کانگریس کارکنوں پرپاکستان زندہ باد کے نعرے لگائے جانےکے الزام کے بعد مینگلور میں بی جےپی یوتھ مورچہ نے کی کانگریس دفترکا گھیراؤ کرنے کی کوشش

Source: S.O. News Service | By Abu Aisha | Published on 28th February 2024, 9:24 PM | ساحلی خبریں |

منگلورو  :28؍فروری   (ایس اؤ نیوز ) راجیہ سبھا انتخابات میں کانگریس کی شاندار جیت درج ہونے کے بعد میڈیا میں دکھایا گیا  تھا کہ  کانگریس کے  ناصر حُسین کے ایک حامی نے دو مرتبہ پاکستان زندہ باد کا نعرہ لگایا ہے۔ اس کی مذمت کرتے ہوئے   بی جےپی  یوتھ مورچہ کارکنان نے منگلورو میں کانگریس دفتر کا گھیراؤ کرنے کی کوشش کی۔

ذرائع کے مطابق  بی جے پی یوتھ مورچہ کارکنان شہر کے ملی کٹی میں واقع کانگریس دفتر کا گھیراؤکرنےپہنچے تو وہاں  بڑی تعداد میں کانگریس کارکنان  بھی جمع ہو گئے ۔ جس کے بعد  بی جے پی یووا مورچہ کے اراکین،  کانگریس کے دفتر کا گھیراؤ کرنے کے لیے کدری بازار کے قریب بڑی تعداد میں جمع ہونا شروع کیا۔ یہ لوگ جب کانگریس دفتر کا گھیراو کرنے کی کوشش کی تو  پولیس نے مظاہرین کو کانگریس کے دفتر میں داخل ہونے سے روکنے کے لیے رکاوٹیں کھڑی کر دیں۔ بعد میں  کانگریس دفتر کے قریب کے  کرناٹکا ریزرو پولس فورس  کی دو پلاٹون بھی تعینات کردی گئیں۔  بی جے پی یووا مورچ کے اراکین نے اس موقع پر  ناصر حسین کے استعفیٰ کا مطالبہ کر نے لگے، جس کے بعد تمام مظاہرین کو پولیس نے حراست میں لے لیا۔

خیال رہےکہ منگل  شام  کوجب راجیہ سبھا انتخابات کے نتائج کا اعلان کیاگیا تو تین کانگریس کے امیدواروں نے جیت درج کی تھی جس میں ناصر حسین بھی شامل تھے۔ گودی میڈیا میں   دکھایا گیا کہ  ناصر حسین کے حامیوں نے اپنے لیڈر کا جشن منانے کے دوران پاکستان کے حق میں نعرےلگائے  ہیں، لیکن  ناصر حُسین اور ان کے حامیوں کا کہنا  تھا  کہ وہاں صرف ناصر حُسین زندہ باد کے نعرے لگے تھے، لیکن گودی  میڈیا نے  اُسے ہی پاکستان زندہ باد کا نعرہ    کردیا ہے۔ ناصر حُسین کے حامیوں نے میڈیا سے پوچھا کہ  ملک بالخصوص کرناٹک کے موجودہ حالات کو دیکھتے ہوئے  کیا   کوئی پاکستان زندہ آباد کے  نعرے  لگانے کی جرات کرسکتا ہے ؟ ایسے میں کرناٹک کے وزیر اعلیٰ سدرامیا نے بھی  ٹویٹ کرتے ہوئے  حیرت کا اظہار کیا  کہ  موجودہ حالات کو دیکھتے ہوئے  کوئی پاکستان زندہ باد کا نعرہ لگانے کی جرات کیسے کرسکتا ہے، سدرامیا نے اپنے ٹویٹ میں کہا کہ اگر یہ بات ثابت ہوتی ہے کہ  کسی نے پاکستان زندہ باد کا نعرہ لگایا ہے  تو اُس کے خلاف سخت کاروائی کی جائے گی۔ وزیراعلیٰ سدرامیا نے یہ بھی کہا کہ ہم نے آواز کی رپورٹ ایف ایس ایل (فارنسیک سائنس لیبارٹری) کو بھیج دی ہے۔ رپورٹ آنے پر اگر یہ  بات سچ  ثابت ہوتی ہے   تو ایسے شخص کو سخت سزا دی جائے گی۔

ایک نظر اس پر بھی

ماہی گیر تنظیموں کا متفقہ فیصلہ - کاسرکوڈ میں تجارتی بندرگاہ کے خلاف ہوگی قانونی جد و جہد

) شہر کے سینٹ جوزیف ہال میں ماہی گیر تنظیموں کی جوائنٹ ایکشن کمیٹی اور کراولی ماہی گیر مزدوروں کی تنظیم کا مشترکہ اجلاس منعقد ہوا جس میں کاسرکوڈ میں مجوزہ نجی تجارتی بندرگاہ کی تعمیر کے خلاف تنظیمی اور قانونی طریقے سے جد وجہد کرنے کا فیصلہ کیا گیا ۔

بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری آفسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی ...

بھٹکل میں مسلم رپورٹروں کی طرف سے غیر مسلم رپورٹروں کوپیش کی گئی عید الفطر کی مٹھائیاں

ورکنگ جرنلسٹ اسوسی ایشن   بھٹکل  کے مسلم رپورٹروں کی طرف سے بھٹکل کے غیر مسلم رپورٹروں کو عید الفطر کی مناسبت سے مٹھائیاں تقسیم کی گئیں اور اُنہیں عید کے تعلق سے  معلومات فراہم کی گئیں۔