکنے کا معاملہ : ضلع انتظامیہ نے کی ملبے میں ٹرک دبے ہونے کی تصدیق؛ کیا زندہ برآمد ہوگا لاری ڈرائیور ؟

انکولہ تعلقہ کے شیرور میں پیش آئے چٹان کھسکنے کے المیہ کے بارے میں مزید کچھ اہم باتیں سامنے آ رہی ہیں، جس سے یقین ہوگیا ہے کہ ملبے کے اندر ایک بینز ٹرک دبا ہے ۔ اس وجہ سے ملبے کے اندر ٹرک کا لا پتہ ڈرائیور بھی موجود ہونے کا قوی امکان ہے۔

کمٹہ تعلقہ میں بھاری برسات کے بعد چٹان کھسک گئی  

اتر کنڑا میں موسلا دھار برسات کے نتیجے میں انکولہ تعلقہ کے  شیرور میں بڑے پیمانے پر چٹان کھسکنے کا جان لیوا حادثہ پیش آنے کے بعد اب کمٹہ تعلقہ میں الورومٹھ  کے قریب بھی ایک بڑی چٹان کھسک گئی ۔ اس سے کمٹہ سداپور شاہراہ مکمل طور پر بند ہوگئی ہے ۔

اڈپی میں ڈینگی کے بڑھتے معاملے - ڈاکٹری نسخے کے بغیر پیراسیٹامول گولی کی فروخت پر لگی پابندی

ضلع میں ڈینگی اور دوسرے متعدی امراض میں روز بروز اضافہ ہوتا جا رہا ہے اور زیادہ تر مریض خود ہی اپنا علاج (سیلف میڈیکیشن) کرنے لگے ہیں ۔ اس کی وجہ سے امراض کی نامناسب تشخیص اور نامکمل علاج کا سلسلہ چل پڑا ہے جس کا نتیجہ کبھی کبھی جان لیوا ثابت ہوتا ہے ۔

کیجریوال جان بوجھ کر کم کیلوری والا کھانا لے رہے ہیں، ایل جی کا الزام، عآپ کا شدید ردعمل

عام آدمی پارٹی کے رکن پارلیمنٹ سنجے سنگھ نے دہلی کے وزیر اعلی اروند کیجریوال کی صحت سے متعلق لیفٹیننٹ گورنر ونے سکسینہ کے چیف سکریٹری کو لکھے گئے خط پر ردعمل ظاہر کیا ہے۔ ایل جی کو نشانہ بناتے ہوئے سنجے سنگھ نے کہا کہ ایل جی یہ کیا مذاق کر رہے ہیں؟ کیا کوئی آدمی رات کو شوگر کم ...

کیا صرف 2 منٹ کی تاخیر کے سبب پیش آیا گونڈا ٹرین حادثہ! رپورٹ میں ایک بڑی لاپروائی کا انکشاف

اتر پردیش کے گونڈا میں گزشتہ دنوں پیش آئے ٹرین حادثہ میں 4 لوگوں کی موت ہو گئی تھی اور درجنوں افراد زخمی ہوئے تھے۔ اس معاملے میں تحقیقات کے درمیان ایک بڑی لاپروائی کا پتہ چلا ہے۔ بتایا جا رہا ہے کہ محض 2 منٹ کی تاخیر کی وجہ سے یہ ٹرین حادثہ ہوا، یعنی تھوڑی چابکدستی کا مظاہرہ کیا ...

ممبئی میں تیز بارش، کئی سڑکیں زیر آب، ٹریفک نظام متاثر

ممبئی شہرو مضافات اور تھانے میں جمعرات کی صبح اچانک تیز بارش شروع ہوگئی جس کے بعد محکمہ موسمیات نے تھانے میں جمعہ (آج) کیلئے اورینج الرٹ جاری کرتے ہوئے تیز بارش کی پیش گوئی کی۔ جمعرات کو صبح کے وقت شدید بارش کے سبب متعدد مقامات پر سڑکیں زیر آب آگئیں جس سے ٹریفک نظام متاثر ...

کمٹہ تعلقہ میں بھاری برسات کے بعد چٹان کھسک گئی  

اتر کنڑا میں موسلا دھار برسات کے نتیجے میں انکولہ تعلقہ کے  شیرور میں بڑے پیمانے پر چٹان کھسکنے کا جان لیوا حادثہ پیش آنے کے بعد اب کمٹہ تعلقہ میں الورومٹھ  کے قریب بھی ایک بڑی چٹان کھسک گئی ۔ اس سے کمٹہ سداپور شاہراہ مکمل طور پر بند ہوگئی ہے ۔

اجیت پوار کو بڑا جھٹکا، دو درجن سے زائد لیڈر شرد پوار کی پارٹی میں شامل

این سی پی اجیت گروپ کے  صدر اور مہاراشٹر کے نائب وزیر اعلی اجیت پوار کو بڑا جھٹکا لگا ہے۔ یہ جھٹکا انہیں ان کے محفوظ علاقے کہے جانے والے پونے کے پمپری چنچوڑ میں لگا ہے جہاں کے دو درجن سے زائد لیڈروں نے ان کا ساتھ چھوڑ کر شرد پوار کی این سی پی میں شمولیت اختیار کرلی ہے۔ اجیت پوار ...