منگلورو : کانگریس اقلیتی سیل نے کیا، سیاسی مقاصد کے لئے کئے گئے قتل کی دوبارہ تحقیقات کا مطالبہ

Source: S.O. News Service | Published on 30th May 2023, 3:47 PM | ساحلی خبریں | ریاستی خبریں |

منگلورو ،30 / مئی (ایس او نیوز) جنوبی کینرا کانگریس اقلیتی سیل کی طرف سے اسمبلی اسپیکر یو ٹی قادر کو ایک میمورنڈم پیش کرتے ہوئے  مطالبہ کیا گیا ہے کہ سیاسی مفاد حاصل کرنے کے لئے جنوبی کینرا میں کیے گئے مسعود بیلارے ، فاضل منگل پیٹے ، عبدالجلیل کاٹیپلا اور دنیش کنیاڈی قتل کی از سر نو تحقیقات کی جائے ۔ 

جنوبی کینرا کانگریس اقلیتی سیل کے صدر شاہ الحمید نے اخباری نمائندوں سے بات کرتے ہوئے کہا کہ  قتل کی ان وارداتوں کی مکمل تفتیش کسی خصوصی جانچ ٹیم کے ذریعے دوبارہ ہونی چاہیے اور متاثرہ خاندانوں کو یکساں معاوضہ ادا کیا جانا چاہیے ۔ 

انہوں نے کہا: " ہم وزیر اعلیٰ کے شکر گزار ہیں کہ انہوں نے پروین نیٹارو کی اہلیہ نوتنا کماری کی ملازمت کو انسانی بنیادوں پر پھر سے بحال کر دیا ۔ اسی طرح ہم وزیر اعلیٰ سے گزارش کریں گے کہ دیگر مقتولین کے خاندانوں کی  حالت زار پر بھی توجہ دی جائے ۔ جب بسوا راج بومئی کی حکومت تھی تو ان معاملات میں جانبدارانہ تحقیقات ہوئی تھی ۔ پروین نیٹارو کے قتل سے پہلے مسعود نامی نوجوان کا قتل ہوا تھا ۔ پروین کے قتل کا بدلہ لینے کے لئے فاضل کو موت کے گھاٹ اتارا گیا ۔ اسی طرح کاٹیپلا میں عبدالجلیل کا قتل کیا گیا ۔ قتل کی ان تین وارداتوں سے پہلے ایک دلت طبقہ کے مزدور کو قتل کیا گیا تھا ۔ مگر بسوا راج بومئی حکومت نے صرف پروین نیٹارو کے معاملے کو این آئی اے کے حوالہ کیا جس نے اس معاملے کے ملزمین کو  یو اے پی اے قانون کے تحت گرفتار کیا ہے ۔ جبکہ قتل کے دیگر چار معاملات کو نظر انداز کیا گیا ہے ۔ فاضل معاملے کے  ملزم دنیش کو گرفتاری کے ایک مہینے کے اندر ضمانت مل گئی تھی ۔ اس کے علاوہ شرن پمپ ویل نے کھلے عام اعلان کیا تھا کہ فاضل کو سنگھ پریوار والوں نے قتل کیا ہے مگر شرن کو تا حال گرفتار نہیں کیا گیا ۔"

شاہ الحمید نے مطالبہ کیا کہ چاروں مقتولین کے اہل خانہ کو فی کس 25  لاکھ روپے معاوضہ دیا جائے اور سرکاری ملازمت دی جائے ۔ اس کے علاوہ فاضل کے  قتل کے معاملے میں شرن پمپ ویل کو گرفتار کیا جائے ۔ اس موقع پر موجود مقتول مسعود کی والدہ سارمّاں نے کہا کہ " مجھے امید ہے کہ ریاستی حکومت سے ہمیں انصاف اور معاوضہ ملے گا ۔ ہم 25 لاکھ روپے معاوضے کا مطالبہ کرتے ہیں ۔ کسی بھی ماں کو اس حالت سے نہیں گزرنا چاہیے جس سے میں گزر رہی ہوں ۔" فاضل کے والد عمر فاروق نے مطالبہ کیا کہ ان کے بیٹے کے قتل کا معاملہ بھی تحقیقات کے لئے این آئی اے کو سونپا جائے ۔ 

ایک نظر اس پر بھی

بھٹکل میں بارش سے گھروں کو پہنچے نقصانات کا جائزہ لینے تنظیم وفد کا متاثرہ علاقوں کا دورہ

   ہفتہ عشرہ سے  بھٹکل میں جاری زور دار بارش کے نتیجے میں کئی علاقوں میں مکانوں کو نقصان پہنچا ہے، جس کا جائزہ لینے آج پیر کو قومی سماجی ادارہ مجلس اصلاح و تنظیم کے ایک وفد نے   صدیق اسٹریٹ، نستار اور مخدوم کالونی علاقہ کا دورہ کیا اور تنظیم کی جانب سے ہرممکن تعاون کا یقین ...

انکولہ لینڈ سلائیڈ: بھٹکل اسکول ٹیمپو ڈرائیورس یونین نے پہاڑی کا ملبہ ہٹانے والے عملے میں تقسیم کیا کھانا

   انکولہ لینڈ سلائیڈ کے بعد  کیرالہ کے ارجن سمیت تین لاپتہ لوگوں  کی کھوج کرنے والے سو سے زائد  عملہ کو  آج بھٹکل اسکول ٹیمپو ڈرائیورس  یونین کی طرف سے  دوپہر کا کھانا تقسیم کیا گیا اور  کیرالہ سے خصوصی طور پر    ملبہ ہٹانے کے لئے پہنچے لوگوں کی ہمت بندھائی۔

نیشنل ہائی وے کا غیر سائنٹفک کام - این ای سی ایف نے مرکزی وزیر گڈکری کو بھیجا شکایتی مراسلہ

نیشنل ہائی وے کے مختلف مقامات پر چٹانیں اور زمین کھسکنے کے جان لیوا حادثات کے لئے شاہراہوں کے غیر سائنٹفک توسیعی کام کو ذمہ دار قرار دیتے ہوئے نیشنل اینوائرنمنٹ کیئر فیڈریشن (ین ای سی ایف) نے مرکزی وزیر برائے بری نقل و حمل نتین گڈکری کئی اہم سرکاری افسران کو شکایتی مراسلہ بھیجا ...

بینگلورو: دھوتی میں ملبوس کسان کو داخلہ نہ دینے کا معاملہ : حکومت نے دیا سات دن کے لئے مال بند کرنے کا حکم 

دو دن قبل بینگلورو کے ایک مال میں ایک عمر رسیدہ کسان اور اس کے اہل خانہ  کو اس وجہ سے داخلہ دینے سے انکار کیا گیا تھا کہ وہ کسان دھوتی میں ملبوس تھا ۔ اس واقعے کی ویڈیو کلپ وائرل ہونے کے بعد اس کے خلاف آوازیں اٹھنے لگی تھیں اور مال کے خلاف کارروائی کا مطالبہ کیا جا رہا تھا ۔ 

کرناٹک پرائیویٹ فرموں میں کناڈیگاس کے لیے 100فیصد کوٹہ لازمی کرنے والا بل منظور

کرناٹک کی کابینہ نے ایک بل کو منظور کیا ہے جس میں کننڈیگاس کو گروپ سی اور ڈی کے عہدوں کے لیے نجی شعبے میں 100 فیصد ریزرویشن لازمی قرار دیا گیا ہے،  وزیر اعلیٰ سدرامیا نے کہا۔یہ فیصلہ پیر کو ہونے والے کابینہ کے اجلاس میں کیا گیا۔