منگلورو : بولیار چاقو زنی معاملے میں پولیس کے خلاف بی جے پی کا مظاہرہ - حراست میں لیے گئے 10 مشتبہ افراد 

Source: S.O. News Service | Published on 10th June 2024, 5:42 PM | ساحلی خبریں |

منگلورو،  10 / جون (ایس او نیوز) کل وزیر اعظم مودی کی حلف برداری کے موقع پر بی جے پی کی طرف سے بولیار میں نکالے گئے جلوس کے دوران چاقو زنی کے معاملے پر بی جے پی لیڈران اور کارکنان نے پولیس کے خلاف کوناجے پولیس اسٹیشن کے سامنے احتجاجی مظاہرہ کیا اور الزام لگایا کہ پولیس ملزموں کو گرفتار کرنے کے لئے کارروائی نہیں کر رہی ہے ۔
    
بتایا جاتا ہے کہ کیپٹن چوتا کی جیت اور مودی کی حلف برداری کی مناسبت سے بولیار گرام بی جے پی سمیتی کی طرف سے جشن فتح کے طور پرنکالا گیا جلوس چیلور سے دھرمانگرا کی طرف جا رہا تھا تو بولیار مسجد کے پاس ڈی جے بجانے پر نوجوانوں کے ایک گروپ کی طرف سے اعتراض جتایا گیا تو دونوں گروپوں میں زبانی جھڑپ ہوگئی ۔ 
    
جب جلوس میں شامل افراد واپس لوٹ رہے تھے تو کچھ لوگوں نے پھر سے مسجد کے سامنے اشتعال انگیز نعرے بازی کی جس کے بعد مسلم نوجوانوں کے گروپ نے ان کا پیچھا کیا اور سمادھان بار کے پاس ان کا راستہ روکا ۔ یہاں دونوں گروپوں کے بیچ جھگڑا اور مارپیٹ شروع ہوئی اور اس دوران ہریش اور ننداکمار نامی دو لوگوں کو چھرا گھونپ دیا گیا جبکہ کرشنا کمار نامی شخص مارپیٹ میں زخمی ہوگیا ۔ 
    
ڈسٹرکٹ بی جے پی صدر ستیش کمپالا، لیڈر سنتوش رائے بولیار کے ساتھ بڑی تعداد میں بی جے پی کارکنان کوناجے پولیس اسٹیشن کے باہر جمع ہوگئے اور ملزموں کے خلاف کارروائی نہ کرنے کا الزام لگاتے ہوئے پولیس کے خلاف نعرے بازی کرنے لگے ۔ جب پولیس افسران نے انہیں یقین دلایا کہ وہ جلد ہی ملزمین کو گرفتار کریں گے ، تب احتجاج ختم ہوا اور بھیڑ منتشر ہوگئی ۔
    
پولیس کا کہنا ہے کہ مارپیٹ اور چاقو زنی کی واردات پیش آتے ہی اس نے دس مشتبہ افراد کو اپنی حراست میں لیا ہے جن میں سے تین افراد کا تعلق براہ راست چاقو زنی کے معاملے سے ہے ۔

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔